ଆଜିଠୁ ଦେଶରେ ତୃତୀୟ ପର୍ଯ୍ୟାୟ ଟିକାକରଣ : ଟିକା ଅଭାବରୁ ହାତ ଟେକିଦେଲେ ୧୧ ରାଜ୍ୟର ସରକାର
କେନ୍ଦ୍ର କହିଲା ଟିକା ଦେବା କ୍ଷମତା ଅନୁସାରେ କରାଯାଉଛି ବଂଟନ; ଏପଟେ ଆଇଏସବିର ରିପୋର୍ଟ ଦେଶରେ ଜୁଲାଇ ଯାଏଁ ରହିବ ଟିକା ଅଭାବ ସମସ୍ୟା
କନକ ବ୍ୟୁରୋ : ଆଜିିଠୁ ଦେଶରେ ଆରମ୍ଭ ହେବାକୁ ଯାଉଛି ତୃତୀୟ ପର୍ଯ୍ୟାୟ ଟିକାକରଣ । ହେଲେ ଟିକା ଅଭାବ ବଡ ସମସ୍ୟା ହୋଇ ରାଜ୍ୟ ସରକାରଙ୍କ ପାଖରେ ଉଭା ହୋଇଛି । ଟିକା ନଥିବାରୁ ୧୧ଟି ରାଜ୍ୟ ସରକାର ଆଜି ତୃତୀୟ ପର୍ଯ୍ୟାୟ ଟିକାକରଣ କରିହେବ ନାହିଁ ବୋଲି ସ୍ପଷ୍ଟ କରିଛନ୍ତି । ସେପଟେ ଆଇଏସବି ନୀତି ଆୟୋଗକୁ ଦେଇଥିବା ରିପୋର୍ଟରେ ଉଲ୍ଲେଖ କରିଛି, ଦେଶରେ ଜୁଲାଇ ଯାଏଁ ଟିକା ଅଭାବ ସମସ୍ୟା ଲାଗି ରହିବ ।
Kanak News is now on WhatsApp
Join and get latest news updates delivered to you via WhatsApp
ଦିଲ୍ଲୀ, ଓଡ଼ିଶା, ଉତ୍ତରାଖଣ୍ଡ, ପଶ୍ଚିମବଙ୍ଗ, ଆନ୍ଧ୍ରପ୍ରଦେଶ ଏବଂ ପଞ୍ଜାବରେ ୧୮ରୁ ୪୪ ବର୍ଷ ବୟସ୍କ ବର୍ଗର ନାଗରିକମାନଙ୍କୁ ଦିଆଯିବା ନିମନ୍ତେ ଯଥେଷ୍ଟସଂଖ୍ୟକ ଟିକା ନାହିଁ । ତେଣୁ, ଏ ମାସର ଅନ୍ୟ କୌଣିସ ତାରିଖରେ ସେମାନେ ଏହି ଅଭିଯାନ ଆରମ୍ଭ କରିବେ । ଏହାଛଡ଼ା, ବଛା ବଛା କେତୋଟି ଜିଲ୍ଲାରେ ଏହି ଟିକାକରଣ ଅଭିଯାନ ଆରମ୍ଭ କରିବେ ବୋଲି କେତେକ ରାଜ୍ୟ ମଧ୍ୟ ଘୋଷଣା କରିଛନ୍ତି ।
ସେହିଭଳି, ବୃହନ୍ମୁମ୍ବାଇ ମୁନିସ୍ପାଲ୍ କର୍ପୋରେସନ୍ କହିଛି ଯେ, ସୀମିତସଂଖ୍ୟକ ଟିକା ଥିବାରୁ ଆଜି ମାତ୍ର ୫ଟି କେନ୍ଦ୍ରରେ ଟିକାକରଣ ଅଭିଯାନ ଆରମ୍ଭ ହେବ । କେରଳରେ ମଧ୍ୟ ଆଜି ଏହି ଟିକାକରଣ ଅଭିଯାନ ଆରମ୍ଭ ନ ହେବାର ଆଶଙ୍କା ଅଛି ବୋଲି ମୁଖ୍ୟମନ୍ତ୍ରୀ ପିନରାୟି ବିଜୟନ କହିଛନ୍ତି ।