ଚର୍ଚ୍ଚାରେ ଯୁବ ନିର୍ବାଚନୀ ରଣନୀତିକାର ସୁନୀଲ କାନୁଗୋଲୁ । କର୍ଣ୍ଣାଟକରେ  ନିର୍ବାଚନରେ କଂଗ୍ରେସ ବିପୁଳ ବିଜୟ ପଛରେ ରଣନୀତିକାରଙ୍କ ମ୍ୟାଜିକ ଥିବା ଚର୍ଚ୍ଚା

କନକ ବ୍ୟୁରୋ : କର୍ଣ୍ଣାଟକରେ କଂଗ୍ରେସକୁ ମିଳିଛି ରେକର୍ଡ ବିଜୟ । ୨୦୨୩ରେ ବିଧାନସଭା ନିର୍ବାଚନରେ ବହୁମତ ସହ ଜିତି ବିଜେପିକୁ ବଡ ଝଟକା ଦେଇଛି । ସମସ୍ତଙ୍କ ମୁହଁରେ ଏବେ ଗୋଟିଏ କଥା । କର୍ଣ୍ଣାଟକରେ କଂଗ୍ରେସ କରିଛି କମାଲ । ସାଂଗଠନିକ ସ୍ତରରେ ଦଳର ଏକତାଠୁ ନେଇ ହାଇକମାଣ୍ଡଙ୍କ ଫର୍ମୂଲା କାମ କରିଛି । ସେପଟେ ଭାରତ ଯୋଡ଼ ଯାତ୍ରା ସହ ରାହୁଲ ମ୍ୟାଜିକ କମାଲ କରିଥିବା ମଧ୍ୟ କୁହାଯାଉଛି । କିନ୍ତୁ ଏହା ଭିତରେ ଏବେ ଲାଇମଲାଇଟକୁ ଆସିଛନ୍ତି ସୁନୀଲ କାନୁଗୋଲୁ । ୟାଙ୍କ ନାଁ ଆପଣ ପ୍ରଥମ ଥର ପାଇଁ ହୁଏତ ଶୁଣୁଥିବେ । କିନ୍ତୁ ଏହି ଯୁବକ ରଣନୀତିଜ୍ଞ ଏମିତି କିଛି କମାଲ କରିଛନ୍ତି ଯାହା ଏବେ ଚର୍ଚ୍ଚାର ବିଷୟ ପାଲଟିଛି । କୁହାଯାଉଛି ସୁନୀଲଙ୍କ ରଣନୀତି କଂଗ୍ରେସକୁ କର୍ଣ୍ଣାଟକରେ ଜିତିବାରେ ବଡ ଭୂମିକା ତୁଳାଇଛି । ଦଳର ପାଇଁ ସେ କରିଥିଲେ ମଜବୁତ ରଣନୀତି । ଏହି ରଣନୀତି କର୍ଣ୍ଣାଟକ ବିଧାନସଭା ନିର୍ବାଚନରେ କଂଗ୍ରେସ ପାଇଁ ସଂଜୀବନୀ ପାଲଟିଛି । ଆସନ୍ତୁ ବିସ୍ତୁତରେ ଜାଣିବା କିଏ ସୁନୀଲ କାନୁଗୋଲୁ । କଣ ଥିଲା ତାଙ୍କର ନିର୍ବାଚନୀ ରଣନୀତି? କଂଗ୍ରେସ ସହ ଆଉ କେଉଁ ଦଳ ପାଇଁ ସାଜିସାରିଛନ୍ତି ପରଦା ପଛର ହିରୋ?

କର୍ଣ୍ଣାଟକ ପାଇଁ କ’ଣ ଥିଲା ସୁନୀଲଙ୍କ ଷ୍ଟ୍ରାଟେଜି?
•    ନିର୍ବାଚନ ପାଇଁ ସୁନୀଲ କାନୁଗୋଲୁ ଏକ  ନିଦ୍ଧିଷ୍ଟ ଷ୍ଟ୍ରାଟେଜି ପ୍ରସ୍ତୁତ କରିଥିଲେ
•    ଜନତାଙ୍କ ସହ ସିଧାସଳଖ ମଜବୁତ ସମ୍ପର୍କ ସ୍ଥାପନ ପାଇଁ କଂଗ୍ରେସକୁ ପରାମର୍ଶ ଦେଇଥିଲେ
•    ବିସ୍ତୁତ ଓ ବ୍ୟାପକ ଜନସମ୍ପର୍କ ଉପରେ ଗୁରୁତ୍ୱ ଦେଇଥିଲେ
•    ଗ୍ରାଉଣ୍ଡ ଜିରୋରୁ ସେହ ସବୁ ସ୍ଥାନରେ ସର୍ଭେ କରିଥିଲେ ଯେଉଁଠି ବିଜେପି ଓ କଂଗ୍ରେସ ବିବାଦ ରହିଥିଲା
•    ଭାରତଯୋଡ଼ ଯାତ୍ରାରେ ତାଙ୍କର ଗୁରୁତ୍ୱପୂର୍ଣ୍ଣ ଭୂମିକା ରହିଥିଲା

କିଏ ସୁନୀଲ କାନୁଗୋଲୁ?
•    ଲୋକପ୍ରିୟ ନିର୍ବାଚନ ରଣନୀତିକାର ପ୍ରଶାନ୍ତ କିଶୋରଙ୍କ ଟିମର ସଦସ୍ୟ ଥିଲେ ସୁନୀଲ କାନୁଗୋଲୁ
•    ୨୦୧୪ରେ ପ୍ରଶାନ୍ତ କିଶୋରଙ୍କ କ୍ୟାମ୍ପରେ ଯୋଗ ଦେଇଥିଲେ
•    ପୂର୍ବରୁ ଡିଏମକେ, ଏଆଇଏଡିଏମକେ ଓ ବିଜେପି ପାଇଁ କାମ କରିସାରିଛନ୍ତି
•    ୨୦୧୪ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପାଇଁ ନିର୍ବାଚନୀ ଷ୍ଟ୍ରାଟେଜି ପ୍ରସ୍ତୁତ କରିଥିଲେ
•    ୨୦୧୭ ଉତରପ୍ରଦେଶ ବିଧାନସଭା ନିର୍ବାଚନରେ ବିଜେପି ପାଇଁ ରଣନୀତି ପ୍ରସ୍ତୁତ କରିଥିଲେ
•    ୨୦୧୯ରେ ଡିଏମକେ ପାଇଁ  କ୍ୟାମ୍ପେନ କରି ସଫଳ ହୋଇଥିଲେ
•    ୨୦୨୧ରେ ଏଆଇଏଡିଏମକେ ପାଇଁ ରଣନୀତି ପ୍ରସ୍ତୁତ କରି ଦଳକୁ ଜିତାଇଥିଲେ
•    ୨୦୨୧ରେ କର୍ଣ୍ଣାଟକ ପ୍ରଦେଶ କଂଗ୍ରେସ ସହ ଯୋଡ଼ି ହୋଇଥିଲେ ।
•    ଦଳ ତାଙ୍କୁ ନିର୍ବାଚନୀ ରଣନୀତିଜ୍ଞ ଭାବେ ଦାୟିତ୍ୱ ଦେଇଥିଲା
•    ୨୦୧୮ରେ ବିଜେପିକୁ ଜିତାଇଥିବା ସୁନୀଲଙ୍କ ରଣନୀତି ୨୦୨୩ରେ କଂଗ୍ରେସକୁ ବିପୁଳ ବିଜୟ ଦେଇପାରିଛି
•    ଦଳ ତାଙ୍କ ଉପରେ ଆସ୍ଥା ପ୍ରକଟ କରିଛି ଓ ୨୦୨୪ ନିର୍ବାଚନ ପାଇଁ ଗଠିତ ଟାକ୍ସ ଫୋର୍ସରେ ସୁନୀଲଙ୍କୁ ସ୍ଥାନ ଦେଇଛି