ଦୂର୍ଘଟଣାର ଶିକାର ହେଲା ସନିଙ୍କ ପ୍ରଚାର ଗାଡ଼ି ! ପଞ୍ଜାବର ଗୁରୁଦାସପୁରରେ ବିଜେପି ପ୍ରାର୍ଥୀ ସନି ଦେଓଲଙ୍କ ପ୍ରଚାର ଗାଡି ଦୂର୍ଘଟଣାଗ୍ରସ୍ତ ।
ଲୋକସଭା ନିର୍ବାଚନର ସପ୍ତମ ଚରଣରେ ପଞ୍ଜାବରେ ମତଦାନ ହେବାକୁ ଯାଉଛି । ପଞ୍ଜାବର ଗୁରୁଦାସପୁରରୁ ବିଜେପିର ଲୋକସଭା ପ୍ରାର୍ଥୀ ତଥା ବଲିଉଡ୍ ସୁପରଷ୍ଟାର୍ ସନି ଦେଓଲ୍ ଙ୍କ ଗାଡି ସୋମବାର ସକାଳ ଏକ ଦୂର୍ଘଟଣାର ଶିକାର ହୋଇଛି । ପ୍ରଚାର ସମୟରେ ଏଭଳି ଦୂର୍ଘଟଣା ହୋଇଥିବା କଥା କୁହାଯାଉଛି । ତେବେ ସନି ଉକ୍ତ ଗାଡିରେ ଥିଲେ କି ନା ତାହା ଏ ପର୍ଯ୍ୟନ୍ତ କୁହାଯାଇପାରୁନାହିଁ ।
Kanak News is now on WhatsApp
Join and get latest news updates delivered to you via WhatsApp
ତେବେ ଆପଣଙ୍କୁ କହିରଖୁଛୁ ନିକଟରେ ସନି ଦେଓଲ୍ ବିଜେପିରେ ସାମିଲ୍ ହୋଇଥିଲେ । ଏହାପରେ ଗୁରଦାସପୁରରୁ ତାଙ୍କୁ ବିଜେପି ନିର୍ବାଚନ ଲଢିବା ପାଇଁ ଟିକଟ୍ ଦେଇଥିଲା । ଟିକଟ୍ ମିଳିବା ପରେ ସନି ଦେଓଲ୍ ଗୁରଦାସପୁରରେ ପ୍ରଚାର ଜୋରସୋରରେ ଆରମ୍ଭ କରିଦେଇଛନ୍ତି । ସନିଙ୍କ ସହ ତାଙ୍କ ଛୋଟଭାଇ ବବି ଏବଂ ବାପା ଧର୍ମେନ୍ଦ୍ର ମଧ୍ୟ ପ୍ରଚାରରେ ସାମିଲ୍ ହୋଇଛନ୍ତି । ସେ ଷ୍ଟାର୍ ପ୍ରଚାରରେ ମଧ୍ୟ ସାମିଲ୍ ହେଉଛନ୍ତି । ସନିଙ୍କ ଗୋଟିଏ ଝଲକ ପାଇବା ପାଇଁ ଲୋକଙ୍କ ମଧ୍ୟରେ କ୍ରେଜ୍ ବଢୁଛି ।