କନକ ବ୍ୟୁରୋ : ବିଧାନସଭାର ଷ୍ଟାଣ୍ଡିଙ୍ଗ କମିଟିର ସଦସ୍ୟ ଦେଖିଲେ ଓଡ଼ିଶା ଅଗ୍ନିଶମ ବିଭାଗର କୌଶଳ । ଅଭିନଵ ଭାବରେ K9 ଡ଼ଗ ସ୍କ୍ବାର୍ଡ  ଷ୍ଟାଣ୍ଡିଙ୍ଗ କମିଟି ସଦସ୍ୟଙ୍କୁ ସ୍ବାଗତ କରିଥିଲେ । ଯେକୌଣସି ଆପତ୍କାଳୀନ ପରିସ୍ଥିତିରେ ଓଡିଶା ଅଗ୍ନିଶମ ବାହିନୀ କିଭଳି ବିପତିର ମୁକାବିଲା କରୁଛି,  ତାହାର ଲାଇଭ  ଚିତ୍ର ଦେଖିଛନ୍ତି କମିଟି ସଦସ୍ୟ ।  ରେସକ୍ୟୁ ଟେଣ୍ଡର, ମିଷ୍ଟ ବାଇକ,  ଫାୟାର ଏଣ୍ଟ୍ରି ସୁଟ ଡେମୋ, ୱାଟର କେନନ ଡେମୋ, ଫାୟାର  ଫାଇଟିଙ୍ଗ  ରୋବୋଟିକ ମୋନିଟର, ପ୍ଲାଜମା କଟର, ସ୍କୁବା ଡେମୋ, ବାଇକ ପିରାମିଡ଼ ଭଳି ୧୨ଟି ଅତ୍ୟାଧୁନିକ  ଜ୍ଞାନକୌଶଳ ପ୍ରଦର୍ଶନ କରିଥିଲେ ଅଗ୍ନିଶମ ବିଭାଗର କର୍ମଚାରୀ । ନୂଆ ସରକାର ଆସିବା ପରେ ବିଭାଗର ଆବଶ୍ୟକତାକୁ ଦୃଷ୍ଟିରେ ରଖି ୯୨୫ ନବ ନିଯୁକ୍ତି ଦିଆଯିବା ସହ ୬୦୦ ଜଣ ଅଧିକାରୀଙ୍କ ପଦୋନ୍ନତି ହୋଇଛି । 

Advertisment

ଅଗ୍ନିଶମ ବାହିନୀରକୁ ସ୍ବତନ୍ତ୍ର ଡ୍ରେସ୍ ଦିଆଯାଇଛି । ଅତ୍ୟାଧୁନିକ ସାମଗ୍ରୀ କିଣାଯାଇଛି । ଏହି ପରିଦର୍ଶନ ସମୟରେ କାର୍ଯ୍ୟାଳୟ ପରିସରରେ ବୃକ୍ଷରୋପଣ କରିଛନ୍ତି ଷ୍ଟାଣ୍ଡିଙ୍ଗ କମିଟିର ସଦସ୍ୟ । ଷ୍ଟାଣ୍ଡିଙ୍ଗ କମିଟିର ଅଧକ୍ଷ ସିଦ୍ଧାନ୍ତ ମହାପାତ୍ର, ଇରାଶିଷ ଆଚାର୍ଯ୍ୟ, ଅଶ୍ୱିନୀ ପାତ୍ର, ଆଶ୍ରିତ ପଟ୍ଟନାୟକ, ଟଙ୍କଧର ତ୍ରିପାଠୀ, ଅଗ୍ନିଶମ ବିଭାଗ ଡିଜି ସୁଧାଂଶୁ ଷଡ଼ଙ୍ଗୀ ପ୍ରମୁଖ କାର୍ଯ୍ୟକ୍ରମରେ ଉପସ୍ଥିତ ରହିଥିଲେ ।