ଚିକିତ୍ସା ବିଜ୍ଞାନର ଚମତ୍କାର : କର୍କଟରେ ଆକ୍ରାନ୍ତ ଯୁବକଙ୍କ ହେଲା ସଫଳ ଚିକିତ୍ସା; ଲିମ୍ପୋମା ରୋଗୀଙ୍କ ଶରୀରରେ ପ୍ରତିରୋପଣ ହେଲା ଷ୍ଟେମସେଲ
କନକ ବ୍ୟୁରୋ : ରାଜ୍ୟରେ ପ୍ରଥମଥର ପାଇଁ ଇନଷ୍ଟିଚ୍ୟୁଟ ଅଫ ମେଡିକାଲ ସାଇନ୍ସ ଆଣ୍ଡ ସମ ହସ୍ପିଟାଲରେ ଜଣେ ରକ୍ତ କର୍କଟ ରୋଗୀଙ୍କ ବିରଳ ଚିକିତ୍ସା ସମ୍ଭବ ହୋଇଛି । ଲିମ୍ଫୋମା ରୋଗୀଙ୍କ ଶରୀରରେ ହୋଇଛି ଷ୍ଟେମ ସେଲ ପ୍ରତିରୋପଣ । ଜଟିଳ ବୋନମ୍ୟାରୋ ପ୍ରତିରୋପଣ ଦ୍ୱାରା ଲମ୍ଫୋମା ଭଳି କର୍କଟ ରୋଗର ସଫଳ ଚିକିତ୍ସା କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
୩୩ ବର୍ଷୀୟ ଯୁବକଙ୍କ ଶରୀରରେ ଏହି ବିରଳ ଚିକିତ୍ସା ନେଇ ସୂଚନା ଦେଇଛନ୍ତି କ୍ଲିନିକାଲ ହେମାଟୋଲୋଜି ଏବଂ ହେମାଟୋ ଅଂକୋଲୋଜି ବିଭାଗର ମୁଖ୍ୟ ପ୍ରଫେସର ଡାକ୍ତର ପ୍ରିୟଙ୍କା ସାମଲ । କୋଭିଡ ମହାମାରୀ ଯୋଗୁଁ ବିଭିନ୍ନ ପ୍ରକାର ସ୍ୱାସ୍ଥ୍ୟସେବା ବ୍ୟାହାତ ହୋଇଥିବାବେଳେ ଗତ ୧୮ ମାସରେ ୨୫ ଜଣ ରୋଗୀଙ୍କଠାରେ ଷ୍ଟେମସେଲ ପ୍ରତିରୋପଣ ଏକ ବିରଳ ଉପଲବ୍ଧି । ସମରେ ଚିକିତ୍ସିତ ହୋଇଥିବା ଏହିସବୁ କର୍କଟ ରୋଗୀ ବର୍ତମାନ ପର୍ଯ୍ୟନ୍ତ ସୁସ୍ଥ ରହିଛନ୍ତି । କ୍ରାୟୋପ୍ରିଜର୍ଭେସନ ଭଳି ପଦ୍ଧତିରେ ଏହି ଚିକିତ୍ସା କରାଯାଉଛି ।
ଶରୀରର ସେଲ ଓ ଟିସୁଗୁଡିକୁ ମାଇନସ ୮୦ ଡିଗ୍ରୀ ସେଲସିଅସରେ ସଂରକ୍ଷିତ କରି ରଖାଯାଏ । ଶରୀରର କୋଷିକାଗୁଡିକ ୨ରୁ ୩ ଦିନ ପାଇଁ ବ୍ୟବହାର ଯୋଗ୍ୟ ହୋଇଥାଏ । କିନ୍ତୁ ଏହି ପ୍ରକ୍ରିୟାରେ ଅନେକ ମାସ ପର୍ଯ୍ୟନ୍ତ ସଂରକ୍ଷିତ ରଖାଯାଇ ପାରିବ । ଷ୍ଟେମ ସେଲଗୁଡିକ ବୋନମ୍ୟାରୋରେ ଥାଏ । ଏବଂ ଶରୀରର ପୁରୁଣା ତଥା କ୍ଷୟ ହୋଇଥିବା ରକ୍ତକଣିକା ସ୍ଥାନରେ ନୂତନ ରକ୍ତ କଣିକା ସୃଷ୍ଟି କରେ ।