ହଜାରେ ଟପିଲା ରାଜ୍ୟର ଦୈନିକ ସଂକ୍ରମଣ : ଗତ ୨୪ ଘଂଟାରରେ ୧୨ଶହ ୮୨ ସଂକ୍ରମିତ ଚିହ୍ନଟ; ସୁନ୍ଦରଗଡ଼ ଜିଲ୍ଲାରେ ସର୍ବାଧିକ ୨୨୪
୫ ଜିଲ୍ଲାରେ ୫୦ ଟପିଲା ସଂକ୍ରମଣ ସଂଖ୍ୟା
କନକ ବ୍ୟୁରୋ : ରାଜ୍ୟରେ କରୋନା ମିଟର ଉପର ମୁହାଁ । ହଜାରେ ଟପିଲା ଦୈନିକ ସଂକ୍ରମଣ ସଂଖ୍ୟା । ଗତ ୨୪ ଘଂଟାରେ ୧୨ଶହ ୮୨ ସଂକ୍ରମିତ ଚିହ୍ନଟ । ସଂଗରୋଧରୁ ୭୫୫ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ସ୍ଥାନୀୟ ସଂକ୍ରମିତ ୫୨୭ ରହିଛି । ସୁନ୍ଦରଗଡ଼ରୁ ସର୍ବାଧିକ ୨୨୪ ସଂକ୍ରମିତ ଚିହ୍ନଟ ହୋଇଥିବା ବେଳେ ଖୋର୍ଦ୍ଧା ଜିଲ୍ଲାରୁ ୧୯୨ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି କଳାହାଣ୍ଡିରୁ ୧୦୮, କଟକରୁ ୬୩, ମୟୂରଭଂଜରୁ ୫୨, ସମ୍ବଲପୁର ନୂଆପଡ଼ାରୁ ୮୨ ଲେଖାଏଁ ଆକ୍ରାନ୍ତ ଚିହ୍ନଟ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ ଗତ ୨୪ ଘଣ୍ଟାରେ ବରଗଡ଼ରୁ ୮୪, ଅନୁଗୁଳରୁ ୪୯, ବାଲେଶ୍ବରରୁ ୧୦, ଭଦ୍ରକରୁ ୨୪, ବଲାଙ୍ଗୀରରୁ ୩୫, ଢେଙ୍କାନାଳରୁ ୨, ପଜିଟିଭ୍ ଚିହ୍ନଟ ହୋଇଛନ୍ତି । ସେହିପରି ଗଜପତିରେ ଜଣେ, ଗଞ୍ଜାମରେ ୩୨ଜଣ, ଦେବଗଡ଼ରୁ ୩, ଯାଜପୁରରେ ୨୬ଜଣ, ଜଗତସିଂହପୁରରେ ୩ଜଣ, ଝାରସୁଗୁଡ଼ାରେ ୩୬ ଜଣ, କନ୍ଧମାଳରେ ୭, କେନ୍ଦ୍ରାପଡ଼ାରେ ୬ଜଣ, କେଉଁଝରରେ ୬ଜଣ, କୋରାପୁଟରେ ୮ ଜଣ, ନବରଙ୍ଗପୁରରେ ୨୭ଜଣ, ନୟାଗଡ଼ରେ ୧୦,ପୁରୀରେ ୨୮ ଜଣ, ରାୟଗଡ଼ାରୁ ୧୫, ସୋନପୁରରେ ୧୨ ଜଣ ଓ ଷ୍ଟେଟ ପୁଲରେ ୪୫ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି । ଆଜିର ଆକ୍ରାନ୍ତଙ୍କ ମିଶାଇ ରାଜ୍ୟରେ ୩,୪୬,୮୦୮ରେ ପହଂଚିଛି ସଂକ୍ରମିତଙ୍କ ସଂଖ୍ୟା । ଏମାନଙ୍କ ଭିତରୁ ୩,୩୮,୮୯୦ଜଣ ସୁସ୍ଥ ହୋଇଛନ୍ତି । ଏବେ ବି ୫୯୪୧ଜଣ ସକ୍ରିୟ ଅଛନ୍ତି ।