ଜେଲରେ କଏଦୀ ଲେଖିଥିବା କବିତାରେ ଅନୁପ୍ରାଣିତ ହେଲେ ସୁପ୍ରିମକୋର୍ଟ : ମୃତ୍ୟୁ ଦଣ୍ଡକୁ ଆଜୀବନ କାରାଦଣ୍ଡରେ ବଦଳାଇଲେ
ସୁପ୍ରିମକୋର୍ଟ ଜେଲରେ ଦଣ୍ଡ ଭୋଗୁଥିବା କଏଦୀଙ୍କ ମୃତ୍ୟୁ ଦଣ୍ଡକୁ ଆଜୀବନ କାରାଦଣ୍ଡରେ ବଦଳାଇଲେ । କଏଦୀକୁ ଜଣେ ଶିଶୁର ହତ୍ୟା କରିବା ଅପରାଧରେ ଜେଲ ଦଣ୍ଡ ହୋଇଥିଲା । ଜେଲରେ ଲେଖିଥିବା ତା’ କବିତାରୁ ଜଣାପଡୁଥିଲା କି, ସେ ନିଜ ଭୁଲ ସ୍ୱୀକାର କରିନେଇଛି ଏବଂ ସେ ତାକୁ ସୁଧାରିବାକୁ ଚାହୁଁଛି ।
Kanak News is now on WhatsApp
Join and get latest news updates delivered to you via WhatsApp
ଜଷ୍ଟିସ ଏକେ ସିକ୍ରିଙ୍କ ଅଧ୍ୟକ୍ଷତା ଥିବା ବ୍ୟାଂଚ କହିଛି କି, ଦାନେଶ୍ୱର ସୁରେଶ ବୋର୍କାର ଯେତେବେଳେ ଶିଶୁର ହତ୍ୟା କରିଥିଲା, ସେହି ସମୟରେ ସେ ୨୨ ବର୍ଷର ଥିଲା । ସେ ଲେଖିଥିବା କବିତାରୁ ଜଣାପଡୁଛି କି, ସେ ସମାଜ ସହିତ ଯୋଡି ହେବାକୁ ଚାହେଁ ଏବଂ ଏକ ସଭ୍ୟ ବ୍ୟକ୍ତି ଭାବେ ଜୀବନ ବିତାଇବାକୁ ଚାହେଁ । ସୁପ୍ରିମକୋର୍ଟର ବ୍ୟାଂଚ ନିଜ ଆଦେଶରେ କହିଛନ୍ତି କି, ବୋର୍କାରର କବିତା ସହିତ ଆହୁରି ମଧ୍ୟ ପ୍ରମାଣ ଅଛି, ଯେଉଁଥିରେ ଜଣାପଡୁଛି କି, ସେ ନିଜ ଭୁଲ ସ୍ୱୀକାର କରିନେଇଛି । ବୋର୍କାରକୁ ପୁଣେ ଟ୍ରାଏଲ କୋର୍ଟ ମୃତ୍ୟୁ ଦଣ୍ଡରେ ଦଣ୍ଡିତ କରିଥିଲା, ଯାହାକୁ ବମ୍ବେ ହାଇକୋର୍ଟ ବଜାୟ ରଖିଥିଲା । ପରେ ମେ ୨୦୦୬ରେ ସେ ଏହା ବିରୋଧରେ ସୁପ୍ରିମକୋର୍ଟରେ ପିଟିସନ୍ ଦାଖଲ କଲା । ସୁପ୍ରିମକୋର୍ଟ ତଥ୍ୟ ଆଧାରରେ ଏହାକୁ ଖାରଜ କରିଦେଲେ । ବୋର୍କାରର ଓକିଲ କହିଛନ୍ତି କି, ସେ ଜେଲରେ ନିଜ ଶିକ୍ଷା ପୁରା କରିସାରିଛି ଏବଂ ସେ ସଭ୍ୟ ବ୍ୟକ୍ତି ଭଳି ସମାଜରେ ଜୀବନ ବିତାଇବାକୁ ଚାହେଁ ।