ଓଟିଟି ପ୍ଲାଟଫର୍ମକୁ ନେଇ ସୁପ୍ରିମକୋର୍ଟଙ୍କ ବଡ଼ ରାୟ । କହିଲେ, ୱେବ ସିରିଜ୍ ଓ ସୋ’ ଗୁଡ଼ିକର ସ୍କ୍ରିନିଂ ଜରୁରୀ ।
କନକ ବ୍ୟୁରୋ: ଓଟିଟି ପ୍ଲାଟଫର୍ମ ନେଇ ବଡ଼ କଥା କହିଛନ୍ତି ସୁପ୍ରିମକୋର୍ଟ । ୱେବ ସିରିଜ୍ ଓ ଅନ୍ୟ ସୋ ଗୁଡ଼ିକୁ ସ୍କ୍ରିନିଂ କରାଯିବାର ଆବଶ୍ୟକତା ରହିଥିବା କହିଛନ୍ତି ସର୍ବୋଚ୍ଚ ନ୍ୟାୟାଳୟ । ଏହାସହ ଏନେଇ ନିକଟରେ କେନ୍ଦ୍ର ସରକାର ଜାରି କରିଥିବା ନିୟମକୁ ଆସନ୍ତାକାଲି ସୁଦ୍ଧା କୋର୍ଟଙ୍କୁ ଜଣାଇବାକୁ ନିର୍ଦ୍ଦେଶ ଦେଇଛନ୍ତି ସର୍ବୋଚ୍ଚ କୋର୍ଟ ।
Kanak News is now on WhatsApp
Join and get latest news updates delivered to you via WhatsApp
ଓଟିଟି ସମ୍ପର୍କିତ ଶୁଣାଣି କରି ସର୍ବୋଚ୍ଚ ନ୍ୟାୟାଳୟ କହିଛନ୍ତି ଯେ, କିଛି କଟକଣା ଆବଶ୍ୟକ କାରଣ ଏସବୁ ପ୍ଲାଟଫର୍ମ ଉପରେ ବେଳେ ବେଳେ ଅଶ୍ଳୀଳ ଭିଡିଓ ଚଲାଯାଉଥିବାର ନଜିର ଆସିଛି । ତେଣୁ ସନ୍ତୁଳନ ରକ୍ଷା ପାଇଁ କିଛି କଟକଣା ଆବଶ୍ୟକ ଥିବା କୋର୍ଟ କହିଛନ୍ତି । ଆମାଜନ ପ୍ରାଇମ ଭିଡିଓର କମର୍ସିଆଲ ମୁଖ୍ୟ ଅପର୍ଣ୍ଣା ପୁରୋହିତଙ୍କ ଏକ ଆବେଦନର ଶୁଣାଣି କରି କୋର୍ଟ ଏକଥା କହିଛନ୍ତି । ପୂର୍ବରୁ ଅପର୍ଣ୍ଣାଙ୍କୁ ଆଗୁଆ ଜାମିନ ଦେବାକୁ ମନା କରିଦେଇଥିଲେ ଆହ୍ଲାବାଦ ହାଇକୋର୍ଟ ।
‘ତାଣ୍ଡବ’ ୱେବ ସିରିଜକୁ ନେଇ ନିକଟରେ ବିବାଦ ଦେଖାଦେଇଥିଲା । ଏଥିରେ ଗୋଟିଏ ସମ୍ପ୍ରଦାୟର ଧାର୍ମିକ ମନୋଭାବକୁ ଆଘାତ ପହଂଚାଯାଇଥିବା ଅଭିଯୋଗ ହୋଇଥିଲା । ଏନେଇ ଉତ୍ତର ପ୍ରଦେଶ ପୁଲିସ୍ ଆମାଜନ ପ୍ରାଇମ ଭିଡିଓର ଅଧିକାରୀଙ୍କ ବିରୋଧରେ ଏକ ମାମଲା ରୁଜୁ କରିଥିଲା । ଓଟିଟି ଓ ସୋସିଆଲ ମିଡିଆ ନେଇ ଫେବ୍ରୁଆରୀ ୨୬ରେ କେନ୍ଦ୍ର ସରକାର ନୂଆ ନିୟମ ଜାରି କରିଛନ୍ତି । ଏଥିରେ ବିଷୟବସ୍ତୁ ନେଇ ତଥ୍ୟ ହେବାକୁ ହେବ, ଏହାସହ କେଉଁଠି ପ୍ରସାରଣ କରିବେ ତାହା ମଧ୍ୟ ଜଣାଇବାକୁ ପଡ଼ିବ ।