ଝୁମ୍ପୁଡି ଘରେ ରହି ବି ପାଇଲେ ‘ପଦ୍ମ ପୁରସ୍କାର’ । ମୋଦି କଲେ ପ୍ରଂଶସା । ବୟସର ଅପରାହ୍ନରେ ବି ଲୋକଙ୍କ ସେବାରେ ସମର୍ପିତ ଜୀବନ
Kanak News is now on WhatsApp
Join and get latest news updates delivered to you via WhatsApp
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜର ‘ମନ କି ବାତ’ କାର୍ଯ୍ୟକ୍ରମରେ ସେହି ମହିଳାଙ୍କର ପ୍ରଶଂସା କରିବାକୁ ବି ଭୁଲିନଥିଲେ । ଆଉ ଆପଣ ତାଙ୍କ ସେବା ବିଷୟରେ ଜାଣିଲେ ଆଶ୍ଚର୍ଯ୍ୟ ହେବା ସହ ତାରିଫ ନକରି ବି ରହିପାରିବେ ନାହିଁ । ସେ ମହାନ ନାରୀ ଜଣକ ନିଜର ସ୍ମୃତି ପାଇଁ ଲଗାଇଛନ୍ତି ୫ଶହ ଔଷଧୀୟ ବୃକ୍ଷ ।
କେରଳର ଏହି ଆଦିବାସୀ ମହିଳା ଜଣକ ହେଉଛନ୍ତି ଲକ୍ଷ୍ମୀ କୁଟ୍ଟି । ଶିକ୍ଷକତା କରୁଥିବା ମହିଳାଜଣକ ଏବେ ବି ଆଦିବାସୀ ଅଂଚଳର ଘଂଚ ଜଙ୍ଗଲ ଭିତରେ ତାଳ ପତ୍ରର ଝାଟିମାଟି ଘରେ ରହୁଛନ୍ତି । କିନ୍ତୁ ସମାଜସେବା ମନୋବୃତ୍ତିରୁ ଓହରି ନାହାନ୍ତି । ବୟସର ଅପରାହ୍ନରେ ବି କରୁଛନ୍ତି ଜନସେବା । ଥକି ନାହାନ୍ତି କି ହାରିନାହାନ୍ତି । ଝାଟିମାଟି ଘରେରହି ବି ଆଦର୍ଶରୁ ହଟିନାହାନ୍ତି ଏହି ଆଦିବାସୀ ମହିଳା । ସେ ଜଙ୍ଗିବୁଡିକୁ ଔଷଧ ତିଆରି କରିବା ସହ ସାପ କାମୁଡିଥିବା ବ୍ୟକ୍ତିଙ୍କୁ ଭଲ କରିବାରେ ସ୍ଥାନୀୟ ଅଂଚଳରେ ନାଁ କମାଇଛନ୍ତି ।
ନିଜର ଜ୍ଞାନ ବଳରେ କେରଳର ଲକ୍ଷ୍ମୀ ଜଡିବୁଟି ଔଷଧ ଦେଇ ଲୋକମାନଙ୍କ ସେବା କରୁଛନ୍ତି । ନିଜର ସାଧାରଣ ବ୍ୟକ୍ତିତ୍ୱ ଓ ଉଲ୍ଲେଖନୀୟ ସେବା ପାଇଁ ରାଷ୍ଟ୍ରପତି ତାଙ୍କୁ ପଦ୍ମଶ୍ରୀ ସମ୍ମାନରେ ପୁରସ୍କୃତ କରିଛନ୍ତି । ଲକ୍ଷ୍ମୀ ଚିକିତ୍ସକ ଦାୟିତ୍ୱ ନିଭାଇବା ସହ ଜଣେ କବି ଓ କେରଳ ଲୋକସାହିତ୍ୟ ଏଳାଡେମୀରେ ଶିକ୍ଷୟତ୍ରୀ ଦାୟିତ୍ୱ ତୁଲାଇଛନ୍ତି । ସ୍ନେହରେ ତାଙ୍କୁ ଅନେକ ଲୋକ ବନମୁଥାସି ବୋଲି ଡାକିଥାନ୍ତି ।
ଲକ୍ଷ୍ମୀଙ୍କୁ ସମସ୍ତେ ଜଙ୍ଗଲର ଜେଜେମା ବୋଲି ଜାଣିଛନ୍ତି । ସେ ଆଜିଯାଏ ୫ଶହ ଲୋକଙ୍କୁ ଭଲ କରିପାରିଛନ୍ତି । ଅନେକ ଦିନରୁ ସମାଜ ପାଇଁ କାମ କରୁଥିବା ଲକ୍ଷ୍ମୀ ୧୯୯୫ରେ ଲୋକଲୋଚନକୁ ଆସିଥିଲେ, ଯେତେବେଳେ ତାଙ୍କୁ କେରଳ ସରକାର ‘ ନଟ୍ଟୁ ବୈଦ୍ୟରତ୍ନ ପୁରସ୍କାର’ ପ୍ରଦାନ କରିଥିଲେ ।
ଲକ୍ଷ୍ମୀ ପ୍ରଥମ ଆଦିବାସୀ ମହିଳା ଭାବେ ୧୯୫୦ରେ ସ୍କୁଲ ଯାଇଥିଲେ । ପ୍ରତିଦିନ ୧୦ କିଲୋମିଟର ଚାଲିଚାଲି ତାଙ୍କୁ ସ୍କୁଲ ଯିବାକୁ ପଡୁଥିଲା । ଆଉ ନିଜ ମାଆଙ୍କ ଠାରୁ ଶିଖି ଔଷଧ ଜ୍ଞାନରେ ନିଜର ପାରଦର୍ଶିତା ଦେଖାଇପାରିଥିଲେ ।