କଂଗ୍ରେସର ବଡ ନିଷ୍ପତ୍ତି । ସୁଖବିନ୍ଦର ସିଂ ସୁଖୁ ରହିବେ ହିମାଚଳପ୍ରଦେଶର ମୁଖ୍ୟମନ୍ତ୍ରୀ, ପ୍ରତିଭା ସିଂ କହିଲେ ଲୋକସଭା ନିର୍ବାଚନରେ ଜିତିବୁ ସବୁ ଆସନ ।

କନକ ବ୍ୟୁରୋ : ହିମାଚଳ ପ୍ରଦେଶରେ ଲାଗି ରହିଥିବା ରାଜନୈତିକ ସଙ୍କଟରେ ପଡିଛି ପୂର୍ଣ୍ଣଚ୍ଛେଦ । ହିମାଚଳପ୍ରଦେଶରେ ମୁଖ୍ୟମନ୍ତ୍ରୀ ରହିବେ ସୁଖବିନ୍ଦର ସିଂ ସୁଖୁ । ଏନେଇ ସ୍ପଷ୍ଟ କରିଛନ୍ତି କଂଗ୍ରେସ ପକ୍ଷରୁ ନିଯୁକ୍ତ ହୋଇଥିବା ପର୍ଯ୍ୟବେକ୍ଷକ ଡିକେ ଶିବକୁମାର । ସାମ୍ବାଦିକ ସମ୍ମିଳନୀରେ ଡିକେ ଶିବକୁମାର କହିଛନ୍ତି, ହିମାଚଳପ୍ରଦେଶରେ ଆମେ ରାଜ୍ୟସଭା ସିଟ୍ ହରାଇଲୁ ଏହା ବହୁତ ଦୁଃଖଦ କଥା । ପୂରା ଦେଶ ହିମାଚଳପ୍ରଦେଶର ରାଜ୍ୟସଭା ନିର୍ବାଚନ ଦେଖିଲା । କିନ୍ତୁ ଏବେ ଆମେ ଏକାଠି ଅଛୁ ଏବଂ ଆମ ପାଖରେ ଆବଶ୍ୟକୀୟ ସଂଖ୍ୟା ମଧ୍ୟ ରହିଛି । ଆମେ ଏକ ସମନ୍ୱୟ କମିଟି ଗଠନ କରିଛୁ । ଯେଉଁ କମିଟି ସରକାର ଓ ଦଳ ମଧ୍ୟରେ ଯୋଗସୂତ୍ର ରକ୍ଷା କରିବ ।

#WATCH | "All is well. This govt will stay for 5 years. All issues have been sorted out. We are hearing all the MLAs. There is no problem in the government," says Congress observer DK Shivakumar after meeting with HP Congress leaders Vikramaditya Singh and Pratibha Singh in… pic.twitter.com/CksvUwiIuo

— ANI (@ANI) February 29, 2024

ସେହିଭଳି ଅନ୍ୟତମ ପର୍ଯ୍ୟବେକ୍ଷକ ଭୂପିନ୍ଦର ହୁଡ୍ଡା କହିଛନ୍ତି, ଆମେ ରାଜ୍ୟସଭା ଆସନ କାହିଁକି ହରାଇଲୁ ତାହା ଉପରେ ଚର୍ଚ୍ଚା ହୋଇଛି । ଆମେ ସମସ୍ତଙ୍କର ମତଭେଦ ଦୂର କରିଛୁ । ଏବେ ଆମେ ଏକାଠି ହୋଇ ଲୋକସଭା ନିର୍ବାଚନ ଲଢିବୁ ଏବଂ ଜିତିବୁ । ହିମାଚଳପ୍ରଦେଶରେ କଂଗ୍ରେସର ୫ ବର୍ଷର ସରକାର ଚାଲିବ । ସେହିଭଳି ପ୍ରତିଭା ସିଂ କହିଛନ୍ତି, ଆମେ ରାଜ୍ୟସଭା ସିଟ୍ ଜିତିପାରିଲୁ ନାହିଁ ଏହା କଷ୍ଟଦାୟକ କିନ୍ତୁ ଲୋକସଭା ନିର୍ବାଚନ ପାଇଁ ଏବେଠୁ ପରିଶ୍ରମ କରିବୁ ଏବଂ ସବୁ ସିଟରେ ବିଜୟ ହାସଲ କରିବୁ । ଏହି ବୈଠକରେ ଦୁଇ ପର୍ଯ୍ୟବେକ୍ଷକଙ୍କ ସହ ମୁଖ୍ୟମନ୍ତ୍ରୀ ସୁଖବିନ୍ଦର ସିଂ ସୁଖୁ ଓ ପ୍ରତିଭା ସିଂ ମଧ୍ୟ ଉପସ୍ଥିତ ଥିଲେ ।

#WATCH | Shimla, Himachal Pradesh: When asked if CM Sukhu will remain CM for 5 years, Congress observer DK Shivakumar says, "Congress government is there and Sukhu is the CM. All the MLAs want Congress government for 5 years...No operation Lotus here." pic.twitter.com/gpON1UJ8oU

— ANI (@ANI) February 29, 2024