ବିରଜୁ ବଖାଣିଲେ ଲାହୋର ଜେଲରେ ନିର୍ଯାତନାର କାହାଣୀ । ଜେଲର ଅନ୍ଧାର କୋଠରୀ ଭିତରେ ଚାବୁକରେ ମାଡ଼ ମାରି ଦିଆଯାଉଥିଲା ନିର୍ଯାତନା, ତାଙ୍କ ଆଗରେ ଦୁଇ କଏଦୀଙ୍କ ଚାଲିଯାଇଥିଲା ଜୀବନ ।
କନକ ବ୍ୟୁରୋ : ପାକିସ୍ତାନରୁ ଫେରି ଜନ୍ମମାଟି ସୁନ୍ଦରଗଡରେ ପହଚିଂବା ପରେ ପରିବାର ସହ ଗୋଟିଏ ଦିନ କାଟିଛନ୍ତି ବିରଜୁ । ଆଉ ଏହାରି ଭିତରେ ତାଙ୍କ ନିକଟରେ ଦେଖିବାକୁ ମିଳିଛି ଅନେକ ପରିବର୍ତନ । ଗତକାଲି ଭଲ ଭାବେ କଥା କହିପାରୁନଥିବା ବିରଜୁ, ପାକିସ୍ତାନ ସୀମା ଭିତରକୁ ପଶିଯିବା ପରେ ତାଙ୍କ ସହ ସେଦିନ କଣ ଘଟିଥିଲା ସେସବୁକୁ ବଖାଣିଛନ୍ତି । ପାକିସ୍ତାନ ଜେଲରେ ତାଙ୍କୁ କିଭଳି ଅସହ୍ୟ ନିର୍ଯାତନା ଦିଆଯାଉଥିଲା ଓ ପାକିସ୍ତାନରେ ତାଙ୍କୁ କେମିିତି ଚାବୁକ ମାଡ ମରାଯାଇଥିଲା ଅଙ୍ଗେନିଭା ଘଟଣାକୁ କହିଛନ୍ତି ବିରଜୁ ।
Kanak News is now on WhatsApp
Join and get latest news updates delivered to you via WhatsApp
ସୀମା ଡେଇଁ ଯିବା ପରେ କିପରି ଜୀବନ ନର୍କ ହୋଇଯାଏ ତାହା ଆପଣ ଅନେକ ହିନ୍ଦୀ ସିନେମାରେ ଦେଖିଥିଲେ । ହେଲେ ବିରଜୁଙ୍କ ଜୀବନରେ ଏହା ସତ କାହାଣୀ । ବିରଜୁ ଯେତେବେଳେ ବାଟଭୁଲି ସୀମାର ତାରବାଡ ଅତିକ୍ରମ କରିଥିଲେ ତାଙ୍କ ସହିତ କିଛି ଏମିତି ଘଟିଥିଲା ଯାହା ସେ କେବେ ବି ଅନୁମାନ କରିନଥିଲେ ।
ତାର ବାଡ ଡେଇଁବା ପରେ ପାକିସ୍ତାନରେ ବିରଜୁ ପହଂଚିବା ବେଳକୁ ଦେଖିଥିଲେ ଏକ ଚାଷ କ୍ଷେତ । କିଛି ଲୋକ ଏକ ଟ୍ରାକ୍ଟରରେ ବିରଜୁଙ୍କ ନେଇ ଚାଲିଥିଲେ ଶିଖରପୁର । ଶିଖରପୁରରେ ବିରଜୁଙ୍କୁ ଛାଡିଦେବା ପରେ ପୋଲିସ ଧରିଥିଲା ବିରଜୁଙ୍କୁ । ଥାନା ହାଜତରେ ରଖି ଚାବୁକରେ ମାଡ ମାରିଥିଲା ।
ଲାହୋର ଜେଲରେ ୨୫ବର୍ଷ । ବିରଜୁଙ୍କ ମୁହଁରେ କଳା କୋଠରୀର କାହାଣୀ । ଟ୍ରାକ୍ଟରରେ ଶିଖରପୁର ଆସିବା ପରେ ଥାନା ହାଜତ ଗଲେ ବିରଜୁ । ଥାନା ହାଜତରୁ ବିରଜୁଙ୍କୁ ପଠାଇଦିଆଯାଇଥିଲା ଲାହୋର ଜେଲ । ଅନ୍ଧାର କୋଠରୀର କାହାଣୀ ଏଇଠୁ ଆରମ୍ଭ ହୋଇଥିଲା । ବାହାରକୁ ଛଡା ଯାଉନଥିଲା । କେବଳ କୋର୍ଟରେ ହାଜର ହେବା ପାଇଁ ଯାଉଥିଲେ । ବିରଜୁଙ୍କ କହିବାନୁସାରେ ତାଙ୍କୁ କଳାପୋଷାକ ପିନ୍ଧାଇ ଦିଆଯାଉଥିଲା । ଜଂଜିରରେ ବାନ୍ଧି ଦିଆଯାଉଥିଲା । ଗୁପ୍ତଚର ବୋଲି ସନ୍ଦେହ କରି ଦିନକୁ ଗୋଟିଏ ଥର ଲୁହା ରଡରେ ପିଟୁଥିଲେ ଜେଲ କର୍ତ୍ତୃପକ୍ଷ । ଗୋଡକୁ ବାନ୍ଧି ପାଦକୁ ମାଡ ଦିଆଯାଉଥିଲା । ତାଙ୍କରି ଆଖି ଆଗରେ ବିହାରର ଦୁଇଜଣ ବନ୍ଧୁ ସରବ-ପ୍ରିତଙ୍କୁ ବାଡେଇ ବାଡେଇ ମାରିଦେଲେ ।
ବିରଜୁଙ୍କ ଏହି କାହାଣୀ ଯେତିକି ସମ୍ବେଦନଶୀଳ ସେତିକି କରୁଣ । ୨୫ବର୍ଷ ଜେଲରେ ନିର୍ଯ୍ୟାତନାର ଶିକାର ହୋଇଥିବା ବିରଜୁ ଓଡିଶା ସିନା ଫେରିଆସୁଛନ୍ତି । କିନ୍ତୁ ସେଦିନର କରୁଣ କାହାଣୀକୁ ତନ ତନ କରି ମନେ ରଖିଛନ୍ତି । ବିରଜୁଙ୍କ ଠାରୁ ଏହି କାହାଣୀ ଶୁଣିବା ବେଳକୁ ରୋମ ଟାଙ୍କୁରି ଉଠୁଛି ।