ପାଠ ସରିଲା ହେଲେ ମିଳୁନି ସାର୍ଟିଫିକେଟ । ଫଳାଫଳର ୩ ମାସ ପରେ ବି କଲେଜ ଦେଉନି ପ୍ରମାଣପତ୍ର, ଛାତ୍ରଛାତ୍ରୀଙ୍କ ସାରା ରାତି ପ୍ରତିବାଦ, ୩୬ ଜଣଙ୍କ ଭବିଷ୍ୟତ ଅନ୍ଧାରରରେ
କନକ ବ୍ୟୁରୋ : ସାରା ରାତି ଛାତ୍ରଛାତ୍ରୀଙ୍କ ପ୍ରତିବାଦ । ଫଳାଫଳ ବାହାରିବାର ୩ ମାସ ପରେ ବି ସାର୍ଟିଫିକେଟ ନପାଇ ଚିନ୍ତାରେ ୩୬ ଛାତ୍ରଛାତ୍ରୀ । ଭୁବନେଶ୍ୱର ପାତ୍ରପଡାରେ ଥିବା ଶ୍ରୀବିଦ୍ୟା ନିକେତନ କଲେଜ ଅଫ ମେଡିକାଲ ଆଣ୍ଡ ରିସର୍ଚ୍ଚରେ ବିଏସସି ନର୍ସିଂ କୋର୍ସ କରିଥିଲେ ଏହି ଛାତ୍ରଛାତ୍ରୀ । କିନ୍ତୁ ଏ ଯାଏଁ କୌଣସି ସାର୍ଟିଫିକେଟ ସେମାନଙ୍କୁ ମିଳିନାହିଁ ।
Kanak News is now on WhatsApp
Join and get latest news updates delivered to you via WhatsApp
ଫଳରେ ସେମାନେ ଚାକିରୀ ପାଇଁ ଆବେଦନ କରିପାରୁନାହାନ୍ତି । ଶ୍ରୀବିଦ୍ୟା ନିକେତନ ଉକ୍ରଳ ବିଶ୍ୱବିଦ୍ୟାଳୟ ସହ ଅନୁବନ୍ଧିତ ହୋଇଥିବା ସତ୍ୱେ ସାର୍ଟିଫିକେଟ ପାଇଁ କୌଣସି ବ୍ୟବସ୍ଥା କରାଯାଇନାହିଁ । ଫଳରେ ୩୬ ଛାତ୍ରଛାତ୍ରୀ ପେଷି ହୋଇଯାଇଛନ୍ତି । ଆଉ ସାର୍ଟିଫିକେଟ ପାଇଁ ସାରା ରାତି ଧାରଣାରେ ବସିଛନ୍ତି ଛାତ୍ରଛାତ୍ରୀ ।