ଗୁଗୁଲ, ଫେସବୁକ ଓ ହ୍ୱାଟ୍ସଆପ ଭଳି ୫ଟି କମ୍ପାନୀଙ୍କୁ ଝଟକା ! ୧ ଲକ୍ଷ ଟଙ୍କା ଲେଖାଏଁ ଜୋରିମାନା ଲଗାଇଲେ ସୁପ୍ରିମକୋର୍ଟ ।
ସୋସିଆଲ ମିଡିଆରେ ଯୌନ ଉତ୍ପୀଡନ ସମ୍ବନ୍ଧିତ ଘଟଣାବଳୀ କିମ୍ବା ଭିଡିଓ ଉପରେ ପ୍ରତିବନ୍ଧ ଲଗାଇବା ପାଇଁ ଅନେକ ସମୟରେ ସୁପ୍ରିମକୋର୍ଟ କଡା ଆଭିମୁଖ୍ୟ ନେଇଛନ୍ତି । ତେଣୁ ଏନେଇ ବିଭିନ୍ନ ସୋସିଆଲ କମ୍ପାନୀ କେଉଁ ପଦକ୍ଷେପ ନେଇଛନ୍ତି ସେନେଇ ପ୍ରଶ୍ନ କରିବାରୁ କୌଣସି କମ୍ପାନୀମାନେ ଉତ୍ତର ରଖି ନାହାଁନ୍ତି । ତେଣୁ ସୁପ୍ରିମକୋର୍ଟ ବିଶ୍ୱରେ ପ୍ରତିଷ୍ଠିତ କମ୍ପାନୀ ଗୁଗୁଲ, ଫେସବୁକ, ହ୍ୱାଟ୍ସଆପ ଭଳି ୫ଟି କମ୍ପାନୀ ମାନଙ୍କ ଉପରେ ଏକ ଲକ୍ଷ ଟଙ୍କା ଲେଖାଏଁ ଜୋରିମାନା ଦେବା ପାଇଁ ନିର୍ଦ୍ଦେଶ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହାସହିତ ସର୍ବୋଚ୍ଚ ନ୍ୟାୟାଳୟ ଏହି ପାଞ୍ଚଟି କମ୍ପାନୀଙ୍କୁ ୧୫ ଦିନ ଭିତରେ ଏହାର ଜବାବ ରଖିବାକୁ ନିର୍ଦ୍ଦେଶ ଦେଇଛନ୍ତି । ବିଚାରପତି ମଦନ ବୀ ଲୋକୁର ଏବଂ ଜଷ୍ଟିସ୍ ୟୁ.ୟୁ ଲାଲିତଙ୍କ ମିଳିତ ପୀଠ ଶୁଣାଣିରେ କହିଛନ୍ତି ଯେ ସୋସିଆଲ ସାଇଟରେ ଯୌନ ଉତ୍ପୀଡନ ଭିଡିଓ ଗୁଡିକ ହଟାଇବା ନିର୍ଦ୍ଦେଶ ପରେ ମଧ୍ୟ କମ୍ପାନୀ ଗୁଡିକ ଏହାର ଅବମାନନା କରିଛନ୍ତି । ତେଣୁ ଏହି ସବୁ କମ୍ପାନୀ ଉପରେ ୧ ଲକ୍ଷ ଟଙ୍କା ଲେଖାଏଁ ଜୋରିମାନା ଲଗାଯାଇଛି । ଗତମାସ ୧୬ ତାରିଖରୁ ସୁପ୍ରିମକୋର୍ଟ ଏନେଇ ୫ଟି କମ୍ପାନୀ ଗୁଡିକୁ ଜବାବ ମାଗିଥିଲେ ।
ଏଭଳି ଆପତ୍ତିଜନକ ଭିଡିଓକୁ ରୋକିବା ପାଇଁ କେନ୍ଦ୍ର ସରକାର ଅନଲାଇନ ସାଇବର କ୍ରାଇମ ରିପୋର୍ଟିଙ୍ଗ ପୋର୍ଟାଲକୁ ଉନ୍ମୋଚନ ବିଳମ୍ବ ବିରୋଧରେ ଅସନ୍ତୋଷ ପ୍ରକାଶ କରିଛନ୍ତି । ଏହା ସହ ୩୦ ଜୁନ ସୁଦ୍ଧା ଏହି ପୋର୍ଟାଲକୁ କରିବା ପାଇଁ କେନ୍ଦ୍ର ସରକାରଙ୍କୁ ସୁପ୍ରିମକୋର୍ଟଙ୍କ ନିର୍ଦ୍ଦେଶ ।