କନକ ବ୍ୟୁରୋ: ପୁରୀ ଲୋକସଭା ଭଳି ବିଧାନସଭା ଆସନରେ ବି ହେବ କଡା ଟକ୍କର । ବିଜେପି ବିଧାୟକ ପ୍ରାର୍ଥୀ ଜୟନ୍ତ ଷଡଙ୍ଗୀ ଓ ପୂର୍ବତନ ମନ୍ତ୍ରୀ ସ୍ୱର୍ଗତ ମହେଶ୍ୱର ମହାନ୍ତିଙ୍କ ପୁଅ ସୁନିଲ ମହାନ୍ତିଙ୍କ ମଧ୍ୟରେ ହେବ ଲଢେଇ । ସୁନିଲଙ୍କୁ ପ୍ରାର୍ଥୀ କରିଛି ବିଜେଡି । ୧୯୯୫ ମସିହାରୁ ବିଜେଡି ହାତରେ ଥିବା ଏହି ଆସନ, ୨୦୧୯ରେ ବିଜେପି ହାତକୁ ଚାଲିଯାଇଥିଲା । ତେବେ ଏଥର ଲଢେଇରେ କାହାର ହେବ ଜିତାପଟ୍? କାହାକୁ ବାଛିବେ ଜନତା? ତାହା ନିର୍ବାଚନ ଫଳାଫଳ ଆସବା ପରେ ସ୍ପଷ୍ଟ ହେବ ଏବେ କିନ୍ତୁ ଦୁଇ ଦଳର ପ୍ରଚାର ଜମୁଛି । ପ୍ରାର୍ଥୀମାନେ ଭୋଟରଙ୍କ ମନ ଜଣିବା ପାଇଁ ଦିନ ରାତି ଏକ କରି ଦେଇଛନ୍ତି ।
ପୁରୀ ବିଧାନସଭା ଲଢ଼େଇ
- ଜୟନ୍ତ ଷଡଙ୍ଗୀ - ବିଜେପି ବିଧାୟକ ପ୍ରାର୍ଥୀ
- ସୁନୀଲ ମହାନ୍ତି - ବିଜେଡି ବିଧାୟକ ପ୍ରାର୍ଥୀ
- ଏଯାଏଁ ପ୍ରାର୍ଥୀ ଘୋଷଣା କରିନି କଂଗ୍ରେସ
ପୁରୀ ରାଜନୀତି
- ୧୯୯୫ରୁ ୨୦୧୯ ପର୍ଯ୍ୟନ୍ତ ବିଜେଡି ଦଖଲରେ ଥିଲା ପୁରୀ ଆସନ
- ୨୦୧୯ରେ ବଦଳି ଗଲା ସ୍ଥିତି
- ବିଜେଡିକୁ ମାତ୍ ଦେଲା ବିଜେପି
- ପରାସ୍ତ ହୋଇଥିଲେ ମହେଶ୍ୱର ମହାନ୍ତି
- ବିଜେପିର ଜୟନ୍ତ ଷଡଙ୍ଗୀ ବିଜୟୀ
- ଜୟନ୍ତ ଷଡଙ୍ଗୀଙ୍କୁ ମିଳିଥିଲା ୭୬, ୭୪୭ ଭୋଟ୍
- ମହେଶ୍ୱର ମହାନ୍ତିଙ୍କୁ ମିଳିଥିଲା ୭୨,୭୩୯ ଭୋଟ୍