କନକ ବ୍ୟୁରୋ: ଖରାଦିନେ ସାଧାରଣତଃ ଝାଳ ବୋହି ଶରୀରରୁ ଦୁର୍ଗନ୍ଧ ବାହାରିଥାଏ । ଏଥିପାଇଁ ମହିଳାମାନଙ୍କ ସୌନ୍ଦର୍ଯ୍ୟ ମଧ୍ୟ ଫିକା ପଡିଯାଏ । ତେବେ ବିଭିନ୍ନ ଘରୋଇ ଉପାୟରେ ଝାଳର ଗନ୍ଧ ଦୂରକରି କିଭଳି ଫ୍ରେଶ୍ ଅନୁଭବ କରିବେ ଜାଣନ୍ତୁ… ।
Kanak News is now on WhatsApp
Join and get latest news updates delivered to you via WhatsApp
ଆଳୁକୁ ପତଳା ପତଳା କରି କାଟି କିଛି ସମୟ ପର୍ଯ୍ୟନ୍ତ ଅଣ୍ଡରଆର୍ମ କିମ୍ବା ଅଧିକ ଝାଳ ହେଉଥିବା ସ୍ଥାନରେ ଘଷନ୍ତୁ । ଏହାପରେ ଧୋଇ ଦିଅନ୍ତୁ । ଝାଳର ଗନ୍ଧ କମ୍ ହୋଇଯିବ ।
ଟମାଟୋ ରସରେ କିଛି ଲେମ୍ବୁରସ ମିଶାଇ ଝାଳ ବାହାରୁଥିବା ସ୍ଥାନରେ ଲଗାଇଲେ ଗନ୍ଧ ଦୂର ହୋଇଯାଏ ।
ନଡିଆତେଲକୁ ୧୫ ମିନିଟ ପର୍ଯ୍ୟନ୍ତ ଭଲଭାବେ ମସାଜ କରନ୍ତୁ । ଏହାପରେ ପାଣିରେ ଧୋଇଦିଅନ୍ତୁ ।
ଝାଳର ଗନ୍ଧ ଦୂରକରିବା ପାଇଁ ଆଲୋଭେରା ଜେଲକୁ ଅଣ୍ଡରଆର୍ମ ସହିତ ଝାଳ ହେଉଥିବା ସ୍ଥାନରେ ଲଗାଇ ଅଧଘଣ୍ଟା ପର୍ଯ୍ୟନ୍ତ ଛାଡି ଦିଅନ୍ତୁ । ଏହାପରେ ଧୋଇଦିଅନ୍ତୁ ।
ବେକିଂ ସୋଡାରେ ଲେମ୍ବୁରସ ମିଶାଇ ଏକ ପେଷ୍ଟ ତିଆରି କରନ୍ତୁ । ଏହି ପେଷ୍ଟକୁ ଲଗାଇ ୧୦ ମିନିଟ ପର୍ଯ୍ୟନ୍ତ ଛାଡିଦିଅନ୍ତୁ । ଝାଳ ଗନ୍ଧ ଦୂର ହୋଇଯିବ ।
ଆପଲ ସିଡାର ଭିନେଗାରକୁ ପାଣିରେ ମିଶାଇ ଏହି ମିଶ୍ରଣକୁ ଗନ୍ଧ ବାହାରୁଥିବା ସ୍ଥାନରୁ ମସାଜ କରନ୍ତୁ । ଦେଖିବେ ଲଗାତାର ଏପରି କରିବା ଦ୍ୱାରା ଆପଣଙ୍କୁ ଲାଭ ମିଳିବ ।
ଦିନକୁ ୨ଥର ଆଣ୍ଡିବ୍ୟାକ୍ଟେରିଆଲ ସାବୁନ ଲଗାଇ ସ୍ନାନ କରନ୍ତୁ । ତ୍ୱଚାରେ ଥିବା ବ୍ୟାକ୍ଟେରିଆ ନଷ୍ଟ ହୋଇ ଝାଳ ଗନ୍ଧ କମ୍ ହୋଇଥାଏ । ଖରାଦିନେ ସୂତା ଭଳି ନରମ କପଡାର ପୋଷାକ ପିନ୍ଧନ୍ତୁ । ଫଳରେ ଝାଳ କପଡାରେ ଲାଗି ଶୀଘ୍ର ଶୁଖିଯିବ ଏବଂ ଗନ୍ଧ କମ୍ ହେବ ।
ଖରାଦିନେ ମସଲାଯୁକ୍ତ ଖାଦ୍ୟ, ଚିନି, ଆଲକହଲ କିମ୍ବା ସିଗାରେଟ ନିଅନ୍ତୁ ନାହିଁ । ଏସବୁ ଖାଦ୍ୟ ଶରୀରରେ ଦୁର୍ଗନ୍ଧ ସୃଷ୍ଟି କରିଥାଏ । ତୁଳସୀ ଓ ନିମ୍ବପତ୍ରକୁ ବାଟି ସେଥିରେ ପେଷ୍ଟ ତିଆରି କରନ୍ତୁ । ଖରାଦିନେ ଏହି ପେଷ୍ଟକୁ ଗାଧୋଇବା ପୂର୍ବରୁଲଗାଇ ଶୁଖିବା ପରେ ସ୍ନାନ କରନ୍ତୁ ।