୨୬.୧୧ ମୁମ୍ବାଇ ଆକ୍ରମଣ : କୁନିଝିଅ ଦେବିକାଙ୍କ ସାକ୍ଷୀ ଆଧାରରେ କସାବକୁ ମିଳିଥିଲା ଫାଶୀ । ଜାଣନ୍ତୁ ୧୫ ବର୍ଷ ପରେ କିଭଳି ଅଛନ୍ତି ଦେବିକା
କନକ ବ୍ୟୁରୋ : ୨୬.୧୧ ମୁମ୍ବାଇ ଆକ୍ରମଣକୁ ୧୫ ବର୍ଷ ପୂରଣ ହୋଇଛି । ଏହା ଏଭଳି ଆତଙ୍କବାଦୀ ଆକ୍ରମଣ ଥିଲା ଯେଉଁଥିରେ ୧୬୪ ଜଣ ଲୋକଙ୍କ ଜୀବନ ଯାଇଥିଲା ଓ ୩୦୦ ରୁ ଅଧିକ ଲୋକ ଗୁରୁତର ହୋଇଥିଲେ । ହେଲେ ଆତଙ୍କବାଦୀ କସାବ ଠାରୁ ଗୁଳି ଖାଇ ସେଦିନ ବଞ୍ଚିଯାଇଥିବା କୁନିଝିଅ ଦେବିକା ଆଜି କେଉଁ ପରିସ୍ଥିତିରେ ଅଛନ୍ତି । ସେ ୨୦୦୯ ମସିହାରେ ହୋଇଥିବା ଆତଙ୍କବାଦୀ ଆକ୍ରମଣରେ ଆତଙ୍କବାଦୀ କସାବକୁ ଚିହ୍ନଟ କରିଥିଲେ । ତାଙ୍କରି ସାକ୍ଷୀ ଆଧାରରେ କୋର୍ଟ କସାବକୁ ଫାଶୀଦଣ୍ଡରେ ଦଣ୍ଡିତ କରିଥିଲେ । ସମୟ ସହ ତାଳଦେଇ ଦେବିକା ଆଜି ୨୪ ବର୍ଷରେ ପଦାର୍ପଣ କରିଛନ୍ତି । ଆତଙ୍କବାଦୀ ଆକ୍ରମଣ ପରେ କୋର୍ଟରେ ସାକ୍ଷୀ ଦେଇ ଦେବିକା ଜଣେ ସେଲିବ୍ରେଟି ପାଲଟିଯାଇଥିଲେ । କୌନ ବନେଗା କୋରଡପତି ଠାରୁ ଆରମ୍ଭ କରି ଅନେକ ରିଆଲିଟି ସୋରେ ତାଙ୍କୁ ଦେଖିବାକୁ ମିଳିଥିଲା । ହେଲେ ତାଙ୍କ ଜୀବନରେ କିଛି ପରିବର୍ତ୍ତନ ଆସିଲା ନାହିଁ, ଏବେ ତାଙ୍କର ସ୍ଥିତି ଏଭଳି ରହିଛି ।
Kanak News is now on WhatsApp
Join and get latest news updates delivered to you via WhatsApp
ଦେବିକା କହିଛନ୍ତି କି, ୧୫ ବର୍ଷ ପୂର୍ବେ ଆଜିର ଦିନରେ ସେ ବାପାଙ୍କ ସହ ମୁମ୍ବାଇର ଛତ୍ରପତି ଶିବାଜୀ ଟର୍ମିନାଲରେ ଟ୍ରେନକୁ ଅପେକ୍ଷା କରିଥିଲେ । ଏହି ସମୟରେ ଆତଙ୍କବାଦୀ ଅଜମଲ କସାବ ଆତଙ୍କ ମଚାଉଥିôଲା । ସେତେବେଳେ ଦେବିକା ୯ ବର୍ଷର ହୋଇଥିଲେ । ହଠାତ ତାଙ୍କ ଗୋଡରେ କସାବର ଗୁଳି ବାଜିଲା ଓ ସେ ଅଚେତ ହୋଇଗଲେ । ଏହାପରେ ଦେବିକା ୬୪ ଦିନ ପାଇଁ ମେଡିକାଲରେ ରହି ଚିକିତ୍ସିତ ହେଲେ ।
ହେଲେ ଦେବିକା କହିଛନ୍ତି କି, ସାକ୍ଷୀ ଦେବା ବେଳେ ସରକାରଙ୍କ ତରଫରୁ ତାଙ୍କୁ ଅନେକ ପ୍ରତିଶ୍ରୁତି ମିଳିଥିଲା । ହେଲେ ଏହା କେବଳ ମିଡିଆ ଷ୍ଟଣ୍ଟ ଥିଲା ଓ ତାଙ୍କୁ ସରକାରଙ୍କ ତରଫରୁ ଏପର୍ଯ୍ୟନ୍ତ କିଛି ବି ସହାୟତ ମିଳିନାହିଁ । ଅନ୍ୟପଟେ ତାଙ୍କ ଚିକିତ୍ସା ବାବଦରେ ଯେତେ ଅର୍ଥ ଖର୍ଚ୍ଚ ହେଲା ତାହାକୁ ତାର ପରିବାର ଲୋକେ ଭରଣା କଲେ । ବାପା ଟିଭି ରୋଗରେ ପୀଡିତ ଥିବାରୁ ଦେବିକା ଏବେ ଏକମାତ୍ର ଝିଅ ଯାହାଙ୍କ ଉପରେ ପୂରା ପରିବାର ନିର୍ଭର କରୁଛି ।
ଦେବିକା କହିଛନ୍ତି କି, ସେ ଏବେ ବାନ୍ଦ୍ରାର ଚେତନା କଲେଜରେ ବିଏ ପଢୁଛନ୍ତି । ବାପା ବୁଢା ହୋଇସାରିଛନ୍ତି ଓ ରୋଜଗାରର ମାଧ୍ୟମ କିଛି ନାହିଁ । ଏଣୁ ଦେବିକା ଏବେ ଚାକିରି ସନ୍ଧାନରେ ରହିଛନ୍ତି । ସେ କହିଛନ୍ତି କି, ସରକାରଙ୍କ ତରଫରୁ ତାଙ୍କୁ ଅନେକ ପ୍ରତିଶ୍ରୁତି ମିଳିଥିଲା ।