ଆଜି ଦୋଳ ପୂର୍ଣ୍ଣମା । ଶ୍ରୀମନ୍ଦିରରେ ବିଶେଷ ଦୋଳ ନୀତି , ବିମାନରେ ଆସି ଫଗୁ ଖେଳିବେ ଶ୍ରୀଜିଉ : ମହାପ୍ରଭୁଙ୍କର ହେବ ସୁନା ବେଶ
କନକ ବ୍ୟୁରୋ : ଆଜି ଦୋଳ ପୂର୍ଣ୍ଣମା । ଶ୍ରୀମନ୍ଦିରରେ ମହାପ୍ରଭୁଙ୍କ ସୁନାବେଶ । ଶ୍ରୀମନ୍ଦିରରେ ପାଳନ ହେଉଥିବା ୧୨ଟି ଯାତ୍ରା ମଧ୍ୟରୁ ଦୋଳ ଏକ ପ୍ରମୁଖ ଉତ୍ସବ । ପୂର୍ଣ୍ଣମୀ ଦିନ ଅର୍ଥାତ୍ ଦୋଳ ପୂର୍ଣ୍ଣମାରେ ହୋଇଥାଏ ମହାପ୍ରଭୁଙ୍କ ସୁନାବେଶ । ଯାହାକୁ ଦର୍ଶନ ପାଇଁ ହଜାର ହଜାର ଭକ୍ତଙ୍କ ସମାଗମ ହୋଇଥାଏ । ସେପଟେ ଶ୍ରୀମନ୍ଦିରରେ ଦୋଳ ପୂର୍ଣ୍ଣମା ନେଇ ହୋଇଛି ସ୍ୱତନ୍ତ୍ର ନୀତିକାନ୍ତି ।
Kanak News is now on WhatsApp
Join and get latest news updates delivered to you via WhatsApp
ରାତ୍ର ପ୍ରାୟ ୩ଟାରେ ଦ୍ୱାର ଫିଟା ନୀତି ପରେ ଭିତର ଶୋଧ, ମଙ୍ଗଳଆଳତୀ, ମଇମଲ, ତଡପଲାଗି ପରେ ଅବକାଶ , ରୋଷହୋମ , ସୂର୍ଯ୍ୟପୂଜା, ଦ୍ୱାରପାଳ ପୂଜା ପ୍ରଭୃତି ନୀତି ରହିଛି । ସର୍ବାଙ୍ଗ ନୀତି ପରେ ନୂଆ ବସ୍ତ ପିନ୍ଧି ମହାପ୍ରଭୂ ନାଭିକଟା ମଣ୍ଡପକୁ ବିଜେ କରିବେ । ଏହିଠାରେ ମହାପ୍ରଭୁଙ୍କ ରାଜଧୀରାଜ ବେଶ ବା ସୁନା ବେଶ ହେବ । ଏହି ଅବସରରେ ଶ୍ରୀଜିଉ ପାଟବସ୍ତ୍ର ସହିତ ପ୍ରାୟ ୩୨ ପ୍ରକାରର ଅଳଙ୍କାର ପିନ୍ଧି ଶ୍ରଦ୍ଧାଳୁଙ୍କୁ ସୁନାବେଶରେ ଦର୍ଶନ ଦେବେ ।