କନକ ବ୍ୟୁରୋ: ଜଣଙ୍କ ଜୀବନରେ ସଫଳତା ଏତେ ଥର ଆସେ ତାହା ଆପଣ କେବେ ବିଶ୍ୱାସ ବି କରିପାରିବେନି । ଯେଉଁଠି ଲୋକମାନେ ଖଣ୍ଡେ ସରକାରୀ ଚାକିରୀ କରିବାକୁ ବର୍ଷ ବର୍ଷ ଧରି ଅପେକ୍ଷା କରି ଚାହିଁ ରହୁଛନ୍ତି, ସେଠାରେ କିନ୍ତୁ ଏହି ବ୍ୟକ୍ତି ଜଣକ ୪୫ଟି ସରକାରୀ ଚାକିରି ଛାଡିଦେଇଛନ୍ତି । କେବଳ ସେତିକି ନୁହେଁ ତାଙ୍କ ଦକ୍ଷତା ପାଇଁ ତାଙ୍କ ପାଖକୁ ଫିଲ୍ମରେ ଅଭିନୟ କରିବାକୁ ମଧ୍ୟ ଅଫର ଆସିଥିଲା । ହେଲେ ସେ ଏହାକୁ ମଧ୍ୟ ମନା କରିଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ହଁ ଆଜ୍ଞା ଆମେ କହୁଛୁ ଛତିଶଗଡ କୋରିଆ ଜିଲ୍ଲା ବୈକୁଣ୍ଠପୁର ଅଞ୍ଚଳରେ ସୁବେଦାର ଥିବା ରମେଶ କୁମାରଙ୍କ କଥା । ରମେଶଙ୍କ ବଡି ବିଲ୍ଡିଂରେ ବେଶ ଆଗ୍ରହ ରହିଥିଲା । ସେ ବଡି ବିଲ୍ଡଂରେ ୨୦୦୦ ମସିହାରେ ମିଷ୍ଟର ରାୟପୁର ଓ ୨୦୦୧ ମସିହାରେ ଛତିଶଗଡରେ ସେ ତୃତୀୟ ସ୍ଥାନ ହାସଲ କରିଥିଲେ । ଏଥିପାଇଁ ତାଙ୍କୁ ଛତିଶଗଡ ଫିଲ୍ମରେ ଅଫର ଆସିଥିଲା । ହେଲେ ପୋଲିସ ବିଭାଗରେ ଥିବା ତାଙ୍କ ବାପା ଏହି ଲାଇନରେ ଯିବାକୁ ତାଙ୍କୁ ଅନୁମତି ଦେଇନଥିଲେ ।
ସେଥିପାଇଁ ସେ ମଡେଲିଂ ନକରି ସେ ସରକାରୀ ଚାକିରି କରିବାକୁ ମନବଳାଇଥିଲେ । ଏହାପରେ ୨୦୦୦ରୁ ୨୦୨୧ ମଧ୍ୟରେ ୪୬ଟି ଭିନ୍ନ ଭିନ୍ନ ସରକାରୀ ଚାକିରିରେ ତାଙ୍କର ଚୟନ ହୋଇଥିଲା । ହେଲେ ବାପାଙ୍କର ଇଚ୍ଛା ଥିଲା ବଡ ଚାକିରି ସେଥିପାଇଁ ସେ ପ୍ରୟାସ ଜାରି ରଖିଥିଲେ । ୪୬ରୁ ୪୪ଟି ଚାକିରିରେ ସେ ଜଏନ କରିନଥିଲେ । ୨୦୦୯ରେ ପିଏସସି ପାଇଁ ପ୍ରସ୍ତୁତ ହୋଇଥିଲେ । ହେଲେ ୧୧ ଥର ପ୍ରୟାସରେ ବି ସେ ସଫଳ ହୋଇନଥିଲେ । ଏହାପରେ ୨୦୧୩ରେ ପୋଲିସ ସୁବେଦାର ଭାବେ ତାଙ୍କର ଚୟନ ହୋଇଥିଲା । ଆଉ ସେବେଠୁ ସେ ଏହି ଚାକିରିରେ ଅଛନ୍ତି ।