କନକ ବ୍ୟୁରୋ : ସୁପ୍ରିମକୋର୍ଟରେ ମୁଖ୍ୟ ୫ ଜଣ ଜଜ୍ ଙ୍କ ମଧ୍ୟରୁ ଏଲ,ନାଗେଶ୍ୱର ରାଓ ଅନ୍ୟଜଣେ । ସେ ଜୁନ ୭ ତାରିଖରେ ଅବସର ନେବାକୁ ଯାଉଛନ୍ତି । ହେଲେ ତା ପୂର୍ବରୁ ସୁପ୍ରିମକୋର୍ଟ ବାର ଆସୋସିଏସନ ତାଙ୍କୁ ବିଦାୟ ସମ୍ବୋର୍ଦ୍ଧନା ଦେଇଛି । ଏହି ଅବସରରେ ବାସ ଆସୋସିଏସନର ଉପାଧ୍ୟକ୍ଷ ପ୍ରଦୀପ ରାୟ ଜଷ୍ଟିସ ନାଗେଶ୍ୱର ରାଓଙ୍କୁ ନେଇ ଏକ ବଡ ଖୁଲାସା କରିଛନ୍ତି । ସେ କହିଛନ୍ତି କି ଜଷ୍ଟିସ ନାଗେଶ୍ୱର ରାଓ ଜଜ୍ ହେବା ପୂର୍ବରୁ ବଲିଉଡ ସିନେମାରେ ଜଣେ କଳାକାର ଭାବେ କାମ କରୁଥିଲେ । ସେ ୧୯୮୯ ରେ ରିଲିଜ ହୋଇଥିବା ସିନେମା “କାନୁନ୍ ଅପନା ଅପନା” ରେ ଜଣେ ଇନସ୍ପେକ୍ଟର ଭୂମିକାରେ ଅଭିନୟ କରିଥିଲେ । ଏହି ସିନେମାରେ ସଞ୍ଜୟ ଦତ୍ତଓ କାଦର ଖାନ ମଧ୍ୟ ଅଭିନୟ କରିଥିଲେ । ଏହାସହ ସେ ଅନ୍ୟ କିଛି ହିନ୍ଦି ସିନେମାରେ ମଧ୍ୟ ଅଭିନୟ କରିଥିବା କଥା ପ୍ରଦୀପ ରାୟ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ବିଦାୟ ସମାରୋହରେ ଜଷ୍ଟିସ ରାଓ ମୁଖ୍ୟ ବିଚାରପତି ଏନ ବି ରମନ୍ନାଙ୍କ ସହ ମଞ୍ଚରୁ କହିଥିଲେ କି ସେ ସନ୍ୟାସୀ ନୁହଁନ୍ତି ବରଂ ଅନେକ ସମୟରେ କାମ କରିବା ବେଳେ ସେ ଚାପରେ ପଡିଥିଲେ । କହିରଖୁ କି ଜଷ୍ଟିସ ରାଓ ସୁପ୍ରମକୋର୍ଟ ଇତିହାସରେ ସପ୍ତମ ବ୍ୟକ୍ତି ଯେ କି, ବାର ଆସୋସିଏସନରୁ ସିଧା ସଳଖ ସୁପ୍ରିମକୋର୍ଟର ବିଚାରପତି ଭାବେ ନିଯୁକ୍ତି ପାଇଥିଲେ । ସେ ସୁପ୍ରିମ କୋର୍ଟରେ ବିଚାରପତି ଭାବେ ୬ ବର୍ଷ କାମ କଲେ ।