ଅନ୍ଧବିଶ୍ୱାସ ଅନ୍ଧାରରେ କଲେଜ ଛାତ୍ରୀ ! ପୂଜାପାଠ ନାଁରେ ସହପାଠିନୀଙ୍କୁ କଲେ ହତ୍ୟା
କନକ ବ୍ୟୁରୋ : ଅନ୍ଧବିଶ୍ୱାସ ଅନ୍ଧାରରେ କଲେଜ ଛାତ୍ରୀ । ପୂଜାପାଠ ନାଁରେ ଦୁଇ ଜଣ କଲେଜ ଛାତ୍ରୀ ସେମାନଙ୍କ ଜଣେ ସହପାଠିନୀଙ୍କୁ ନିର୍ଯାତନା ଦେବାରୁ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଥିବା ଅଭିଯୋଗ ହୋଇଛି । ସବୁଠୁ ବଡ କଥା ହେଉଛି ପରିବାର ଓ ଅନ୍ୟ ଲୋକଙ୍କ ସମ୍ମୁଖରେ ଏହି ଘଟଣା ଘଟିଛି । କିନ୍ତୁ ଏହି ଘଟଣାକୁ ନେଇ କେହି ପ୍ରତିବାଦ କରିନାହାନ୍ତି । ଝାରସୁଗୁଡା ଜିଲ୍ଲା ବିଜାପାଲି ଗାଁରେ ଗୁରୁତବାର ରାତିରେ ଏହି ଅଭାବନୀୟ ଘଟଣା ଘଟିଛି ।
Kanak News is now on WhatsApp
Join and get latest news updates delivered to you via WhatsApp
ସେହି ଗାଁରେ ଡୋଳାମଣି ଜୟପୁରିଆଙ୍କ ଘରେ ଶିବ ଗୁରୁ ପୂଜା ଆୟୋଜିତ ହୋଇଥିଲା ।ଏହି ପୂଜାରେ ଯୋଗଦେଇଥିଲେ ପଂଚଗା ମହିମା କଲେଜର ଯୁକ୍ତ ଦୁଇ ଛାତ୍ରୀ ସଂଯୁକ୍ତା ଜୟପୁରିଆ । ସଂଯୁକ୍ତାଙ୍କୁ ତାଙ୍କ ଦୁଇ ବାନ୍ଧବୀ ଡାକି ନେଇଥିଲେ । ଅନ୍ୟ ଦୁଇ ଛାତ୍ରୀ ନିଜକୁ ବ୍ରହ୍ମ ଓ ବିଷ୍ଣୁଙ୍କ ଅବତାର ବୋଲି କହି ଉନ୍ମତ ନୃତ୍ୟ ଆରମ୍ଭ କରିଥିଲେ । ଏହି ସମୟରେ ସେମାନେ ସଂଯୁକ୍ତାଙ୍କ ମୁଣ୍ଡ ଚୁଟି ଟାଣି ତାଙ୍କୁ ବିଭିନ୍ନ ନିର୍ଯାତନା ଦେଇଥିଲେ । ଏପରିକି ତାଙ୍କ ଉପରେ ନାଚକୁଦ କରିଥିଲେ ।
ଏହା ସହ ଦେଖନ୍ତୁ ଏହି ଭିଡିଓ-