ଆଜି ମୁମ୍ବାଇରେ ଭାରତ ଚୀନ ଲଢ଼େଇ ! ମୁହାଁମୁହିଁ ହେବେ ମୁଷ୍ଟି ଯୋଦ୍ଧା ବିଜେନ୍ଦର ଓ ଜୁଲପିକର
କନକ ବ୍ୟୁରୋ: ଆଜି ମୁମ୍ବାଇରେ ଭାରତ ଓ ଚୀନ୍ ଲଢେଇ । ସୀମାରେ ଉଭୟ ଦେଶ ମଧ୍ୟରେ ତିକ୍ତତା ବୃଦ୍ଧି ପାଉଥିବା ବେଳେ ମୁମ୍ବାଇରେ ହେବ ବିଜେନ୍ଦର ଓ ଜୁଲପିକରଙ୍କ ମଧ୍ୟରେ ଲଢେଇ । ବକ୍ସି ରିଂକୁ ଚୀନର ଜୁଲପିକର ମାଇମାଇତିଆଲୀଙ୍କୁ ଟକ୍କର ଦେବାକୁ ପ୍ରସ୍ତୁତ ହୋଇଛନ୍ତି ଡବ୍ଲୁବିଓ ଏସିଆ ପାସିଫିକ ମିଡିଲ ୱେଟ ଟାଇଟଲ ବିଜେତା ବିଜେନ୍ଦର ସିଂହ ।
Kanak News is now on WhatsApp
Join and get latest news updates delivered to you via WhatsApp
ଘରୋଇ ଦର୍ଶକଙ୍କ ଉପସ୍ଥିତିରେ ମାତ୍ର ୪୫ସେକେଣ୍ଡ ଭିତରେ ଏହି ମ୍ୟାଚକୁ ଶେଷ କରିବାକୁ ଆହ୍ୱାନ ଦେଇଛନ୍ତି ୩୧ବର୍ଷୀୟ ବିଜେନ୍ଦର । ଏଥିପାଇଁ ବୁଧବାର ପ୍ରଶିକ୍ଷକ ଲି ବିଅର୍ଡଙ୍କ ତତ୍ତ୍ୱାବଧାନରେ ଜୋରଦାର ଅଭ୍ୟାସ କରିଛନ୍ତି । ବିଜେନ୍ଦରଙ୍କ ପ୍ରତିଦ୍ୱନ୍ଦୀ ୨୨ବର୍ଷୀୟ ଜୁଲପିକର ଡବ୍ଲୁବିଓ ଓରିଏଂଟାଲ ସୁପରୱେଟ ମିଡିଲୱେଟ ଟ୍ରଫି ବିଜେତା ହୋଇଥିବାରୁ ଏହି ମ୍ୟାଚ ବେଶ ସଂଘଷପୂର୍ଣ୍ଣ ହେବ ବୋଲି ଆଶା କରାଯାଉଛି ।