ଗଞ୍ଜାମର ହିଞ୍ଜିଳି ଅଂଚଳରେ ଛାତ୍ରୀଙ୍କ ଆତ୍ମହତ୍ୟା : ମାଟ୍ରିକ ପରୀକ୍ଷାରେ ଫେଲ ହେବାରୁ କୀଟନାଶକ ପିଇଲେ ଛାତ୍ରୀ
କନକ ବ୍ୟୁରୋ : ମାଟ୍ରିକ ପରୀକ୍ଷାରେ ଫେଲ ହେବାରୁ ଛାତ୍ରୀଙ୍କ ଆତ୍ମହତ୍ୟା । ଏଭଳି ଦୁଃଖଦ ଘଟଣା ଘଟିଛି ଗଞ୍ଜାମର ହିଞ୍ଜିଳି ଅଂଚଳରେ । ହିଞ୍ଜିଳି ଥାନା ନରେନ୍ଦ୍ରପୁର ଗାଁର ଦଶମ ଶ୍ରେଣୀ ଛାତ୍ରୀ ଲିଲି ସ୍ୱାଇଁ ଆତ୍ମହତ୍ୟା କରିଛନ୍ତି । ପରୀକ୍ଷାରେ ଫେଲ ହେବାରୁ ଘରେ ଥିବା କୀଟନାଶକ ପିଇ ଆତ୍ମହତ୍ୟା କରିଛନ୍ତି ଲିଲି । ଗତକାଲି ଯାଜପୁର ବରୀ ଅଂଚଳର ଜଣେ ଛାତ୍ର ବି ବିଷପିଇ ଆତ୍ମହତ୍ୟା କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ବରୀ ରତଳାଙ୍ଗ ରତ୍ନେଶ୍ୱର ବିଦ୍ୟାପୀଠର ଛାତ୍ର ପଦ୍ମଲୋଚନ ମଲିକ ଘରେ ଥିବା କୀଟନାଶକ ଔଷଧ ପିଇ ଆତ୍ମହତ୍ୟା କରିଥିବା ଜଣାପଡିଥିଲା । ପଦ୍ମଲୋଚନ ମୋଟ ୨୬୩ ମାର୍କ ରଖିଥିବା ଜଣାପଡିଛି । ଗତକାଲି ମାଟ୍ରିକ ପରୀକ୍ଷା ଫଳ ବାହାରିଥିବା ବେଳେ ରେଜଲ୍ଟ ଆଶାନୁରୂପ ହୋଇନଥିବାରୁ ମାନସିକ ଭାରସାମ୍ୟ ହରାଇ ସେ ଏପରି କରିଥିବା ଜଣାପଡିଛି ।