କନକ ବ୍ୟୁରୋ: କରୋନା ମହାମାରୀ ପାଇଁ ବର୍ତମାନ ସମସ୍ତ ସ୍କୁଲରେ ଅନଲାଇନ କ୍ଲାସ ଚାଲିଛି । ଅନଲାଇନ କ୍ଲାସ ଚାଲୁଥିବା ଯୋଗୁଁ ସ୍କୁଲ ଫି ହ୍ରାସ କରିବା ଉପରେ ସମସ୍ତ ସ୍କୁଲ ବିଚାର କରିବା ପାଇଁ କହିଛନ୍ତି ସୁପ୍ରିମକୋର୍ଟ । ଜଷ୍ଟିସ ଏ.ଏମ ଖାନୱାଲିକର ଓ ଦିନେଶ ମାହେଶ୍ୱରୀଙ୍କ ଦ୍ୱାରା ଗଠିତ ଖଣ୍ଡପୀଠ ମାମଲାର ଶୁଣାଣି କରି କହିଛନ୍ତି, ଅନଲାଇନ କ୍ଲାସ ଯୋଗୁଁ ସ୍କୁଲ ପରିସରରେ ଥିବା ପେଟ୍ରୋଲ, ଡିଜେଲ, ଇଲେକ୍ଟ୍ରି ଓ ରକ୍ଷାଣବେକ୍ଷଣ ଖର୍ଚ୍ଚ ହ୍ରାସ ପାଇଛି । ତେଣୁ ଏଭଳି ସ୍ଥିିତିରେ ଛାତ୍ରଛାତ୍ରୀଙ୍କ ଫି ହ୍ରାସ କରିବା ଉଚିତ ।
Kanak News is now on WhatsApp
Join and get latest news updates delivered to you via WhatsApp
ଯଦି ଫି ଛାଡ ନକରି ଅଭିଭାବକଙ୍କୁ ସମସ୍ତ ଦେୟ ଦେବାକୁ ଦାବି କରାଗଲେ ଏହା ଏକପ୍ରକାର ବ୍ୟବସାୟ ମନୋଭାବନାର ସଙ୍କେତ ବୋଲି କହିଛନ୍ତି ଖଣ୍ଡପୀଠ । କରୋନା ମହାମାରୀ କାରଣରୁ ଅଭିଭାବକମାନେ ମଧ୍ୟ ଆର୍ଥିକ ସଙ୍କଟ ଦେଇ ଗତି କରୁଛନ୍ତି । ତେଣୁ ଶିକ୍ଷାନୁଷ୍ଠାନ ଗୁଡିକ ଏହି ଦିଗରେ ଯତ୍ନବାନ ହେବା ଆବଶ୍ୟକ । ଛାତ୍ରଛାତ୍ରୀଙ୍କ ଅଭିଭାବକମାନେ ପାଠପଡା ଖର୍ଚ୍ଚ ସହ ଅନ୍ୟାନ୍ୟ ସୁବିଧା ବାବଦକୁ ସ୍କୁଲରେ ଅର୍ଥରାଶି ପୈଠ କରିଥାନ୍ତି । ଅନଲାଇନ କ୍ଲାସରେ ସେହି ସୁବିଧାରୁ ଛାତ୍ରଛାତ୍ରୀ ବଂଚିତ ରହୁଛନ୍ତି ତେଣୁ ସ୍କୁଲ ଫି କମାଇବା ଦ୍ୱାରା ଅଭିଭାବକଙ୍କ ଉପରେ ଚାପ କମ ରହିବ ବୋଲି ଖଣ୍ଡପୀଠ କହିଛନ୍ତି ।