ଜୋର ଧରିଲା ପଟ୍ଟାମୁଣ୍ଡାଇକୁ ସବଡ଼ିଭିଜନ୍ ମାନ୍ୟତା ଦାବି ! ମଶାଲ ଧରି ଶୋଭାଯାତ୍ରା କଲେ ସାଧାରଣ ଲୋକ
କନକ ବ୍ୟୁରୋ : ଜୋର ଧରିଲା ପଟ୍ଟମୁଣ୍ଡାଇକୁ ସବଡ଼ିଭିଜନ ମାନ୍ୟତା ଦାବି । ଏନେଇ ଲୋକଙ୍କ ମନରେ ଆନ୍ଦୋଳନ ଦାନା ବାନ୍ଧିଲାଣି । ଆଜି ପଟ୍ଟାମୁଣ୍ଡାଇକୁ ସବଡ଼ିଭିଜନ ମାନ୍ୟତା ଦାବିରେ ମଶାଲ ଶୋଭାଯାତ୍ରା କରାଯାଇଛି । ବିଜେପି ପକ୍ଷରୁ ଏହି ଶୋଭାଯାତ୍ରା କରାଯାଇଛି । ସନ୍ଧ୍ୟାରେ ବିଜେପି ପକ୍ଷରୁ ଏକ ମଶାଲ ଧରି ବଜାର ପରିକ୍ରମା କରିଥିଲେ । ବିଜେପି ନେତା ତଥା ପୂର୍ବତନ ବିଧାୟକ ଅଲେଖ ଜେନାଙ୍କ ନେତୃତ୍ୱରେ ଶହ ଶହ କର୍ମୀ ସବଡ଼ିଭିଜନ ପାଇଁ ଦାବି କରିଥିଲେ । ସେହିଭଳି ଗତକାଲି ମଧ୍ୟ କେନ୍ଦ୍ରାପଡା ଜିଲ୍ଲା ପଟ୍ଟାମୁଣ୍ଡାଇକୁ ସବଡିଭିଜନ୍ ମାନ୍ୟତା ଦାବିରେ ୬ ଘଂଟିଆ ବନ୍ଦ ପାଳନ କରାଯାଇଥିଲା।
Kanak News is now on WhatsApp
Join and get latest news updates delivered to you via WhatsApp
୧୯୯୩ ମସିହାରେ କେନ୍ଦ୍ରାପଡା ଜିଲ୍ଲା ଗଠନ ପରେ ପଟ୍ଟାମୁଣ୍ଡାଇକୁ ସବଡିଭିଜନ୍ ମାନ୍ୟତା ପାଇଁ ଦାବି ହୋଇଆସୁଛି । ବିଧାନସଭା ଷ୍ଟାଣ୍ଡିଂ କମିଟି ଆଳିକୁ ସବଡିଭିଜନ୍ ମାନ୍ୟତା ଦେବା ପାଇଁ ପ୍ରସ୍ତାବ ଦେବା ପରେ ବିବାଦ ଆରମ୍ଭ ହୋଇଛି । ଏ ନେଇ ପଟ୍ଟାମୁଣ୍ଡାଇରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି ।