କନକ ବ୍ୟୁରୋ: ବୁଲାକୁକୁର ପ୍ରସଙ୍ଗ ସଡ଼କରୁ ଗଲା ସୁପ୍ରିମକୋର୍ଟ । ଶେଷରେ ସୁପ୍ରିମକୋର୍ଟ ବି କୁକୁରଙ୍କ ସପକ୍ଷରେ ବାହାରିଲେ । ହେଲେ ବ୍ରହ୍ମପୁରରେ କୁକୁରଙ୍କ ଉପରେ ଅତ୍ୟାଚାର ସୀମା ଟପିଛି । କଥା କହିପାରୁନଥିବା ପ୍ରାଣୀଟି ପାଖରେ ଯେମିତି ମରି ଯାଇଛି ମଣିଷ ପଣିଆ । ବ୍ରହ୍ମପୁର ସହରର ଗାନ୍ଧୀ ନଗରରେ ରହିଛି ସ୍ପେକ୍ଟ୍ରମ ହାଇଟ୍ସ ଆପାର୍ଟମେଣ୍ଟ । ଏଠି ଲିଫ୍ଟରେ କୁକୁର ନେବା ମନା । ପଞ୍ଚମ ମହଲାରେ ରହୁଥିବା ବବିତା ପାତ୍ରଙ୍କୁ ପୋଷା କୁକୁରକୁ ଲିଫ୍ଟରେ ନେବାକୁ ମନା କରାଯାଇଛି । ଲିଫ୍ଟରେ ପେଟ୍‌ ନଟ୍‌ ଆଲାଉଡ୍ ଲେଖିଛନ୍ତି ଆପାର୍ଟମେଣ୍ଟ ୱେଲଫେୟାର ସୋସାଇଟି । କେବଳ ବବିତା ନୁହନ୍ତି ବରଂ କାହାରି ପୋଷା ପ୍ରାଣୀ ଲିଫ୍ଟରେ ଯାଇପାରିବନି ବୋଲି ନୋଟିସ୍‌ ଲଗାଯାଇଛି । ବବିତା ଏସମ୍ପର୍କରେ ଜିଲ୍ଲାପାଳଙ୍କ ପାଖରେ ଅଭିଯୋଗ କରିବା ପରେ ବ୍ରହ୍ମପୁର ମହାନଗର ନିଗମ ଡେପୁଟି କମିସନର, ପିପୁଲସ ଫର ଆନିମଲ ଓ ପ୍ରାଣୀ ଚିକିତ୍ସା ବିଭାଗ ଆପାର୍ଟମେଣ୍ଟରେ ପହଞ୍ଚି ସୋସାଇଟି ସହ ଆଲୋଚନା କରିଥିଲେ । ତଥାପି କୁକୁରକୁ ଲିଫ୍ଟରେ ଯିବାକୁ ଅନୁମତି ମିଳିଲା ନାହିଁ । ତେଣୁ ବବିତାଙ୍କ ପରିବାର ବାଧ୍ୟ ହୋଇ ସେଠାରୁ ଘର ଛାଡ଼ି ଅନ୍ୟତ୍ର ଯିବାକୁ ନିଷ୍ପତ୍ତି ନେଇଛନ୍ତି ।

Advertisment

ବ୍ରହ୍ମପୁର ସହରର ଗାନ୍ଧୀ ନଗରର ଘଟଣା
ଲିଫ୍ଟରେ ଯାଇପାରିବନି ପୋଷା କୁକୁର
ନୋଟିସ୍ ମାରିଲା ଆପାର୍ଟମେଣ୍ଟ ୱେଲଫେୟାର ସୋସାଇଟି
ପୋଷା ପ୍ରାଣୀ ଲିଫ୍ଟରେ ଯାଇପାରିବେ ନାହିଁ
ଜିଲ୍ଲାପାଳଙ୍କ ଦ୍ୱାରସ୍ଥ ହେଲେ ଗୃହକର୍ତ୍ତା
ଆପାର୍ଟମେଣ୍ଟରେ ଆଲୋଚନା କଲେ ପ୍ରାଶାସନିକ ଅଧିକାରୀ
ତଥାପି ବାହାରିଲା ନାହିଁ ନିଷ୍କର୍ସ
କୁକୁରକୁ ଲିଫ୍ଟରେ ଯିବାକୁ ମିଳିବନି ଅନୁମତି
ଘର ଛାଡ଼ି ଅନ୍ୟତ୍ର ଯିବାକୁ ନିଷ୍ପତ୍ତି ନେଲେ କୁକୁର ରଖିଥିବା ପରିବାର