୪୦୦ ଝିଅଙ୍କୁ ବଞ୍ଚାଇଛନ୍ତି ଏହି ବଲିଉଡ୍ ସୁପରଷ୍ଟାର୍ । ଅଣ୍ଡରୱାର୍ଲ୍ଡ ଡନକୁ ବି ଦେଇଛନ୍ତି ଚକମା

କନକ ବ୍ୟୁରୋ : ବଲିଉଡ ସୁପରଷ୍ଟାର ସୁନୀଲ ଶେଟ୍ଟୀ । ସେ କେବଳ ରିଲ ଲାଇଫ୍ ହିରୋ ନୁହଁନ୍ତି, ରିୟଲ ଲାଇଫରେ ବି ସୁନୀଲ ସେଟ୍ଟୀ ଜଣେ ହିରୋ । ଏହି ସୁପରଷ୍ଟାର ଗତ ୨୬ବର୍ଷ ଧରି ମାନବ ଚାଲାଣ ରୋକିବା ଅଭିଯାନ ସହ ଜଡିତ ଥିଲେ ଏବଂ ସେ ଏହି ଅପରେସନରେ ୪୦୦ ଝିଆଙ୍କୁ ଉଦ୍ଧାର ମଧ୍ୟ କରିଛନ୍ତି । ଏକ ସମୟ ଥିଲା ଯେତେବେଳେ ଅଣ୍ଡରୱାର୍ଲ୍ଡ ବି ତାଙ୍କ ପଛରେ ପଡିଥିଲା ।

ଗଣମାଧ୍ୟମର ଏକ ସାକ୍ଷାତକାରରେ ସୁନୀସ ଶେଟ୍ଟୀଙ୍କୁ ମାନବ ଚାଲାଣ ସହ ଜଡିତ ଏକ ପ୍ରଶ୍ନ ପଚରାଯାଇଥିଲା । ଏହାର ଜବାବରେ ସୁନୀଲ ଶେଟ୍ଟୀ ତାଙ୍କ ଶାଶୁଙ୍କୁ ସମସ୍ତ ଶ୍ରେୟ ଦେଇଛନ୍ତି । ସେ କହିଛନ୍ତି, ତାଙ୍କ ଶାଶୁ ଭାରତରେ ଟ୍ରାଫିକ୍ ନାମକ ଏକ ଏନଜିଓ ଚଳାଉଥିଲେ । ଯାହାର ନାମ ପରବର୍ତ୍ତୀ ମୁହୁର୍ତ୍ତରେ ପରିବର୍ତ୍ତନ କରାଯାଇ ‘ଭିପଲା ଫାଉଣ୍ଡେସନ୍’ ରଖାଯାଇଥିଲା । ଏହି ଏନଜିଓ ସାହାଯ୍ୟରେ ସେ ପାଖାପାଖି ୪୦୦ରୁ ଅଧିକ ଝିଅଙ୍କୁ ଉଦ୍ଧାର କରିଛନ୍ତି । ସେ କହିଛନ୍ତି ଏ ସମ୍ପର୍କରେ ମୁଁ କେବେ କୌଣସି ଗଣମାଧ୍ୟମ କିମ୍ବା ଅନ୍ୟ କାହା ସହ ଆଲୋଚନା କରିନାହିଁ କି କରିବାକୁ ଚାହେଁନି । ଏହି ଜିନିଷ ଗୁଡିକୁ ଗୋପନୀୟ ରଖିବା ହିଁ ଠିକ୍ । କାରଣ ଏହାଦ୍ୱାରା ସମସ୍ୟା ବଢିପାରେ ତେଣୁ ଏ ବାବଦରେ କୌଣସି ଆଲୋଚନା କରିବାକୁ ସେ ଉଚିତ ମନେ କରନ୍ତି ନାହିଁ । ସୁନୀଲ ଶେଟ୍ଟୀ ଆହୁରି କହିଛନ୍ତି କି, ଦିନ ଥିଲା ମୋ ପଛରେ ଅଣ୍ଡୱାର୍ଲ୍ଡର ଡନ୍ ପଡିଥିଲେ । ପୋଲିସ ଏବଂ ମୋ ବନ୍ଧୁଙ୍କ ସାହାଯ୍ୟରେ ବହୁ କଷ୍ଟରେ ଏଥିରୁ ମୁକ୍ତି ପାଇଛି । କିନ୍ତୁ ଝିଅଙ୍କୁ ଚାଲାଣ ହେବାରୁ ବଞ୍ଚାଇବା କାମ ମୁଁ ଆଜିବି କରୁଛି ଆଉ ଆଗକୁ ବି କରିବି । ମତେ ଏହି କାମରୁ ସନ୍ତୁଷ୍ଟି ମିଳେ