ଏସଟିଏଫ ପଂଝାରେ ବାଘଛାଲ ବେପାରୀ । ୨ ଜଣଙ୍କୁ ଗିରଫ ପରେ କୋର୍ଟ ଚାଲାଣ କଲା ସ୍ପେଶାଲ ଟାସ୍କ ଫୋର୍ସ । ୨ଟି କଲରାପତରିଆ ବାଘ ଛାଲ ଜବତ ।

କନକ ବ୍ୟୁରୋ: ଏସଟିଏଫ ପଂଝାରେ ବାଘଛାଲ ବେପାରୀ । ବାଘ ଛାଲ ଚାଲାଣବେଳେ ୨ଜଣଙ୍କୁ ଗିରଫ କରିଛି ସ୍ପେଶାଲ ଟାସ୍କ ଫୋର୍ସ । ଗିରଫ ୨ ଅଭିଯୁକ୍ତ ହେଲେ ବିକ୍ରମ ମାଝୀ ଓ ରାଜା ମାଝୀ । ସେମାନଙ୍କ ନିକଟରୁ ୨ଟି କଲରା ପତରିଆ ବାଘ ଛାଲ ଜବତ ହୋଇଛି । ଜବତ ବାଘ ଛାଲକୁ ବାୟୋଲଜିକାଲ ଟେଷ୍ଟ ପାଇଁ ଡେରାଡୁନ୍ ପଠାଯିବ ବୋଲି ସୂଚନା ମିଳିଛି ।

ଏସ୍ଟିଏଫ୍ କେସ୍ ନମ୍ବର ୨୭, ଦଫା ୩୭୯, ୪୧୧, ୧୨୦ବି ସହ ବନ୍ୟଜନ୍ତୁ ସଂରକ୍ଷଣ ଆଇନ ଆଧାରରେ ମାମଲା ରୁଜୁ କରିଛି । ରାୟଗଡା ଏସଡିଜେମ୍ କୋର୍ଟରେ ଅଭିଯୁକ୍ତଙ୍କୁ ହାଜର କରାଯିବ ବୋଲି ସୂଚନା ରହିଛି । ଆଗକୁ ପଶୁ ଶିକାର ନେଇ ଜିରୋ ଟଲରାନ୍ସ ନୀତି ଅବଲମ୍ବନ କରିବ ଏସଟିଏଫ । ଆବଶ୍ୟକ ପଡିଲେ ଅଭିଯୁକ୍ତଙ୍କୁ ରିମାଣ୍ଡରେ ଆଣି ପଚରା ଉଚୁରା କରାଯିବ ବୋଲି ଏସଟିଏଫ୍ ପକ୍ଷରୁ କୁହାଯାଇଛି ।