ଏଠି ଚା’ ପିଇଲେ ମାଗଣାରେ ମିଳେ ୱାଇଫାଇ ସୁବିଧା । ଆଲୋକଙ୍କ ଚା’ ଦୋକାନକୁ ନେଇ ସାରା ଓଡିଶାରେ ଚର୍ଚ୍ଚା
କନକ ବ୍ୟୁରୋ : ଆଜିକାଲି ନିରବଚ୍ଛିନ୍ନ ହାଇସ୍ପିଡ ଇଣ୍ଟରନେଟ ପ୍ରାୟତଃ ସମସ୍ତଙ୍କ ପାଇଁ ହୋଇପଡିଛି ଏକ ଜରୁରୀ ଆବଶ୍ୟକତା । ଛାତ୍ରଛାତ୍ରୀ ହୁଅନ୍ତୁ ଅବା କାର୍ଯ୍ୟରତ ପ୍ରଫେସନାଲ୍ ଅଥବା ବୟସ୍କ, ସମସ୍ତେ ନିଜର କାର୍ଯ୍ୟ ସହିତ ପ୍ରିୟ ଖବର ଏବଂ ମନୋରଞ୍ଜନ କାର୍ଯ୍ୟକ୍ରମ ଦେଖିବାକୁ ହାଇସ୍ପିଡ ଇଣ୍ଟରନେଟ ଆବଶ୍ୟକ କରୁଛନ୍ତି । ଏହି କ୍ରମରେ ରିଲାଏନ୍ସ ଜିଓ ପକ୍ଷରୁ ଯୋଗାଇ ଦିଆଯାଉଥିବା ଦ୍ରୁତତମ ଏବଂ ଲୋକପ୍ରିୟ ହାଇସ୍ପିଡ୍ ବ୍ରଡବ୍ୟାଣ୍ଡ୍ ସେବା ଜିଓଫାଇବର ପ୍ରଚଳନ ସହିତ ଓଡ଼ିଶାର ୨୭ଟି ସହର ଓ ନଗରରେ ସୁଲଭ ହାଇସ୍ପିଡ୍ ବ୍ରଡବ୍ୟାଣ୍ଡ୍ ସଂଯୋଗ ଅନେକ ସଫଳ କାହାଣୀ ସୃଷ୍ଟି କରିଛି ।
Kanak News is now on WhatsApp
Join and get latest news updates delivered to you via WhatsApp
ଏହିଭଳି ଏକ କାହାଣୀ ହେଉଛି ଓଡ଼ିଶାର ସୁନ୍ଦରଗଡ ସହରର ୩୨ ବର୍ଷୀୟ ଚା’ ବିକ୍ରେତା ଆଲୋକ ଚନ୍ଦ୍ର ପାତ୍ରଙ୍କର । ସୁନ୍ଦରଗଡ ହସପିଟାଲ ଛକ ନିକଟ ରାସ୍ତା କଡରେ ରହିଛି ଆଲୋକଙ୍କର ‘ପାତ୍ର ଟି ଷ୍ଟଲ’ ଚା’ଦୋକାନ । ନିଜ ଗ୍ରାହକଙ୍କ ଖୁସି ପାଇଁ ସେ ତାଙ୍କ ଚା’ଦୋକାନରେ ଜିଓଫାଇବର ସଂଯୋଗ ନେଇ ମାଗଣାରେ ୱାଇଫାଇ ସୁବିଧା ଯୋଗାଇ ଦେଉଛନ୍ତି । ଜିଓଫାଇବର ହାଇସ୍ପିଡ୍ ବ୍ରଡବ୍ୟାଣ୍ଡ୍ ସେବା ଯେତେବେଳେ ସୁନ୍ଦରଗଡ ସହରରେ ଆରମ୍ଭ ହେଲା, ସେତେବେଳେ ଆଲୋକ ମଧ୍ୟ ମୁଖ୍ୟ ରାସ୍ତା କଡରେ ଥିବା ତାଙ୍କ ଚା’ଦୋକାନରେ ଜିଓଫାଇବର ସଂଯୋଗ ନେବାକୁ ଆବେଦନ କରିଥିଲେ । ଏହା ଜିଓଫାଇବର୍ ଟିମକୁ ଆଶ୍ଚର୍ଯ୍ୟ କରିଥିଲା । କିନ୍ତୁ ଆଲୋକ ପ୍ରଥମରୁ ଭଲ ଭାବରେ ବୁଝିଥିଲେ ଯେ ନିରବଚ୍ଛିନ୍ନ ହାଇସ୍ପିଡ ବ୍ରଡବ୍ୟାଣ୍ଡ୍ ଇଣ୍ଟରନେଟ ସଂଯୋଗ ତାଙ୍କ ବ୍ୟବସାୟରେ ଦ୍ରୁତ ଅଭିବୃଦ୍ଧ କରିବ । ଏହାଦ୍ୱାରା ତାଙ୍କ ନିକଟକୁ ଆସୁôଥବା ଗ୍ରାହକମାନେ ସନ୍ତୁଷ୍ଟ ହେବେ ।
ସଂପ୍ରତି ହାଇସ୍ପିଡ୍ ଜିଓଫାଇବର ସଂଯୋଗ ନେଇଥିବା ଆଲୋକ ତାଙ୍କ ଚା’ଦୋକାନକୁ ଆସୁଥିବା ଗ୍ରାହକଙ୍କ ପାଇଁ ଏକ ମାଗଣା ୱାଇଫାଇ ଜୋନ୍ ରେ ପରିଣତ କରିଛନ୍ତି ଏବଂ ସମସ୍ତଙ୍କୁ ମାଗଣାରେ ହାଇସ୍ପିଡ ଇଣ୍ଟରନେଟ ସୁବିଧା ଯୋଗାଇ ଦେଉଛନ୍ତି । ଏହା ତାଙ୍କ ବ୍ୟବସାୟରେ କିଭଳି ସହାୟକ ହେଉଛି ବୋଲି ପଚାରିବାରୁ ବେଶ୍ ଖୁସିରେ ଆଲୋକ କୁହନ୍ତି, ଜିଓଫାଇବରକୁ ସେ ଆନ୍ତରିକ ଧନ୍ୟବାଦ ଜଣାଇଛନ୍ତି । କାରଣ ତାଙ୍କ ଦୋକାନରେ ମାଗଣା ୱାଇଫାଇ ସେବା ତାଙ୍କ ଗ୍ରାହକମାନଙ୍କୁ ବେଶ୍ ଖୁସିି ଦେବା ସହିତ ଖୁବ କମ୍ ଦିନ ମଧ୍ୟରେ ତାଙ୍କ ଚା’ଦୋକାନ କେବଳ ଏହି କାରଣ ପାଇଁ ପୁରା ସହରରେ ଚର୍ଚ୍ଚାର ବିଷୟ ପାଲଟିଛି । ଏଥିସହିତ ହାଇସ୍ପିଡ ଇଣ୍ଟରନେଟ ସଂଯୋଗ ଯୋଗୁଁ ତାଙ୍କର ଅନେକ ନିୟମିତ ଗ୍ରାହକ ଏବେ ଦୋକାନରେ ଅଧିକ ସମୟ ରହୁୁଛନ୍ତି, ଯାହା ତାଙ୍କ ବ୍ୟବସାୟ ବୃଦ୍ଧିରେ ସହାୟକ ହେଉଛି । ଏହାବ୍ୟତୀତ ଜଣେ ସନ୍ତୁଷ୍ଟ ଜିଓଫାଇବର ଗ୍ରାହକ ଭାବରେ ଆଲୋକ ନିଜେ ତାଙ୍କ ଚା’ଦୋକାନକୁ ଆସୁଥିବା ଗ୍ରାହକଙ୍କୁ ଜିଓଫାଇବର ସଂଯୋଗ ନେବାକୁ ପ୍ରସ୍ତାବ ଦେଉଛନ୍ତି । ଆଲୋକଙ୍କ ଚା’ଦୋକାନରେ ଜିଓଫାଇବର ଜରିଆରେ ଉପଲବ୍ଧ ନିରବଚ୍ଛିନ୍ନ ହାଇସ୍ପିଡ ଇଂଟରନେଟରେ ପ୍ରଭାବିତ ହୋଇ ତାଙ୍କର ଅନେକ ଗ୍ରାହକ ଆନନ୍ଦର ସହିତ ଜିଓଫାଇବର ସଂଯୋଗ ଆପଣାଇଛନ୍ତି ।
ସୁନ୍ଦରଗଡର ପାତ୍ର ଟି ଷ୍ଟଲ ଭଳି ରାଜ୍ୟର ବିଭିନ୍ନ ଛୋଟ ବଡ଼ ସହରରେ ହଜାର ହଜାର କ୍ଷୁଦ୍ର ଉଦ୍ୟୋଗ, ବ୍ୟବସାୟୀ ଓ ଉଦ୍ୟୋଗୀ, ଶିକ୍ଷା ପ୍ରତିଷ୍ଠାନ, କାର୍ଯ୍ୟରତ ପ୍ରଫେସନାଲ୍ ତଥା ଛାତ୍ରଛାତ୍ରୀ ଜିଓଫାଇବର ହାଇସ୍ପିଡ ବ୍ରଡବ୍ୟାଣ୍ଡ୍ ସେବାରୁ ଉପକୃତ ହେଉଛନ୍ତି । ଏଥିସହିତ ସେମାନଙ୍କର ନିଜ ବ୍ୟବସାୟ ତଥା ବୃତିଗତ ଆବଶ୍ୟକତା ତଥା ଚାହିଦାକୁ ଦୃଷ୍ଟିରେ ରଖି ଡିଜିଟାଲ ଯୁଗକୁ ଯାଇଛନ୍ତି ।
ଉଲ୍ଲେଖଯୋଗ୍ୟ ଯେ, ଜିଓଫାଇବର ଦ୍ରୁତ ଗତିରେ ଏହାର ସେବା ଓଡ଼ିଶାର ୨୭ଟି ସହର ଓ ନଗରର ପ୍ରମୁଖ ସ୍ଥାନ ଓ ଜନବସତି ଅଞ୍ଚଳକୁ ସମ୍ପ୍ରସାରିତ କରିଛି ଏବଂ ରାଜ୍ୟର ଅନ୍ୟାନ୍ୟ ସହର ଓ ନଗରଗୁଡିକୁ ଦ୍ରୁତ ସମ୍ପ୍ରସାରଣ ଜାରି ରଖିଛି । ଭାରତର ଦୂରସଂଚାର ନିୟନ୍ତ୍ରଣ କର୍ତୃପକ୍ଷ (ଟ୍ରାଇ)ର ସଦ୍ୟତମ ଦୂରସଂଚାର ଗ୍ରାହକ ତଥ୍ୟ ଅନୁଯାୟୀ ଜିଓଫାଇବର ୨୦୨୧ ଅଗଷ୍ଟ ୩୧ ସୁଦ୍ଧା ଓଡ଼ିଶାରେ ଜିଓଫାଇବରର ୭୬,୦୦୦ରୁ ଅଧିକ ଗ୍ରାହକ ଥିଲେ । ମାତ୍ର ୩୯୯ ଟଙ୍କାରୁ ଆରମ୍ଭ ହେଉଥିବା ଅତ୍ୟନ୍ତ ସୁଲଭ ମୂଲ୍ୟରେ ନିରବଚ୍ଛିନ୍ନ ହାଇସ୍ପିଡ ବ୍ରଡବ୍ୟାଣ୍ଡ୍ ଇଂଟରନେଟ ସଂଯୋଗ ଯୋଗାଇ ଦେଉଥିବା ଜିଓଫାଇବର ସଂପ୍ରତି ଭୁବନେଶ୍ୱର, କଟକ, ସମ୍ବଲପୁର, ରାଉରକେଲା, ବଲାଙ୍ଗିର, ବ୍ରଜରାଜନଗର, ଝାରସୁଗୁଡା, ସୁନ୍ଦରଗଡ, ଭବାନିପାଟଣା, କୋରାପୁଟ, ରାୟଗଡା, କେନ୍ଦ୍ରାପଡା, ଜଗତସିଂହପୁର, ଯାଜପୁର ରୋଡ, କେନ୍ଦୁଝର, ଅନଗୁଳ, ପୁରୀ, ଭଦ୍ରକ, ଜଟଣି, ଖୋର୍ଦ୍ଧା, ବେଲପାହାଡ, ତାଳଚେର, ଢେଙ୍କାନାଳ, ବାଲେଶ୍ୱର, ବ୍ରହ୍ମପୁର, ଜୟପୁର ସମେତ ଓଡ଼ିଶାର ୨୭ଟି ପ୍ରମୁଖ ସହର ଓ ନଗରର ପ୍ରମୁଖ ଅଂଚଳରେ ଉପଲବ୍ଧ ହେଉଛି ।