ମାତୃତ୍ୱ ଛୁଟି ସମସ୍ୟା ନେଇ ଦ୍ବନ୍ଦ୍ବ ଦୂର କଲେ ସରକାର : ୧୮୦ ଦିନର ଛୁଟି ପାଇଁ ସ୍ଥିରୀକୃତ ହେଲା ନିର୍ଦ୍ଦିଷ୍ଟ ନିୟମ

କନକବ୍ୟୁରୋ : ଦୂର ହେଲା ମହିଳା ସରକାରୀ କର୍ମଚାରୀଙ୍କ ମାତୃତ୍ବ ଛୁଟି ଦ୍ବନ୍ଦ୍ବ । ମହିଳା ସରକାରୀ କର୍ମଚାରୀଙ୍କ ମାତୃତ୍ବ ଛୁଟି ୧୮୦ ଦିନ ନିୟମ ସ୍ଥିରିକୃତ ହୋଇଛି । ସମ୍ଭାବ୍ୟ ପ୍ରସବ ତାରିଖର ତିନି ମାସ ପୂର୍ବରୁ କିମ୍ବା ପ୍ରସବ ତାରିଖ ର ଛଅ ମାସ ମଧ୍ୟରେ ୧୮୦ ଦିନର ମାତୃତ୍ବ ଛୁଟି ନେଇପାରିବେ ମହିଳା ସରକାରୀ କର୍ମଚାରୀ ।

ମାତୃତ୍ବ ଛୁଟିର ଅବଶିଷ୍ଟ ଅବଧି ନିରବଚ୍ଛିନ୍ନ ଭାବେ ନେଇପାରିବେ ସରକାରୀ ମହିଳା କର୍ମଚାରୀ । ଜଣେ ମହିଳା ସରକାରୀ କର୍ମଚାରୀ ତାଙ୍କର ମାତୃତ୍ବ ଛୁଟି ଏକକାଳୀନ ନିରବଚ୍ଛିନ୍ନ ଭାବେ ବା ବିଭିନ୍ନ ପର୍ଯ୍ୟାୟରେ ନେଇପାରିବେ । ଶିଶୁ ପ୍ରସବ ଯେ କୌଣସି ସ୍ବୀକୃତିପ୍ରାପ୍ତ ଚିକିତ୍ସାଳୟରେ ହେବା ଆବଶ୍ୟକ ବୋଲି ମୁଖ୍ୟମନ୍ତ୍ରୀ କାର୍ଯ୍ୟାଳୟ ପକ୍ଷରୁ ଜାରି ହୋଇଛି ।