କନକ ବ୍ୟୁରୋ: ଇଲେକ୍ଟୋରାଲ ବଣ୍ଡକୁ ନେଇ ସୁପ୍ରିମକୋର୍ଟ ଏକ ଗୁରୁତ୍ୱପୂର୍ଣ୍ଣ ରାୟ ଦେଇଛନ୍ତି । ପ୍ରଧାନ ବିଚାରପତି ଡିୱାଇ ଚନ୍ଦ୍ରଚୂଡଙ୍କ ଅଧ୍ୟକ୍ଷତାରେ ଗଠିତ ୫ ଜଣିଆ ସାମ୍ବିଧାନିକ ଖଣ୍ଡପୀଠ ରାୟ ଦେଇ କହିଛନ୍ତି ଯେ,  ଦଳ ପାଇଁ ଡୋନେସନ୍  ଅର୍ଥ କେଉଁଠୁ ଆସୁଛି ଏସବୁ  ଜାଣିବାର ଅଧିକାର ଦେଶର ନାଗରିକଙ୍କର ରହିଛି। ନିର୍ବାଚନୀ ବଣ୍ଡକୁ ଅସାମ୍ବିଧାନିକ କହିବା ସହ ଏହା ଉପରେ ରୋକ୍ ଲଗାଇଲେ କୋର୍ଟ । କୋର୍ଟ କହିଛନ୍ତି ଯେ, ନିର୍ବାଚନୀ ବଣ୍ଡ ସୂଚନା ଅଧିକାର ନିୟମକୁ ଉଲଂଘନ କରୁଛି । ଭୋଟରଙ୍କୁ ସବୁ ରାଜନୈତିକ ଦଳର ଫଣ୍ଡିଙ୍ଗ ବାବଦରେ ଜାଣିବାର ଅଧିକାର ରହିଛି । ଏହା ସହ ବଣ୍ଡ୍ କିଣିବାବାଲାଙ୍କ ଲିଷ୍ଟକୁ ମଧ୍ୟ ସାର୍ବଚନୀନ କରିବା ବାଧ୍ୟତାମୂଳକ ବୋଲି କହିଛନ୍ତି  ସର୍ବୋଚ୍ଚ ନ୍ୟାୟାଳୟ ।