ଅକାଳୀ ଦଳର ମୁଖ୍ୟ ସୁଖବୀର ସିଂ ବାଦଲଙ୍କୁ ଆକ୍ରମଣ । ଗାଡି ଉପରକୁ ଆକ୍ରମଣ କଲେ କଂଗ୍ରେସ କର୍ମୀ
କନକ ବ୍ୟୁରୋ: ଶିରୋମଣୀ ଅକାଳୀ ଦଳର ମୁଖ୍ୟ ସୁଖବୀର ସିଂ ବାଦଲଙ୍କୁ ଆକ୍ରମଣ । ଦଳର ଅଧ୍ୟକ୍ଷଙ୍କ ଗାଡିକୁ ପଂଜାବର ଜଲାଲବାଦରେ କଂଗ୍ରେସ କର୍ମୀ ଭାଙ୍ଗି ଦେଇଥିବା ଅଭିଯୋଗ ହୋଇଛି । ଏନେଇ ଏକ ଭିଡିଓ ମଧ୍ୟ ରିଲିଜ କରାଯାଇଛି । ଶିରୋମଣୀ ଅକାଳୀ ଦଳ ଓ କଂଗ୍ରେସ ମଧ୍ୟରେ ବଡ ଧରଣର ସଂର୍ଘଷ ହୋଇଛି । ଘଟଣାରେ ଦୁଇ ଦଳର କିଛି ସଦସ୍ୟ ଗୁରୁତର ଆହତ ହୋଇଥିବା ଜଣାପଡିଛି ଘଟଣାରେ ସୁଖବୀର ସଂ ବାଦଲ ସମ୍ପୂର୍ଣ୍ଣଭାବେ ସୁରକ୍ଷିତ ଥିବା ଜଣାପଡିଛି । ଘଟଣାସ୍ଥଳରେ ପୁଲିସ ଛାଉଣୀ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଆଜି ପଂଜାବ ନଗର ନିଗମ ନିର୍ବାଚନ ପାଇଁ ନାମାଙ୍କନ ଚାଲିଥିବା ସମୟରେ ଦୁଇ ଦଳ ମଧ୍ୟରେ ସଂର୍ଘଷ ହୋଇଥିଲା । ସେପଟେ ଘଟଣାକୁ ନେଇ ପ୍ରତିକ୍ରିୟା ରଖିଛନ୍ତି ପଂଜାବ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦ୍ର ସିଂ । କ୍ୟାପଟେନ କହିଛନ୍ତି ଘଟଣାକୁ ନେଇ ତାଙ୍କ ପାଖରେ କିଛି ଖବର ନାହିଁ । ପ୍ରଥମେ ପୁଲିସ ନିଜର ତଦନ୍ତ କର । ପରେ ସେ ଏନେଇ ବୟାନ ଦେବେ । ଘଟଣାକୁ ନିନ୍ଦା କରିବା ସହ ଦୋଷୀଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ଦାବି କରିଛି ଶିରୋମଣୀ ଅକାଳୀ ଦଳ । ଏଥିସହ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦ୍ର ସିଂଙ୍କ ଇସ୍ତଫା ଦାବି କରିଛି ଦଳ । ସୁଖବୀର ସଂ ବାଦଲ କହିଛନ୍ତି ପଂଜାବରେ ଗ୍ୟାଙ୍ଗଷ୍ଟାର ରାଜ ଚାଲିଛି । ଏଠି ନେତାଙ୍କଠୁ ନେଇ ଜନତା ସମସ୍ତେ ଅସୁରିକ୍ଷତ ଅଛନ୍ତି ।