ରଥଯାତ୍ରା ପାଇଁ ୧୧ଟି ସର୍ତ୍ତ ରଖିଲେ ସୁପ୍ରିମକୋର୍ଟ । ଜାଣନ୍ତୁ କେଉଁ ଗାଇଡଲାଇନ ଜାରି କଲେ ସର୍ବୋଚ୍ଚ ନ୍ୟାୟଳୟ ।

କନକ ବ୍ୟୁରୋ: ରଥଯାତ୍ରା ନେଇ ସୁପ୍ରିମକୋର୍ଟଙ୍କ ସର୍ତ୍ତ ।  ୧୧ ସର୍ତ୍ତ ରଖିଲେ ସୁପ୍ରିମକୋର୍ଟ । ଆଜି ଅପରାହ୍ମରେ ରଥଯାତ୍ରା ହେବା ନେଇ ଅନୁମତି ଦେବା ପରେ ବର୍ତ୍ତମାନ ସର୍ତ୍ତାବଳୀ ରଖିଛନ୍ତି ସୁପ୍ରିମକୋର୍ଟ । କରୋନା ପାଇଁ କଟକଣା ଥିବାରୁ ୟା ଭିତରେ ମହାପ୍ରଭୁଙ୍କ ଘୋଷଯାତ୍ରା ଅନୁଷ୍ଠିତ ହେଉଥିବାରୁ ୧୧ ଗାଇଡ ଲାଇନ ଜାରି କରିଛନ୍ତି ସର୍ବୋଚ୍ଚ ନ୍ୟାୟଳୟ ।

ନଜର ପକାନ୍ତୁ ରଥଯାତ୍ରା ପାଇଁ କେଉଁ କେଉଁ ସର୍ତ୍ତ ରଖିଛନ୍ତି ସୁପ୍ରିମକୋର୍ଟ

– ଗୋଟିଏ ରଥକୁ ସର୍ବାଧିକ ୫ଶହ ଜଣ ଟାଣି ପାରିବେ
– ପ୍ରତି ରଥ ଟଣା ହେବା ଭିତରେ ଘଣ୍ଟାଏ ବ୍ୟବଧାନ ରହିବ
– ପୁରୀ ଜିଲ୍ଲାକୁ ସିଲ୍ କରାଯିବ, ଆଜି ରାତି ୮ଟାରୁ କର୍ଫ୍ୟୁ
– ବସ୍, ବିମାନ ଓ ରେଳ ସେବା ସଂପୂର୍ଣ୍ଣ ବନ୍ଦ ରହିବ
– ରଥ ଟଣା ହେବା ବେଳେ କର୍ଫ୍ୟୁ ଜାରି ରହିବ
– କରୋନା ନେଗେଟିଭ୍ ଥିବା ସେବାୟତ ହିଁ ସାମିଲ ହେବେ
– ଯେଉଁ ସେବାୟତ ରଥଟଣାରେ ନିୟୋଜିତ ରହିବେ ବା ଯେଉଁମାନେ ରଥ ଟାଣିବେ ସେମାନେ ନିଜ ନିଜ ମଧ୍ୟରେ ସାମାଜିକ ଦୂରତା ବଜାୟ ରଖିବେ
– ଶ୍ରୀଜଗନ୍ନାଥ ମନ୍ଦିର ପ୍ରଶାସନ ଉତ୍ତରଦାୟିତ୍ୱ ନେବେ
– ସରକାର ଓ ପ୍ରଶାସନ ନିୟମର ପାଳନ ପାଇଁ ଉତ୍ତରଦାୟୀ ରହିବେ
– ମୁକ୍ତ ଓ ବିନାମୂଲ୍ୟରେ ରଥଯାତ୍ରାର ପ୍ରସାରଣ କରିବେ ଗଣମାଧ୍ୟମ
– କରୋନା ନିୟନ୍ତ୍ରଣ ପାଇଁ ଓଡ଼ିଶା ସରକାର ଭଲ ଭାବରେ କାର୍ଯ୍ୟକରିଛନ୍ତି
– ତେଣୁ ଏଭଳି ଆଭିମୁଖ୍ୟ ରଥଯାତ୍ରାରେ ବି ରଖିବାକୁ ନିର୍ଦେଶ
– କେନ୍ଦ୍ର ସରକାରଙ୍କ ସାହାଯ୍ୟ ନେଇପାରିବେ ରାଜ୍ୟ ସରକାର
– ରଥଯାତ୍ରାରେ ସାମିଲ ବ୍ୟକ୍ତିଙ୍କ ତଥ୍ୟ ରଖିବେ ରାଜ୍ୟ ସରକାର