ଆଜି ‘ସମ୍ବାଦ ସାହିତ୍ୟଘର’ର ରାଜ୍ୟ ସମ୍ମିଳନୀ ! ଚଳିତ ବର୍ଷର ଆଲୋଚ୍ୟ ପ୍ରସଙ୍ଗ ‘ଶିଶୁ ସାହିତ୍ୟ’
କନକ ବ୍ୟୁରୋ: ଆଜି ଭୁବନେଶ୍ୱରରେ ସମ୍ବାଦ ‘ସାହିତ୍ୟଘର’ର ପଂଚମ ରାଜ୍ୟସ୍ତରୀୟ ସମାବେଶ ଅନୁଷ୍ଠିତ ହେଉଛି । ଜୟଦେବ ବିହାର ସ୍ଥିତ ସ୍ୱସ୍ତୀ ପ୍ରିମିୟମ ପ୍ରେକ୍ଷାଳୟରେ ଚାଲିଥିବା ଏହି ସମାବେଶରେ ବିଶିଷ୍ଟ ଅତିଥୀ ଭାବେ ଜ୍ଞାନପୀଠ ବିଜେତା ସୀତାକାନ୍ତ ମହାପାତ୍ର ଓ ଔପନ୍ୟାସିକା ପ୍ରତିଭା ରାୟ ସାମିଲ ହୋଇଛନ୍ତି । ଦ୍ୱିତୀୟ ଅଧିବେଶନରେ ଓଡିଆ ଭାଷା ଓ ଶିଶୁ ସାହିତ୍ୟର ପ୍ରସାର ସଂପର୍କରେ ଏକ ଆଲୋଚନା ଚକ୍ର ଅନୁଷ୍ଠିତ ହେବ । ଅନ୍ତିମ ପର୍ବରେ କବିତା ପାଠୋତ୍ସବ ହେବ । ଏହି ଅବସରରେ ସମ୍ବାଦ ସାହିତ୍ୟଘରର ସାରା ବର୍ଷର କାର୍ଯ୍ୟଧାରାକୁ ନେଇ ଏକ ବୃତଚିତ୍ର ପ୍ରଦର୍ଶନ କରାଯିବ ।
Kanak News is now on WhatsApp
Join and get latest news updates delivered to you via WhatsApp
ଶିଶୁ ସାହିତ୍ୟର ବିଭିନ୍ନ ଦିଗକୁ ନେଇ ସ୍ୱତନ୍ତ୍ର ବୁଲେଟିନ୍ ମଧ୍ୟ ଉନ୍ମୋଚିତ ହେବ। ଏତଦବ୍ୟତୀତ ଉତ୍ସବସ୍ଥଳରେ ‘ଆମ ଓଡ଼ିଶା’ ପ୍ରକାଶନୀ ପକ୍ଷରୁ ଏକ ପୁସ୍ତକ ପ୍ରଦର୍ଶନୀ ଆୟୋଜିତ ହୋଇଛି । ଯେଉଁ ବନ୍ଧୁମାନେ ପୁସ୍ତକ ଉନ୍ମୋଚନ କରିବାକୁ ଚାହାନ୍ତି ସେମାନେ ପୂର୍ବରୁ ଜଣାଇ ଦେବାକୁ ଅନୁରୋଧ କରାଯାଇଛି । ସମ୍ମିଳନୀରେ ଓଡ଼ିଶା, ଝାଡ଼ଖଣ୍ଡ, ପଶ୍ଚିମବଙ୍ଗରେ ଗଠିତ ହୋଇଥିବା ୩୧୬ଟି ସାହିତ୍ୟଘର ଶାଖାମାନଙ୍କରୁ ଦୁଇଜଣ ଲେଖାଏଁ ନିମନ୍ତ୍ରିତ ସଦସ୍ୟ ଯୋଗଦେବାର କାର୍ଯ୍ୟକ୍ରମ ରହିଛି।