ଘରୋଇ ନର୍ସିଂ ହୋମ ପରି ଚମକିବ ସରକାରୀ ଡାକ୍ତରଖାନା । ପ୍ରତିଦିନ ରୋଗୀଙ୍କୁ ମିଳିବ ବେଡସିଟ୍
ମାଲକାନଗିରି ମୁଖ୍ୟ ଡାକ୍ତରଖାନାରେ ଆରମ୍ଭ ହେଲା ସେବା
କନକ ବ୍ୟୁରୋ: ଏଣିକି ଘରୋଇ ନର୍ସିଂ ହୋମ ପରି ଚମକିବ ସରକାରୀ ଡାକ୍ତରଖାନା । କାରଣ ପ୍ରତିଦିନ ରୋଗୀଙ୍କୁ ମିଳିବ ବେଡସିଟ । ଏଥିପାଇଁ ପ୍ରତି ଦିନ ଭିନ୍ନ ଭିନ୍ନ ରଙ୍ଗର ବେଡ ସିଟ ଯୋଗାଇବା ବ୍ୟବସ୍ଥା ଆରମ୍ଭ କରିଛନ୍ତି ରାଜ୍ୟ ସରକାର । ଏହି କ୍ରମରେ ମାଲାକନଗିରି ଜିଲ୍ଲା ମୁଖ୍ୟ ଡାକ୍ତରଖାନାରେ ଆରମ୍ଭ ହୋଇଛି ଏହି ନୂତନ ବେଡ ସିଟ ବ୍ୟବସ୍ଥା ।
Kanak News is now on WhatsApp
Join and get latest news updates delivered to you via WhatsApp
ମେନ୍ୟୁ ଅନୁଯାୟୀ, ପ୍ରତି ଦିନ ସଫା ବେଡ ସିଟ ପଡିବା ଲାଗି ଡାକ୍ତରଖାନା ପରିସରରେ ଏକ ସ୍ୱତନ୍ତ୍ର ଲଣ୍ଡ୍ରୀ ସ୍ଥାପନ କରିଛି ମାଲକାନଗିରି ଜିଲ୍ଲା ପ୍ରଶାସନ । ମୋ ସରକାର ଯୋଜନା କାର୍ଯ୍ୟକାରୀ ହେବା ପରେ ଏ ହେଉଛି ମାଲକାନଗିରି ଜିଲ୍ଲା ମୁଖ୍ୟ ଚିକିତ୍ସାଳୟର ଚିତ୍ର । ଆଉ ଅପରିଷ୍କାର ଓ ଅସ୍ୱାସ୍ଥ୍ୟକର ବେଡସିଟ ବ୍ୟବହାର କରିବେନି ମାଲକାନଗିରି ଜିଲ୍ଲା ମୁଖ୍ୟ ଚିକିତ୍ସାଳୟର ରୋଗୀ । ପ୍ରତି ଦିନ ସକାଳେ ପୁରୁଣା ବେଡ ସିଟ ବଦଳା ଯାଇ ନୂତନ ଓ ସଫା ବେଡସିଟ ପକାଯିବ ।
ରାଜ୍ୟର ସମସ୍ତ ଜିଲ୍ଲ ମୁଖ୍ୟ ଚିକିତ୍ସାଳୟରେ ଏହି ସେବା ଆରମ୍ଭ ହେବାକୁ ଥିବା ବେଳେ ଗତ ନଭେମ୍ବର ପହିଲାରୁ ମାଲକାନଗିରି ଜିଲ୍ଲା ମୁଖ୍ୟ ଡାକ୍ତରଖାନା ରେ ଏହି ସେବା ଆରମ୍ଭ ହୋଇଛି । ଏଥିପାଇଁ ପ୍ରଥମ ପର୍ଯ୍ୟାୟରେ ୩୦୦ ଲେଖାଏଁ ବେଡ ସିଟ କିଣାଯାଇଥିବାବେଳେ ଡାକ୍ତରଖାନା ପରିସରରେ ହିଁ ଏକ ଅତ୍ୟାଧୁନିକ ଲଣ୍ଡ୍ରୀ ମଧ୍ୟ ସ୍ଥାପନ କରା ଯାଇଛି । ଉତମ ସେବା ଯୋଗାଇବା ଲାଗି ଏକ ଘରୋଇ କମ୍ପାନୀକୁ ଦାୟୀତ୍ୱ ମଧ୍ୟ ଦିଆ ଯାଇଛି ।