ରାଜ୍ୟରେ କମୁଛି ଚିନି ଚାହିଦା ! ଗୃହରେ ମନ୍ତ୍ରୀ କହିଲେ, ଚାହିଦା ମେଣ୍ଟାଇ ପାରୁନଥିବାରୁ ବାହାରୁ ଆସୁଛି ଚିନି ।
କନକ ବ୍ୟୁରୋ: ବିଧାନସଭାରେ ବଢ଼ିଲା ଚିନି ଚିନ୍ତା! କେନ୍ଦୁଝର ବିଧାୟକ ମୋହନ ମାଝୀ ଓ ସମବାୟ ମନ୍ତ୍ରୀ ରାଜା ସ୍ୱାଇଁଙ୍କ ମଧ୍ୟରେ କଥା କଟାକଟି । ମନ୍ତ୍ରୀଙ୍କୁ ମୋହନ ମାଝୀଙ୍କ ପ୍ରଶ୍ନ ଚିନି ଉତ୍ପାଦନ ଶିଳ୍ପ ପ୍ରକୃତରେ କେଉଁ ବିଭାଗର, ଶିଳ୍ପ ନା ସମବାୟ? ଯଦି ଏହା ସମବାୟ ବିଭାଗର ପରିସରଭୁକ୍ତ ତେବେ କେବେ ଏହାକୁ ନେଇ ସ୍ୱତନ୍ତ୍ର ଭାବେ ବିଜ୍ଞପ୍ତି ପ୍ରକାଶ କରାଯାଇଛି କି? ଏପରିକି ଗତ ୫ ବର୍ଷ ମଧ୍ୟରେ ରାଜ୍ୟରେ ଚିନି ଚାହିଦା ବଢ଼ିଛି ନା କମିଛି ଏଭଳି କିଛି ତାରକା ପ୍ରଶ୍ନ ପଚାରିଛନ୍ତି ବିଜେପି ବିଧାୟକ ମୋହନ ମାଝୀ ।
Kanak News is now on WhatsApp
Join and get latest news updates delivered to you via WhatsApp
ସେପଟେ ମୋହନ ମାଝୀଙ୍କୁ ଉତ୍ତର ଦେଇ ମନ୍ତରୀ କହିଛନ୍ତି କି, ରାଜ୍ୟରେ ୮ଟି ବୃହତ ଚିନି ଶିଳ୍ପରୁ ଆସିକା ଓ ଢେଙ୍କାନାଳରେ ଥିବା ଚିନି କାରଖାନା କାର୍ଯ୍ୟକ୍ଷମ ରହିଛି । ବଲାଙ୍ଗୀର ବିଜୟାନନ୍ଦ ଚିନି କାରଖାନା ଉପରେ ଥିଵା ବକେୟା ଋଣ ପରିଶୋଧ ଲାଗି ନିଲାମୀ ପ୍ରକ୍ରିୟା ଜାରି ରହିଛି । ସେହିପରି ୨୦୧୪-୧୫ରୁ ଆଖୁପେଡା ଵନ୍ଦ ରହିଛି । ବରଗଡରେ ଆଖୁ, କଞ୍ଚାମାଲ ଓ ଯନ୍ତ୍ରପାତି ଅଭାବରୁ ୨୦୧୭-୧୮ରୁ ଆଖୁପେଡା ଵନ୍ଦ ରହିଛି।
ସେହିପରି ବଡମ୍ବା ଓ ନୟାଗଡ଼ ରେ ଥିଵା କାରଖାନା କୁ ୨ଟି ଘରୋଈ ସଂସ୍ଥାକୁ ଦେଇ ତ୍ଵରାନ୍ଵିତ କରିବାକୁ ୨୦୦୫ରୁ ଉଦ୍ୟମ ହୋଇଥିଲା। ହେଲେ ୨୦୧୩-୧୪ରୁ ଆଖୁପେଡା ଏଠି ବି ବନ୍ଦ। କେଵଳ ଆସିକା ଓ ଢେଙ୍କାନାଳ ର ଶକ୍ତି ସୁଗାର ମିଲରେ ଉତ୍ପାଦନ କାର୍ୟ୍ୟକ୍ଷମ ରହିଛି। ରାଜ୍ୟରେ ବାର୍ଷିକ ୨.୧୧ ଲକ୍ଷ ମେଟ୍ରିକ ଟନ୍ ଚିନିର ଆବଶ୍ୟକତା ରହିଛି। ହେଲେ ଚାହିଦା ମେଣ୍ଟାଇ ପାରୁନଥିବାରୁ ବାହାରୁ ଚିନି ଆମଦାନୀ ହେଉଛି। ଚିନିର ଉତ୍ପାଦନ ଦର , ବିକ୍ରି ଦରଠୁ କମିଛି। ଫଳରେ ଏହି ଶିଳ୍ପ ଏକ କ୍ଷତିଜନକ ଶିଳ୍ପ ବୋଲି ଗୃହରେ କହିଛନ୍ତି ମନ୍ତ୍ରୀ ।