ଅସୁସ୍ଥ ଜେଜେମା’ଙ୍କ ପାଇଁ ଔଷଧ ଆଣିବାକୁ ଯାଉଥିଲେ ଯୁବକ । ରାସ୍ତାରେ ଅଟକାଇଲେ ଜିଲ୍ଲାପାଳ, ଫୋନ ଭାଙ୍ଗିଦେଲେ, ଶକ୍ତ ଚାପୁଡା ମାରିଲେ । ଜିଲ୍ଲାପାଳ ପଦରୁ ବିଦା କରିଦେଲେ ବାଘେଲ ସରକାର ।
କନକ ବ୍ୟୁରୋ : କଲେକ୍ଟରଙ୍କ ଦବଙ୍ଗଗିରି । ସବୁ ସୀମା ଟପିଗଲା ଜିଲ୍ଲାପାଳଙ୍କ ଜୁଲମ୍ । ନିରୀହ ଲୋକଙ୍କୁ ମାଡ଼ ମାରିଲେ, ମୋବାଇଲ୍ ଭାଙ୍ଗିଦେଲେ । ଦବଙ୍ଗ ଡିଏମ୍ । ଯିଏ ଲୋକଙ୍କୁ ଲକଡାଉନର ପାଠ ପଢାଇବାକୁ ଯାଇ ନିଜ ମଣିଷପଣିଆକୁ ମାରିଦେଇଛନ୍ତି । ଜରୁରୀକାମରେ ବାହାରକୁ ବାହାରୁଥିବା ଲୋକଙ୍କୁ ବି ପ୍ରବଳ ପିଟୁଛନ୍ତି କଲେକ୍ଟର । ଆଉ ଜିଲ୍ଲାପାଳଙ୍କ ଜୁଲମର ସବୁ ସୀମା ସେତେବେଳେ ଟପିଯାଇଥିଲା, ଯେତେବେଳେ, ଟୀକା ନେବାକୁ ଯାଉଥିବା ଜଣେ ବ୍ୟକ୍ତିଙ୍କୁ ଅଟକାଇ, ତାଙ୍କ ମୋବାଇଲକୁ କଚାଡି କଚାଡି ଭାଙ୍ଗିଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଛତିଶଗଡ ସୁରଜପୁର ଜିଲ୍ଲାର ଜିଲ୍ଲାପାଳ ରଣବୀର ଶର୍ମାଙ୍କ ଅମାନବୀୟ କାଣ୍ଡର ଏକ ଭିଡିଓ ଏବେ ସୋସିଆସଲ ମିଡିଆରେ ଭାଇରାଲ ହେଉଛି । ଏହି ଭିଡିଓରେ ଦେଖିବାକୁ ମିଳିଛି, ଜିଲ୍ଲାପାଳ ଜଣେ ଯୁବକଙ୍କ ମୋବାଇଲ ଭାଙ୍ଗୁଥିବା ବେଳେ ତାଙ୍କୁ ନିସ୍ତୁକ ମାଡ ମଧ୍ୟ ମାରୁଛନ୍ତି । ନିଜେ ମାରିବା ପରେ ମନ ଶାନ୍ତି ହେଲାନି ଯେ, ସେଠାରେ ଉପସ୍ଥିତ ଥିବା ପୋଲିସକୁ ବି ଯୁବକଙ୍କୁ ମାରିବାକୁ କହିଲେ ।
ତେବେ ସୁରଜପୁରରେ ମେ ୩୧ ତାରିଖ ପର୍ଯ୍ୟନ୍ତ ଲକଡାଉନ୍ ଲାଗୁ କରାଯାଇଛି । ଆଉ ଲକଡାଉନ୍ କେମିତି ପାଳନ କରାଯାଉଛି, ତାର ତଦାରଖ କରିବା ପାଇଁ ଗତ ଶନିବାର ନିଜେ ରାସ୍ତାକୁ ବାହାରିଥିଲେ ଜିଲ୍ଲାପାଳ । କିନ୍ତୁ ଲୋକଙ୍କୁ ଲକଡାଉନର ପାଠ କଣ ପଢାଇବେ, ନିଜେ ମଣିଷପଣିଆ ଭୁଲିଗଲେ ଆଉ ଦାଦାଗିରି ଦେଖାଇଲେ । ଏପରିକି ଏହି ସମୟରେ ସେ ମହିଳାମାନଙ୍କ ସହ ମଧ୍ୟ ଅଭଦ୍ରାମି ବ୍ୟବହାର ପ୍ରଦର୍ଶନ କରିଥିଲେ । କିଛି ଲୋକଙ୍କୁ ରାସ୍ତା ଉପରେ ଉଠ ବସ୍ କରାଇଥିଲେ । ଆଉ ସବୁଠାରୁ ଲଜ୍ଜ୍ୟାଜନକ କଥା ହେଉଛି, ଜଣେ ନାବାଳକ ଛୋଟ ଛୁଆ, ନିଜ ଅସୁସ୍ଥ ବାପାଙ୍କ ପାଇଁ ମେଡିସିନ୍ ଆଣିବାକୁ ଯାଇଥିବା ବେଳେ, ଛୋଟ ପିଲାଟିକୁ ମଧ୍ୟ ନିସ୍ତୁକ ମାଡ ମରା କରାଇଥିଲେ କଲେକ୍ଟର । ଯେତେବେଳେ କି ପିଲାଟି ଔଷଧର ପ୍ରେସକ୍ରିପସନ୍ ମଧ୍ୟ ଦେଖାଇଥିଲା ।
କେବଳ ଏତିକି ନୁହେଁ, କଲେକ୍ଟର ବାବୁ ଏମିତି ରାଗିଯାଉଥିଲେ ଯେ, ଯେଉଁ ଲୋକ ବାହାରକୁ ବାହାରିବାର ଯଥାର୍ଥ କାରଣ ବି କହୁଥିଲେ, ତାଙ୍କୁ ମଧ୍ୟ ନିସ୍ତୁକ ମାଡ ମାରୁଥିଲେ ଜିଲ୍ଲାପାଳ । କଲେକ୍ଟରଙ୍କ ଏଭଳି ଅମାନବୀୟ କାର୍ଯ୍ୟାନୁଷ୍ଠାନରେ ଜଣେ ୧୩ ବର୍ଷର ଛୋଟ ପିଲା ସମେତ, ଅନେକ ଲୋକ ଆହତ ହୋଇଛନ୍ତି ।
ତେବେ ଏହିସବୁ ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ନିଜେ ଜିଲ୍ଲାପାଳ, ଏକ ଭିଡିଓ ଜାରି କରି ସଫେଇ ଦେବା ସହ କ୍ଷମା ପ୍ରାର୍ଥନା କରିଛନ୍ତି । ତେବେ କଲେକ୍ଟରଙ୍କ ଏଭଳି କାର୍ଯ୍ୟରେ ଖପ୍ପା ହୋଇଥିଲେ ଛତିଶଗଡ ମୁଖ୍ୟମନ୍ତ୍ରୀ ଭୂପେଶ ବାଘେଲ । ସୁରଜପୁର ଜିଲ୍ଲାପାଳ ପଦରୁ ତାଙ୍କୁ ହଟାଇ ଦିଆଯାଇଥିବା ବେଳେ, ଆଇଏଏସ ଗୌରବ କୁମାର ସିଂହଙ୍କୁ ସୁରଜପୂରର ନୂଆ ଜିଲ୍ଲାପାଳ ଭାବେ ଦାୟିତ୍ୱ ଦିଆଯାଇଛି । ଆଉ ମୁଖ୍ୟମନ୍ତ୍ରୀ କହିଛନ୍ତି, ଏହି ଘଟଣା ଅତ୍ୟନ୍ତ ନିନ୍ଦନୀୟ, ଛତିଶଗଡରେ ଏଭଳି କାର୍ଯ୍ୟକୁ ବରଦାସ୍ତ କରାଯିବ ନାହିଁ । ଅନ୍ୟପକ୍ଷରେ ଆଇଏଏସ ସଂଘ ମଧ୍ୟ ଜିଲ୍ଲାପାଳଙ୍କ ଏଭଳି ଅମାନବୀୟ ଜୁଲମକୁ ନିନ୍ଦା କରିଛି ।