କନକ ବ୍ୟୁରୋ: କଟକର ଏକ ମେଡିସିନ ଷ୍ଟୋରରୁ ନକଲି କରୋନା ଔଷଧ ଜବତ ଘଟଣାର ମୁମ୍ବାଇ ଲିଙ୍କ ରହିଛି କି ? ଏହି ଘଟଣାର ଅଧିକ ତଦନ୍ତ ପାଇଁ କ୍ରାଇମବ୍ରାଞ୍ଚର ଏସଟିଏଫ ଟିମ୍ ମୁମ୍ବାଇ ଯାଇଛି । ମୁମ୍ବାଇର ମାକ୍ସ ରିଲିଫ ସଂସ୍ଥା ବାବଦରେ ଅଧିକ ଖୋଳତାଡ କରିବ ଏସଟିଏଫ । କଟକରୁ ଜବତ ହୋଇଥିବା ନକଲି ଫାଭିଫିରାଭିର ଔଷଧ ଓ ଥଣ୍ଡା ଜ୍ୱରର ନକଲି ଔଷଧ ଏହି ସଂସ୍ଥାରୁ ଆସିଥିବା ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ନକଲି ମେଡିସିନ କାରବାର ଘଟଣାରେ ମୁ୍ମ୍ବାଇରେ ଥିବା ମାକ୍ସ ରିଲିଫ ସଂସ୍ଥାର ମୁଖ୍ୟ ଗିରଫ ହୋଇଥିବା ସୂଚନା ମିଳିଛି । ଓଡିଶାରୁ ଯାଇଥିବା ଏସଟିଏଫ ଟିମ୍ ତାଙ୍କୁ ନକଲି ଔଷଧ କାରବାର ବାବଦରେ ପଚରାଉଚରା କରିବେ ବୋଲି ଜଣାପଡିଛି । ଗତ କିଛି ଦିନ ତଳେ କଟକରୁ ବିପୁଳ ପରିମାଣରେ ନକଲି ଔଷଧ ଜବତ ହୋଇଥିଲା । ଏହାପରେ ଏହି ଘଟଣାକୁ ନେଇ ସାରା ରାଜ୍ୟରେ ଚର୍ଚ୍ଚା ସୃଷ୍ଟି ହୋଇଥିଲା । ଏହାପରେ ସ୍ୱାସ୍ଥ୍ୟ ବିଭାଗ ଏହାର ତଦନ୍ତ ପାଇଁ ତୁରନ୍ତ ନିର୍ଦ୍ଦେଶ ଦେଇଥିଲେ । ପରେ ପରେ ମୁଖ୍ୟମନ୍ତ୍ରୀ ଏହି ଘଟଣାର କ୍ରାଇମବ୍ରାଞ୍ଚ ତଦନ୍ତ ନିର୍ଦ୍ଦେଶ ଦେଇଥିଲେ । କ୍ରାଇମବ୍ରାଞ୍ଚର ଏକ ସ୍ପେଶାଲ ଟିମ୍ ଏବେ ଏହି ନକଲି ଔଷଧ ଘଟଣାର ତଦନ୍ତ କରୁଛି ।
କଟକରୁ ନକଲି କରୋନା ଔଷଧ ଜବତ ପ୍ରସଙ୍ଗ । ଅଧିକ ତଦନ୍ତ ପାଇଁ ମୁମ୍ବାଇ ଗଲା କ୍ରାଇମବ୍ରାଞ୍ଚ ଟିମ । ସେଠାରେ ମାକ୍ସ ରିଲିଫ ସଂସ୍ଥାର ଅଧିକ ଖୋଳତାଡ କରିବ ଏସଟିଏଫ୍ । କଟକରୁ ଜବତ ନକଲି ଔଷଧ ଏହି ସଂସ୍ଥାରୁ ଆଣିଥିବା ସୂଚନା । ମୁମ୍ବାଇରେ ମାକ୍ସ ରିଲିଫ ସଂସ୍ଥାର ମୁଖ୍ୟ ଗିରଫ ହୋଇଥିବା ସୂଚନା । #KanakNews pic.twitter.com/PKreyPUYd1
— Kanak News (@kanak_news) June 18, 2021