ସୁନ୍ଦରଗଡରେ ମାତିଛନ୍ତି ହାତୀପଲ । ଜଙ୍ଗଲ ଛାଡି ମୁହାଁଇଛନ୍ତି ଗାଁ : କୁତ୍ରା ଓ ବଡଗାଁ ଅଂଚଳରେ ୫୦ ହାତୀଙ୍କ ଉପଦ୍ରବ
କନକ ବ୍ୟୁରୋ : ସୁନ୍ଦରଗଡ଼ରେ ହାତୀ ଉପଦ୍ରବ । ଜଙ୍ଗଲ ଛାଡ଼ି ଗାଁ ମୁହାଁ ହାତୀ ପଲ । ପାଖାପଖି ୫୦ଟି ହାତୀ ସୁନ୍ଦରଗଡ଼ ଜିଲ୍ଲାର ବଡ଼ଗାଁ ଏବଂ କୁତ୍ରା ବ୍ଲକ ଅଂଚଳରେ ଆତଙ୍କ ସୃଷ୍ଟି କରିଛନ୍ତି । ଏହି ହାତୀ ପଲ ପ୍ରାୟ ସପ୍ତାହେରୁ ଦୁଇ ସପ୍ତାହେ ହେଲା ବଡ଼ଗାଁର ମହାବୀର ପାହାଡ଼ ତଳିଆ ଅଂଚଳ ଗାଁ ବିରତୁଲା, କାଦୋପଡ଼ାକୁ ପସି ଆସିଛନ୍ତି, ଫଳରେ ଲୋକେ ଭୟଭୀତ ଅବସ୍ଥାରେ ରହୁଛନ୍ତି । ଦିନ ସାରା ହାତୀପଲ ପାହାଡ଼ରେ ରହୁଥିବା ବେଳେ ରାତି ହେଲେ ଗାଁ ଭିତରକୁ ପସିଆସୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗାଁ ଲୋକ ଏବଂ ବନ ବିଭାଗ କର୍ମଚାରୀ ହାତୀ ପଲଙ୍କୁ ଘଉଡ଼ାଇବାକୁ ଚେଷ୍ଟା କଲେ ମଧ୍ୟ ସେମାନେ ସେ ଅଂଚଳ ଛାଡ଼ି ଯାଉନାହାନ୍ତି । ସେହିପରି କୁତ୍ରା ବ୍ଲକ କୁସୁମଡ଼େଗି ଅଂଚଳରେ ଆଉ ଏକ ହାତୀ ପଲ ଆତଙ୍କ ଖେଳାଇଛନ୍ତି । ସନ୍ଧ୍ୟା ହେଲେ ଗାଁ ଭିତରକୁ ପସିଆସୁଛନ୍ତି । ଧାନ ଫସଲ ମଧ୍ୟ ନଷ୍ଟ କରୁଛନ୍ତି । ଏହି ହାତି ପଲରେ ଦନ୍ତା ହାତୀ, ମାଇ ହାତୀ ଏବଂ ଛୁଆ ହାତୀ ରହିଛନ୍ତି । ତେବେ ଏହି ହାତୀ ପଲ ସମ୍ବଲପୁର ଜିଲ୍ଲା ବାମଡ଼ା ଫରେଷ୍ଟ ରେଂଜର ବଡ଼ରମା ରିଜର୍ଭ ଫରେଷ୍ଟ ଅଂଚଳରୁ ଆସିଥିବା ଅନୁମାନ କରାଯାଉଛି ।