ମୁକ୍ତ ହେଲା ମାଲବାହୀ ଜାହାଜ ଏଭର ଗିଭେନ୍ : ସ୍ୱେଜ କେନାଲରୁ ଟଳିଲା ସଂକଟ; ଏବେ ଗନ୍ତବ୍ୟ ସ୍ଥଳ ଅଭିମୁଖ୍ୟ ବଢ଼ି ଚାଲିଛି ଜଳଯାନ
ପ୍ରାୟ ଗୋଟିଏ ସପ୍ତାହ ପରେ ଆଶ୍ୱସ୍ତ ହେଲେ କେନାଲ କର୍ତୃପକ୍ଷ
କନକ ବ୍ୟୁରୋ : ଟଳିଗଲା ଜାହାଜ ସଂକଟ । ମୁକ୍ତ ହେଲା ସୁଏଜ୍ କେନାଲରେ ଫାଶି ରହିଥିବା ମାଲବାହୀ ଜାହାଜ । ଏହା ସହିତ ଏସିଆ ମହାଦେଶରୁ ୟୁରୋପ ମହାଦେଶକୁ ଜଳପଥରେ ଯୋଡୁଥିବା ଇଜିପ୍ଟର ସୁଏଜ କେନାଲରେ ଅଚଳାବସ୍ଥା ଦୂର ହୋଇଛି । ବିଶ୍ୱ ସମୁଦାୟର ପରିବହନ ବାଣିଜ୍ୟ କାରବାର ଉପରେ ଗମ୍ଭୀର ପ୍ରଭାବ ପକାଇଥିବା ଏଭର ଗିଭେନ ଜାହାଜ, ସ୍ୱେଜ କେନାଲରୁ ମୁକ୍ତ ହେବା ପରେ ଏବେ ଗନ୍ତବ୍ୟ ସ୍ଥଳ ଅଭିମୁଖେ ଆଗକୁ ବଢୁଛି ।
Kanak News is now on WhatsApp
Join and get latest news updates delivered to you via WhatsApp
ଏହା ପୂର୍ବରୁ କୂଳରୁ ହଟାଯିବା ପରେ ଜାହାଜକୁ ୮୦ ପ୍ରତିଶତ ସଠିକ ମୋଡ ଦେବାକୁ ସଫଳ ହୋଇଥିଲେ କେନାଲ କର୍ତୃପକ୍ଷ । ଏକ ବଡ ଜୁଆର ଆସିବା ପରେ ଜାହାଜକୁ ଠେଲି କେନାଲର ମଝିକୁ ଆଣିବା ପରେ ଆଗକୁ ଆଗକୁ ବଢି ଚାଲିଛି, ତାଇୱାନର ଏଭର ଗିଭେନ ଜାହାଜ । ଲଗାତାର ୬ଦିନ କାଳ ସୁଏଜ କେନାଲରେ ଯାତାୟତକୁ ଠପ୍ କରିଦେଇଥିଲା ଏହି ଜାହାଜ । ପଣ୍ୟବାହୀ ଜାହାଜ ଆଗକୁ ଭାସିିବା ଖବର ଜଳ ପଥରେ ପରିବହନ କାରବାର କରୁଥିବା କଂପାନୀଙ୍କୁ ଆଶ୍ୱସ୍ତି ଆଣିଦେଇଛି ।