କୌଣସି ଖେଳାଳିଙ୍କୁ ରିଟେନ କରିନପାରେ ହାଇଦ୍ରାବାଦ! ଟ୍ୱିଟ ବଢାଇଲା ଚର୍ଚ୍ଚା

କନକ ବ୍ୟୁରୋ: ସନରାଇଜର୍ସ ହାଇଦ୍ରାବାଦ ନିଜର କୌଣସି ବି ଖେଳାଳିଙ୍କୁ ରିଟେନ କରିନପାରେ। ଅର୍ଥାତ ଗତ ଆଇପିଏଲରେ ଖେଳୁଥିବା ସମସ୍ତ ଖେଳାଳିଙ୍କୁ ହାଇଦ୍ରାବାଦ ଛାଡି ଦେଇଥିବା କୁହାଯାଉଛି । ହାଇଦ୍ରାବାଦ ନିଜ ଟ୍ୱିଟରେ କରିଥିବା ଏକ ପୋଷ୍ଟ ଏବେ ଏହାକୁ ନେଇ ଚର୍ଚ୍ଚା ବଢାଇଛି ।

ହାଇଦ୍ରାବାଦ ନିଜ ଟିମର ଏକ ଫଟୋ ଟ୍ୱିଟ କରି ଲେଖିଛି, ଦଳର ସମସ୍ତ ଖେଳାଳିଙ୍କୁ ତାଙ୍କର ଅବଦାନ ପାଇଁ ଧନ୍ୟବାଦ । ଏହା ଏକ ଗୁଡ ବାଏ ନୁହେଁ, ଆମେ ଆଶା ରଖିଛୁ ପୁଣି ନିଲାମୀରେ ଆମ ଟିମକୁ ଫେରି ଆସନ୍ତୁ ।

ଯଦି ହାଇଦ୍ରାବାଦ ନିଜର ସବୁ ଖେଳାଳିଙ୍କୁ ଛାଡି ଦେଇଥିବ ତେବେ ଦଳର ୯୦ କୋଟି ଟଙ୍କା ବଞ୍ଚିଯିବ । ବିସିସିଆଇ ୩୦ ନଭେମ୍ବର ଯାଏଁ ସବୁ ଟିମକୁ ଅତିବେଶୀରେ ୪ ଜଣ ଲେଖାଏଁ ଖେଳାଳିଙ୍କୁ ରିଟେନ ରଖିବାର ସୁଯୋଗ ଦେଇଥିଲା । ଏହି ୪ ଖେଳାଳିଙ୍କୁ କିଣିବାକୁ ଗୋଟିଏ ଟିମ ୯୦ କୋଟି ଟଙ୍କା ଖର୍ଚ୍ଚ କରିଥାନ୍ତା ।