କନକ ବ୍ୟୁରୋ: କରୋନାର ଆସୁଛି କରୁଣ ଦୃଶ୍ୟ । ବଢୁଛି ଆତ୍ମହତ୍ୟାପ୍ରବଣତା । କରୋନା ପଜିିଟିଭିଙ୍କ ମୃତ୍ୟୁ ପରେ ପରିବାର ହେଉଛି ଛାରଖାର । ଏଭଳି ୩ଟି ଚିତ୍ର ଆସିଛି ରାଜ୍ୟର ବିଭିନ୍ନ ସ୍ଥାନରୁ । ବ୍ରହ୍ମପୁର ଓ ନୟାଗଡ ଇଟାମାଟିରେ ସ୍ୱାମୀଙ୍କ ମୃତ୍ୟୁ ପରେ ସ୍ତ୍ରୀ ଆତ୍ମହତ୍ୟା କରିବା ଭଳି ଖବର ଆସିଛି । ସେପଟେ କରୋନା ପଜଟିଭ ଚିହ୍ନଟ ହେବା ପରେ ଅନୁଗୁଳରେ ମାନସିକ ଭାରସାମ୍ୟ ହରାଇ ଆତ୍ମହତ୍ୟା କରିଛନ୍ତି ଯୁବକ ।
Kanak News is now on WhatsApp
Join and get latest news updates delivered to you via WhatsApp
କନ୍ଦାଉଛି କରୋନା । ବଢୁଛି ଆତ୍ମହତ୍ୟା ମନୋଭାବ । ରାଜ୍ୟର ବିଭିନ୍ନ ସ୍ଥାନରୁ ଆସୁଛି ଏଭଳି ହୃଦୟବିଦାରକ ଖବର । ଅନୁଗୁଳ ଜିଲ୍ଲା ରାଇଝରଣ ପଂଚାୟତ ଡ୍ୟାମରୁ କରୋନା ଆକ୍ରାନ୍ତ ଯୁବକଙ୍କ ମୃତଦେହ ଉଦ୍ଧାର ହୋଇଛି । କରୋନାରେ ଆକ୍ରାନ୍ତ ହେବା ପରେ ମାନସିକ ସ୍ଥିତି ହରାଇ ଆତ୍ମହତ୍ୟା କରିଥିବା ଅଭିଯୋଗ ଆଣିଛନ୍ତି ପରିବାର ଲୋକେ । ମୃତ ସନ୍ତୋଷ ଗୋଛାୟତ ସ୍ଥାନୀୟ ଜେଏସପିଏଲ ସ୍ୱାସ୍ଥ୍ୟକେନ୍ଦ୍ରରେ ଠିକା ଶ୍ରମିକ ଭାବେ କାମ କରୁଥିଲେ । କରୋନାରେ ଆକ୍ରାନ୍ତ ହେବା ପରେ ମାନସିକ ସ୍ଥିତି ହରାଇ ଘରୁ କୁଆଡେ ଚାଲିଯାଇଥିଲେ ।
କରୋନାର କାରୁଣ୍ୟ ଦେଖିବାକୁ ମିଳିଛି ବ୍ରହ୍ମପୁର ସହରରେ । ଛାରଖାର ହୋଇଯାଇଛି ପରିବାର । ସହରର ନୀଳକଣ୍ଠନଗର ସରସ୍ୱତୀ ବିଦ୍ୟାମନ୍ଦିରର ବରିଷ୍ଠ ଆଚାର୍ଯ୍ୟ ହାଡିବନ୍ଧୁ ନାହାକ କରୋନାରେ ଶୁକ୍ରବାରଦିନ ପ୍ରାଣ ହରାଇଥିଲେ । ଗତବର୍ଷ ଏକଦୁର୍ଘଟଣାରେ ସାନପୁଅର ମୃତ୍ୟୁ ହୋଇଥିଲା । ସ୍ୱାମୀଙ୍କ ମୃତ୍ୟୁ ପରେ ପତ୍ନୀ କବିତା ସଂପୂର୍ଣ୍ଣ ଭାଙ୍ଗିପଡିଥିଲେ । ସ୍ୱାମୀଙ୍କ ପରଲୋକର ଦୁଇଦିନ ପରେ ସେ ଆତ୍ମହତ୍ୟା କରିଛନ୍ତି ।
କୋଭିଡରେ ସ୍ୱାମୀଙ୍କ ମୃତ୍ୟୁ ଖବର ପାଇବା ପରେ ସ୍ତ୍ରୀଙ୍କ ଆତ୍ମହତ୍ୟା । ଘଟଣା ଘଟିଛି ନୟାଗଡର ଇଟାମାଟି ଗାଁ ଟାଙ୍ଗିସାହିପାଟଣାରେ । ଏହି ଗାଁର ଦିଲ୍ଲୀପ ପାତ୍ର ବର୍ଷେ ତଳେ ସେହି ଗାଁରେ ପ୍ରେମ ବିବାହ କରିଥିଲେ । ଦିଲ୍ଲୀପ ଗତ ସପ୍ତାହରେ କୋଭିଡ ପଜିଟିଭ ଚିହ୍ନଟ ହେବା ପରେ ମେଡିକାଲରେ ଭର୍ତି କରାଯାଇଥିଲା । ଏହାପରେ ତାଙ୍କ ପତ୍ନୀ ଆତ୍ମହତ୍ୟା କରିଥିବା ନେଇ ଗ୍ରାମବାସୀ ସୂଚନା ଦେଇଛନ୍ତି ।