‘ଫୋନି’ ପରେ ଫାଇଟ୍ । ବିଦ୍ୟୁତ୍ ସେବାନେଇ ଛଟପଟ ହେଉଥିବା ପ୍ରଭାବିତଙ୍କ ଘରେ ପହଁଚି ସ୍ଥିତି ସୁଧାରୁଛନ୍ତି ସରକାରୀ ଆଇଟିଆଇ ଛାତ୍ର ।
କନକ ବ୍ୟୁରୋ: ବାତ୍ୟା ‘ଫୋନି’ ପ୍ରଭାବିତ ଅଞ୍ଚଳ ଗୁଡ଼ିକରେ ବାତ୍ୟା ପ୍ରପୀଡ଼ିତମାନେ ବିଦ୍ୟୁତ୍ ଯୋଗାଣ ନେଇ ଛଟପଟ ହେଉଥିବାବେଳେ ସରକାରୀ ଆଇଟିଆଇ କୁଶଳୀ ଛାତ୍ରମାନେ କମାଲ କରିଛନ୍ତି । ବାତ୍ୟା ପରବର୍ତ୍ତୀ ପୁନଃରୁଦ୍ଧାର କାର୍ଯ୍ୟରେ ବିଦ୍ୟୁତ୍ ସମସ୍ୟାରେ ସମ୍ମୁଖୀନ ହେଉଥିବା ଲୋକଙ୍କ ଘରେ ପହଁଚି ବିଦ୍ୟୁତ୍ ସେବାକୁ ଯୋଗାଇବାରେ ଅନ୍ୟ ଏକ ଉଦାହରଣ ପାଲଟିଛନ୍ତି ଏହି ଆଇଟିଆଇ ଛାତ୍ରଗଣ ।
Kanak News is now on WhatsApp
Join and get latest news updates delivered to you via WhatsApp
As part of Helping Hand initiative, students of ITI are helping the domestic consumers by removing household level electricity defects.#FaniRestoration pic.twitter.com/Est9Ia4xRy
— Fani Restoration (@FaniRestoration) May 11, 2019
ଗତ ୩ ତାରିଖ ପରଠାରୁ ରାଜ୍ୟର ପ୍ରମୁଖ ଜିଲ୍ଲା, ପୁରୀ, ଖୋର୍ଦ୍ଧା, କଟକ ଭଳି ସ୍ଥାନରେ ଲୋକମାନେ ବିଜୁଳି ପାଇଁ ହାହାକାର କରୁଥିବାବେଳେ ଏହି ସରକାରୀ ଆଇଟିଆଇ ଶିକ୍ଷାନୁଷ୍ଠାନର ଛାତ୍ରମାନେ ଘରେ ଘରେ ପହଁଚି ସମସ୍ୟାର ସମାଧାନ କରୁଥିବା ଦେଖିବାକୁ ମିଳିଛି । ତେବେ ଏଭଳି ବିଦ୍ୟୁତ୍ ସମସ୍ୟାରେ ଛଟପଟ ହେଉଥିବା ଜଣକ ଘରେ ଯାଇ ପହଁଚି ବିଦ୍ୟୁତ୍ ସମସ୍ୟାକୁ ଦୂର କରିଥିବାରୁ ଏହି ଛାତ୍ରମାନଙ୍କ ଭୂରିଭୂରି ପ୍ରଶଂସା କରିଛନ୍ତି ଉକୃତ ବ୍ୟକ୍ତି । ଏପରିକି ଏହି ପିଲାମାନଙ୍କ ଉଜ୍ଜଳ ଭବିଷ୍ୟତ କାମନା କରି ସେମାନଙ୍କୁ ଶୁଭେଚ୍ଛା ଜଣାଇଛନ୍ତି ।
ଅନ୍ୟପଟେ ରାଜ୍ୟ ସରକାର ଫୋନି ପ୍ରଭାବିତ ଅଞ୍ଚଳରେ ତୁରନ୍ତ ବିଦ୍ୟୁତ୍ ସେବା ଯୋଗାଇଦେବା ପାଇଁ ଅକ୍ଳାନ୍ତ ପରିଶ୍ରମ କରୁଛନ୍ତି । ଏପରିକି ଗତକାଲି ମାସର ଦ୍ୱିତୀୟ ଶନିବାର ଏବଂ ଆଜି ରବିବାର ହୋଇଥିଲେ ମଧ୍ୟ ସରକାରୀ ଦଫ୍ତର ଖୋଲା ରଖାଯାଇଛି । କାରଣ ଲୋକମାନଙ୍କ ପାଇଁ ସମସ୍ତ ମୌଳିକ ସୁବିଧା କିଭଳି ତୁରନ୍ତ ପହଁଚିବ ସେନେଇ ଖୋଦ୍ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗୁରୁତ୍ୱାରୋପ କରିଛନ୍ତି ।