ଚିଟଫଣ୍ଡ ଠକେଇରେ ମୁଖ୍ୟ ଅଭିଯୁକ୍ତ ନିଜେ ରାଜ୍ୟ ସରକାର, ତଦନ୍ତ ନାଁରେ ପ୍ରମାଣ ନଷ୍ଟ କରିଛନ୍ତି ସରକାର: ପୃଥ୍ୱୀରାଜ ହରିଚନ୍ଦନ
କନକ ବ୍ୟୁରୋ: ରାଜ୍ୟରେ ହୋଇଥିବା ଚିଟଫଣ୍ଡ ଠକେଇକୁ ନେଇ ସାଂଘାତିକ ଅଭିଯୋଗ ଆଣିଛନ୍ତି ବିଜେପି ନେତା ପୃଥ୍ୱୀରାଜ ହରିଚନ୍ଦନ । ସେ କହିଛନ୍ତି ଚିଟଫଣ୍ଡ ଠକେଇରେ ମୁଖ୍ୟ ଅଭିଯୁକ୍ତ ହେଉଛନ୍ତି ରାଜ୍ୟ ସରକାର । ସେଥିପାଇଁ ଆଜି ନିଜେ ସରକାର କାଠଗଡାରେ ଛିଡା ହୋଇଛନ୍ତି । ପ୍ରଥମ ଛଅ ମାସ କାଳ ତଦନ୍ତ ନାଁରେ ସମସ୍ତ ପ୍ରମାଣକୁ ନଷ୍ଟ କରାଯାଇଛି । ଏହି କାରଣରୁ ଅନେକ ଲୋକ ଆଜି କ୍ଲିନଚିଟ୍ ପାଇବା ସ୍ଥିତିରେ ରହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଯେଉଁ ରାଜନେତା ତଥା ବିଧାୟକ ମାନେ ଚିଟଫଣ୍ଡକୁ ପୃଷ୍ଠପୋଷକତା ଦେଉଥିଲେ ସେମାନଙ୍କ ବିରୋଧରେ ହେଉଥିବା ଆଇନଗତ କାର୍ଯ୍ୟାନୁଷ୍ଠାନକୁ ସରକାର ନିଜେ ଚେଷ୍ଟା କରି ରୋକିଦେଉଛନ୍ତି । ଶାସକ ଦଳ ଆଉ ସରକାରକୁ ଉପଯୋଗ କରି ସମସ୍ତ କାମ ଜାରିରଖିଛନ୍ତି ବୋଲି ସେ କହିଛନ୍ତି ।
ସେ ଆହୁରି ମଧ୍ୟ କହିଛନ୍ତି, ଏହା ପରେ ରାଜ୍ୟ ସରକାର କହିଥିଲେ ପ୍ରଥମେ ଛୋଟ ଜମାକାରୀଙ୍କୁ ପଇସା ଫେରାଇଦିଆଯିବ । ୨୦୧୪ ପୂର୍ବରୁ ରାଜ୍ୟରେ କର୍ପସ ଫଣ୍ଡ ଗଠନ କରାଯାଇଥିଲା । ତେବେ ଏହି କର୍ପସ ଫଣ୍ଡ କେଉଁଆଡେ ଗଲା ତାହା ଆଜି ଯାଏ କେହିଁ ଜାଣିପାରିନାହାନ୍ତି । ଯେଉଁ ସବୁ ସମ୍ପତ୍ତି ବାଜ୍ୟାପ୍ତି କରାଗଲା ସେଥିରୁ ରାଜ୍ୟ ସରକାର ୬ ଶହରୁ ଅଧିକ କୋଟି ଟଙ୍କା ପାଇଥିଲେ ଯାହା ରାଜ୍ୟ ସରକାର ଆଦାୟ କରିଥିବା ପଇସା ବି ରାଜ୍ୟ ସରକାର ଲୋକଙ୍କୁ ଦେଇନଥିଲେ । ନା ଦୋଷୀକୁ ଦଣ୍ଡ ମିଳୁଛି ନା ଲୋକଙ୍କୁ ନ୍ୟାୟ ମିଳିପାରୁଛି । ବର୍ତ୍ତମାନ ରାଜ୍ୟ ସରକାର ଲୋକଙ୍କ ପଇସା ଫେରାଇବାକୁ ପ୍ରସ୍ତୁତ ନୁହଁ ।ତେଣୁ ଆଜି ଯଦି କେହି ଚଣ୍ଡଫଣ୍ଡ ଘଟଣାରେ ଅଧିକ ଦୋଷୀ ସେ ହେଉଛନ୍ତି ରାଜ୍ୟ ସରକାର । ଯେଉଁ ସତ୍ୟପାଠ ହେଉଛି ଯେ ପ୍ରଭାବଶାଳୀ ବ୍ୟକ୍ତି ଏହାକୁ ଅଟକାଉଛନ୍ତି ଏଥିରେ କୌଣସି ମିଥ୍ୟା ନାହିଁ । ରାଜ୍ୟ ସରକାର ନିଜେ ଆଜି କାଠଗଡାରେ ଛିଡା ହୋଇଛନ୍ତି ।