କରୋନା ମୁକାବିଲା ପାଇଁ ପ୍ରସ୍ତୁତ ରହିବାକୁ ସବୁ ରାଜ୍ୟକୁ ନିର୍ଦ୍ଦେଶ । ଅନ୍ୟପଟେ ଭୟ ନକରିବାକୁ କହିଲେ ରାଜ୍ୟ ସ୍ୱାସ୍ଥ୍ୟ ନିର୍ଦ୍ଦେଶକ
କନକ ବ୍ୟୁରୋ: ଗୋଟେପଟେ ଦେଶରେ ପୁଣିଥରେ ମୁଣ୍ଡ ଟେକିଥିବା କରୋନାର ମୁକାବିଲା ପାଇଁ କଟକଣାକୁ କେନ୍ଦ୍ର କଡାକଡି କରିଥିବାବେଳେ ଏ ନେଇ ପ୍ରସ୍ତୁତ ରହିବାକୁ ସବୁ ରାଜ୍ୟକୁ ସୂଚନା ଦେଇଛନ୍ତି । ହସ୍ପିଟାଲରେ ଆବଶ୍ୟକ ବେଡ୍ ସହ ଯଥେଷ୍ଟ ଅକ୍ସିଜେନ ଓ ଭେଂଟିଲେଟର ପ୍ରସ୍ତୁତ ରଖିବାକୁ ନିର୍ଦ୍ଦେଶ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଭୟ କରିବାର କିଛି କାରଣ ନାହିଁ ବୋଲି କହିଛନ୍ତି ରାଜ୍ୟ ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର । ତେବେ ଯଦିଓ କରୋନାର ନୂଆ ଭ୍ୟାରିଏଣ୍ଟର ମ୍ୟୁଟିଲେସନ୍ ଅଧିକ ରହିଛି କିନ୍ତୁ ଏହା ଘାତକ ନୁହେଁ । ତେଣୁ ଆତଙ୍କ ଖେଳାଇବା ଭଳି କୌଣସି କଥାକୁ ପ୍ରଚାର ନରିବାକୁ ସେ ଅନୁରୋଧ କରିଛନ୍ତି । ଓଡିଶାରେ ୪ଟି ଲହରରେ ଆମ ରୋଗ ପ୍ରତିରୋଧକ ଶକ୍ତି ଅଧିକ ଅଛି । ତେଣୁ ଏଫବି .୭ର ମଧ୍ୟ ଫାଟାଲିଟି ଓ ମୋଟାଲିଟି ବିଶେଷ ନାହିଁ । ଏହା ଅଧିକ ସଂକ୍ରମିତ ମଧ୍ୟ ହୋଇପାରିବ ନାହିଁ । ଯଦି କିଛି ଲକ୍ଷଣ ଅଛି ବୋଲି ଅନୁଭବ କରୁଛନ୍ତି ତାହାଲେ ଟେଷ୍ଟ କରିବାକୁ କହିଛନ୍ତି ସ୍ୱାସ୍ଥ୍ୟ ନିର୍ଦ୍ଦେଶକ ।