କରୋନା ବିରୋଧୀ ଲଢେଇରେ ୯୦ ପ୍ରତିଶତ ଫଳପ୍ରଦ ଆଷ୍ଟ୍ରେଜେନିକା ପ୍ରସ୍ତୁତ ଟିକା । ‘ପିଏଚଇ’ ଅଧ୍ୟୟନରୁ ଆସିଲା ନୂଆ ତଥ୍ୟ
କନକ ବ୍ୟୁରୋ : ବଢୁଥିବା କରୋନା ସଂକ୍ରମଣ ଭିତରେ ଟିକାକୁ ନେଇ ସାମ୍ନାକୁ ଆସିଲା ଏକ ଖୁସି ଖବର । ବ୍ରିଟେନରେ କରାଯାଇଥିବା ଏକ ଅଧ୍ୟୟରୁ ଜଣାପଡିଛି କି, ଅକ୍ସଫୋର୍ଡ ଆଷ୍ଟ୍ରେଜେନିକା ଦ୍ୱାରା ପ୍ରସ୍ତୁତ ଟିକା କରୋନା ଲଢେଇରେ ୯୦ ପ୍ରତିଶତ ଫଳପ୍ରଦ ହେଉଛି । ଭାରତରେ ଯେଉଁ ଟିକାକୁ ଆମେ କୋଭିସିଲ୍ଡ ନାଁରେ ଲୋକଙ୍କୁ ଦିଆଯାଉଛି । ଯାହାର ଉତ୍ପାଦନ ସିରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ କରୁଛି ।
Kanak News is now on WhatsApp
Join and get latest news updates delivered to you via WhatsApp
ପବଲିକ୍ ହେଲ୍ଥ ଇଂଲଣ୍ଡ ବା ପିଏଚଇର କହିବା ଅନୁସାରେ, ଆଷ୍ଟ୍ରେଜେନିକାର ଟିକା କରୋନା ବିରୋଧୀ ଲଢେଇରେ ୮୫ ପ୍ରତିଶତରୁ ୯୦ ପ୍ରତିଶତ ପର୍ଯ୍ୟନ୍ତ ଫଳପ୍ରଦ ହେଉଛି । ତଥ୍ୟ କହୁଛି, ଏହି ଟିକାକୁ ନେବା ପରେ ପାଖାପାଖି ୧୩ ହଜାର କରୋନା ସଂକ୍ରମିତଙ୍କ ଜୀବନ ବଞ୍ଚିଯାଇଛି, ଯେଉଁମାନଙ୍କ ବୟସ ୬୦ କିମ୍ବା ତାଠୁ ଅଧିକ ବୟସ ରହିଥିଲା । ଅଧ୍ୟୟନରୁ ଏହା ମଧ୍ୟ ଜଣାପଡିଛି କି, ଏହି ଟିକା ନେବା ପରେ ପ୍ରାୟ ୪୦ ହଜାରରୁ ଅଧିକ ଲୋକ କରୋନା ଆକ୍ରାନ୍ତ ହେବା ପରେ ବି ସେମାନର ମେଡିକାଲ ଯିବା ଭଳି ପରିସ୍ଥିତି ସୃଷ୍ଟି ହୋଇନି । ଘରେ ରହି ସେମାନେ କରୋନାରୁ ମୁକ୍ତ ହୋଇଛନ୍ତି । ଯେଉଁମାନଙ୍କ ବୟସୀମା ୬୫ ବର୍ଷରୁ ଅଧିକ ଥିଲା ।