ଧୋନିଙ୍କ ରାସ୍ତାରେ ରାଇନା: ଇନଷ୍ଟାଗ୍ରାମରେ ପୋଷ୍ଟ କରି ଅବସର ନେଇ ସୂଚନା ଦେଲେ ସୁରେଶ; କହିଲେ, ଆପଣଙ୍କ ଯାତ୍ରାରେ ମୁଁ ମଧ୍ୟ ସାମିଲ ହେବାକୁ ଚାହୁଁଛି
କନକ ବ୍ୟୁରୋ: ଅନ୍ୟତମ ଭାରତୀୟ କ୍ରିକେଟର ସୁରେଶ ରାଇନା ମଧ୍ୟ କ୍ରିକେଟରୁ ଅବସର ନେଇ ସୂଚନା ଦେଇଛନ୍ତି । ନିଜ ଇନ୍ଷ୍ଟାଗ୍ରାମରେ ଏନେଇ ପୋଷ୍ଟ କରି ଧୋନିଙ୍କ ଉଦ୍ଦେଶ୍ୟରେ ସେ ଲେଖିଛନ୍ତି, ଆପଣଙ୍କ ସହ ଖେଳିବା ବେଶ ଗୌରବର କଥା । ଏହା ମୋର ଛାତିକୁ ଗର୍ବରେ ଭରି ଦେଇଛି । ମୁଁ ଆପଣଙ୍କ ଯାତ୍ରାରେ ମୁଁ ମଧ୍ୟ ସାମିଲ ହେବାକୁ ଚାହୁଁଛି । ଧନ୍ୟବାଦ ଭାରତ । ଜୟହିନ୍ଦ । ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନି ଅବସର ଘୋଷଣା କରିବାର ଅଳ୍ପ ସମୟ ପରେ ଟିମ୍ ଇଣ୍ଡିଆର ମଧ୍ୟମକ୍ରମର ବ୍ୟାଟସମ୍ୟାନ ସୁରେଶ ରାଇନା ମଧ୍ୟ ଏଭଳି ପୋଷ୍ଟ କରି ଅବସରର ସଂକେତ ଦେଇଛନ୍ତି । ଜାତୀୟ ଗଣମାଧ୍ୟମରେ ରାଇନା ଅବସର ଘୋଷଣା କରିସାରିଥିବା ନେଇ କୁହାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଟିମ୍ ଇଣ୍ଡିଆର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନିଙ୍କ ସହ ଇଂଟରନେସନାସ କ୍ରିକେଟରୁ ଅବସର ନେଇଛନ୍ତି ସୁରେଶ ରୈନା । ଉତରପ୍ରଦେଶର ଏହି କ୍ରିକେଟର ବିଶ୍ୱସ୍ତରରେ ବେଶ ନାଁ କରିଛନ୍ତି । ୨୦୦୫ ମସିହାରେ ପ୍ରଥମ ଅନ୍ତର୍ଜାତୀୟ ଦିନିକିଆ ଖେଳିଥିବା ରୈନା ମଧ୍ୟକ୍ରମ ବ୍ୟାଟିଂ ଅର୍ଡରରେ ଦ୍ରୁତ ରନ ସଂଗ୍ରହ, କାମଚଳା ସ୍ପିନ ବୋଲିଂ ସହ ଜବରଦସ୍ତ ଫିଲଡିଂ ଯୋଗୁଁ ଚର୍ଚାରେ ରହିଆସିଥିଲେ । ରୈନା ଭାରତ ପାଇଁ ୧୮ଟି ଟେଷ୍ଟ, ୨୨୬ ଏକ ଦିବସୀୟ ଓ ୭୮ଟି ଟି-୨୦ ମ୍ୟାଚ ଖେଳିଥିଲେ । ଅନ୍ତର୍ଜାତୀୟ କ୍ରିକେଟରେ ରୈନା ୭ ହଜାରରୁ ଅଧିକ ରନ କରିଛନ୍ତି । ସେ ଖେଳିଥିବା ୧୮ଟି ଟେଷ୍ଟ ମ୍ୟାଚରୁ ୭୬୮ ରନ କରିଥିବା ବେଳେ ଏଥିରେ ରହିଛି ଗୋଟିଏ ଶତକ ଓ ୭ଟି ଅର୍ଧଶତକ । ୨୨୬ଟି ଅନ୍ତର୍ଜାତୀୟ ଏକଦିବସୀୟ ମ୍ୟାଚରୁ ରୈନା ୫ ହଜାର ୬ଶହ ୧୫ ରନ କରିଛନ୍ତି ।
ଦିନିକିଆରେ ୫ ଶତକ ଓ ୩୬ଟି ଅର୍ଧ ଶତକ କରିଥିବା ରେକର୍ଡ ରୈନାଙ୍କ ନାମରେ ରହିଛି । ଅପରାଜିତ ୧୧୬ ରନ ଦିନିକିଆ ମ୍ୟାଚରେ ରୈନାଙ୍କ ସର୍ବ ଶ୍ରେଷ୍ଠ ପ୍ରଦର୍ଶନ । ଟି-୨୦ରେ ରୈନା ମୋଟ ୧୬୦୫ ରନ କରିଛନ୍ତି, ଯେଉଁଥିରେ ରହିଛି ଗୋଟିଏ ଶତକ ଓ ୫ଟି ଅର୍ଧ ଶତକ । ସୁରେଶ ରୈନା ହେଉଛନ୍ତି ପ୍ରଥମ ଭାରତୀୟ ଖେଳିଳି, ଯିଏ କ୍ରିକେଟର ୩ଟି ଫର୍ମାଟରେ ଶତକ ହାସଲ କରିଛନ୍ତି । ଆଇପିଏଲରେ ସବୁଠୁ ଅଧିକ ରନ ଓ ମ୍ୟାଚ ଖେଳିବା ରେକର୍ଡ ମଧ୍ୟ ତାଙ୍କ ନାମରେ ରହିଛି । ଟି-୨୦ ବିଶ୍ୱକପ -୨୦୦୭, ବିଶ୍ୱକପ-୨୦୧୧ ଓ ଚାମ୍ପିଅନ୍ସ ଟ୍ରଫି -୨୦୧୩ ବିଜୟୀ ହୋଇଥିବା ଟିମ ଇଣ୍ଡିଆର ସଦସ୍ୟ ଥିଲେ ସୁରେଶ ରୈନା ।
ସୁରେଶ ରୈନାଙ୍କ ଅବସର ଘୋଷଣା ପରେ ସଚିନ ତେନ୍ଦୁଲକର ଟୁଇଟ କରି ଭବିଷ୍ୟତ ପାଇଁ ଶୁଭ କାମନା ଜଣାଇଛନ୍ତି । ଏଥିସହ ରୈନାଙ୍କ ପ୍ରଥମ ଟେଷ୍ଟର ଏକ ଫୋଟୋ ସେୟାର କରିଛନ୍ତି ସଚିନ । କ୍ରିକେଟର ଇରଫାନ ପଠାନ ମଧ୍ୟ ରୈନଙ୍କ ରିଟାୟର୍ଡକୁ ନେଇ ଟୁଇଟ କରିଛନ୍ତି । ସେ ଲେଖିଛନ୍ତି ଚମକ୍ରାର ଫିଲଡର, ଆକ୍ରାମଣାତ୍ମକ ବ୍ୟାଟସମ୍ୟାନ ନିଜ କ୍ୟାରିଅରରେ ଦେଶ ପାଇଁ ଭଲ ଅବଦାନ ଦେଇଛ । ଏହାପରେ ରାଇନାକ ୁଭବିଷ୍ୟତ ପାଇଁଶୁଭେଛା ଜଣାଇଛନ୍ତି ଇରଫାନ । ସେହିପରି ବିରାଟ କୋହଲି ମଧ୍ୟ ଟୁଇଟ କରି ଭବିଷ୍ୟତ ଜିବନ ପାଇଁ ରାଇନାକୁ ଶୁଭ କାମନା ଜଣାଇଛନ୍ତି । ଅନ୍ୟପଟେ ମହେନ୍ଦ୍ର ସିଂ ଧୋନି ଓ ସୁରେଶ ରୈନାଙ୍କ ଅବସର ଘୋଷଣା ପରେ ଚେନ୍ନାଇ ସୁପର କିଙ୍ଗସ ମଧ୍ୟ ଟୁଇଟ କରିଛି