ହଟୁନି ସୁସ୍ମିତା ମିଞ୍ଜ ଓ ଉଦିତନଗର ଥାନା ଏଏସଆଇଙ୍କ ମୃତ୍ୟୁ ଉପରୁ ପରଦା । ଆସନ୍ତାକାଲି ବିଜେପିର ସୁନ୍ଦରଗଡ ବନ୍ଦ ଡାକରା । ମୃତ୍ୟୁ ନେଇ ପ୍ରଶ୍ନ ଉଠାଇଲେ ଜୁଏଲ ଓରାମ
କନକ ବ୍ୟୁରୋ: ରାଉରକେଲା ଆସିଷ୍ଟାଣ୍ଟ କଲେକ୍ଟର ସୁସ୍ମିତା ମିଞ୍ଜ ଓ ଉଦିତନଗର ଥାନା ଏଏସଆଇ ଏ.ଏନ୍ ଲୁଗୁନଙ୍କ ସନ୍ଦେହଜନଙ୍କ ମୃତ୍ୟୁୁର ସିବିଆଇ ତଦନ୍ତ ଦାବି କରି ଆସନ୍ତାକାଲି ସୁନ୍ଦରଗଡ ବନ୍ଦ ଡାକରା ଦେଇଛି ବିଜେପି । ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ ଦାବି କରିଛି ବିଜେପି । ଦଳ ଅଭିଯୋଗ କରିଛି, ରାଜ୍ୟର ବିଜେଡି ସରକାର ଆଦିବାସୀ ବିରୋଧୀ । ସୁସ୍ମିତା ମିଞ୍ଜଙ୍କ ମୃତ୍ୟୁ କାହିଁକି ହେଲା ତାହା ସ୍ପଷ୍ଟ କରିନାହାନ୍ତି ସରକାର । ୬ ଫୁଟ ପାଣି ଭିତରେ ଜଣେ ମହିଳା ଅଧିକାରୀ ବୁଡି ପ୍ରାଣ ହରାଇବା ସନ୍ଦେହ ସୃଷ୍ଟି କରୁଛି । ତାଙ୍କ ଉପରେ ଯଦି ମାନସିକ ଚାପ ଥିଲା , ତାହା ହେଲେ ପ୍ରଶାସନ କାହିଁକି ପଦକ୍ଷେପ ନେଲା ନାହିଁ ବୋଲି ବିଜେପି ସାଂସଦ ଜୁଏଲ ଓରାମ ପ୍ରଶ୍ନ କରିଛନ୍ତି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ସେହିଭଳି ଉଦିତନଗର ଥାନା ଏଏସଆଇ ଏ.ଏନ୍ ଲୁଗୁନଙ୍କ ମୃତ୍ୟୁର ସିବିଆଇ ତଦନ୍ତ ଦାବି କରିଛି ଦଳ । ଜୁଏଲ ଓରାମ ଅଭିଯୋଗ କରିଛନ୍ତି, ଯେଉଁମାନେ ସୁସ୍ମିତା ମିଞ୍ଜ ସହ ଥିଲେ ତାଙ୍କୁ କାହିଁକି ସୁରକ୍ଷା ଦେଇ ରଖିଲେ ନାହିଁ ସରକାର । ବିଜେପି ରାଉରକେଲା ଏସପିଙ୍କୁ ଭେଟି ଘଟଣାର ତଦନ୍ତ ପାଇଁ ଦାବି କରିଥିଲା । କିନ୍ତୁ କୌଣସି କାର୍ଯ୍ୟାନୁଷ୍ଠାନ ହୋଇନାହିଁ । ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି ଜୁଏଲ ଓରାମ । ବର୍ତମାନ ସୁଦ୍ଧା ଦୁଇ ଅଧିକାରୀଙ୍କ ମୃତ୍ୟୁ ଉପରୁ ପରଦା ହଟିନଥିବାରୁ ତାତିଛି ବିଜେପି ।