କନକବ୍ୟୁରୋ  : ରାସ୍ତା କାମ ଚାଲିଛି । ଏପଟେ ଯିବା ଆସିବା ମନା  ।  କାମ ଚାଲିଛି ଯେ ଚାଲିଛି  ।  ଶୀତ ଦିନରୁ ଆରମ୍ଭ ହୋଇଥିବା କାମ ଏଯାଏଁ ସରୁନି ।  ତାହା ପୁଣି ସାଧାରଣ କଲଭର୍ଟ ଟିଏ  ।   ସୋନପୁର ପୌର ପରିଷଦର ମୁଖ୍ୟ ରାସ୍ତା ତଥା ବଡ଼ବଜାର ଅଞ୍ଚଳ ।  ଏହି ରାସ୍ତା ଉପରେ ନିର୍ଭର କରନ୍ତି ସହରର ୮୦ ଭାଗ ଲୋକ  ।  କଲଭର୍ଟ ନିର୍ମାଣ ଯୋଗୁଁ ଯାତାୟାତ ଠପ୍ , ବେପାର ମାନ୍ଦା  ।   କଲଭର୍ଟ ନିର୍ମାଣ ଦାୟିତ୍ୱରେ ଥିବା ଠିକାଦାରଙ୍କୁ କହିଲେ ସେ ଓଲଟା ମାଡ଼ ମାରିଥିବା ଅଭିଯୋଗ ହୋଇଛି  ।

Advertisment

ଠିକାଦାର ମାଡ଼ ମାରିବା ପ୍ରତିବାଦରେ ପୌର କାର୍ଯ୍ୟାଳୟକୁ ତାଲା ମାରିବା ସହ ବିକ୍ଷୋଭ ପ୍ରଦର୍ଶନ କରିଛନ୍ତି ସହରବାସୀ  ।   ତୁରନ୍ତ କଲଭର୍ଟ କାମ ସରିବା ସହ ସଂପୃକ୍ତ ଠିକାଦାରଙ୍କୁ କଳା ତାଲିକା ଭୁକ୍ତ କରିବାକୁ ଦାବି ହୋଇଛି  ।   ନଚେତ ଆଗାମୀ ଦିନରେ ବ୍ୟାପକ ଆନ୍ଦୋଳନ ହେବ ବୋଲି ଚେତାବନୀ ଦେଇଛନ୍ତି  ।   ଅନ୍ୟପଟେ ଠିକାଦାରଙ୍କ ବ୍ୟକ୍ତିଗତ ସମସ୍ୟା ଯୋଗୁଁ କାମ ଅଟକି ଥିଲା, ଖୁବ୍‌ଶୀଘ୍ର ସରିବ ବୋଲି କହିଛନ୍ତି ନିର୍ବାହୀ ଅଧିକାରୀ ।  କେବଳ ଏହି ରାସ୍ତା ନୁହେଁ ଆହୁରି ଅନେକ ରାସ୍ତାରେ କାମ ଧିମା ଚାଲୁଥିବାରୁ ଲୋକେ ବହୁ ଅସୁବିଧା ଭୋଗୁଛନ୍ତି । ଠିକ୍ ଭାବରେ କାମ କରୁ ନାହାନ୍ତି ଠିକାଦାର । ମାସ ଧରି କାମ ପଡି ରହିବାରୁ ଅସୁବିଧା ହେଉଛି । ଏହାର ତୁରନ୍ତ ସମାଧାନ କରିବା ଜରୁରୀ ।