କଂଗ୍ରେସ ଜିଦ୍ ଆଗରେ ମୁଣ୍ଡ ନୁଆଁଇଲେ ଯୋଗୀ ସରକାର, ରାହୁଲ ଗାନ୍ଧୀଙ୍କ ସହ ୪ ଜଣଙ୍କୁ ଲକ୍ଷ୍ମୀପୁର ଯିବାକୁ ଅନୁମତି
କନକ ବ୍ୟୁରୋ : ଲକ୍ଷ୍ମୀପୁର ଯିବେ ରାହୁଲ ଗାନ୍ଧୀଙ୍କ ସହ ୩ ଜଣ କଂଗ୍ରେସର ବରିଷ୍ଠ ନେତା । ସେମାନଙ୍କୁ ଲକ୍ଷ୍ମୀପୁର ଯିବା ପାଇଁ ୟୁପି ଗୃହ ବିଭାଗ ଅନୁମତି ଦେଇଛି । ୟୁପି ଗୃହ ବିଭାଗ ରାହୁଲ ଗାନ୍ଧୀ, ପ୍ରିୟଙ୍କା ଗାନ୍ଧୀଙ୍କ ଅନ୍ୟ ୩ ଜଣ କଂଗ୍ରେସ ନେତାଙ୍କୁ ଲକ୍ଷ୍ମୀପୁର ଯିବାକୁ ଅନୁମତି ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ଲକ୍ଷ୍ମୀପୁରରେ କୃଷକମାନଙ୍କ ଉପରେ ବିଜେପି ନେତାଙ୍କ ପ୍ରୁ୍ରଅ ଗାଡି ଚଢାଇ ହତ୍ୟା କରିବା ଅଭିଯୋଗ ଆସିବା ପରେ କଂଗ୍ରେସ ପୁରା ଦମରେ ସେମାନଙ୍କୁ ନ୍ୟାୟ ଦେବାକୁ ଲାଗିପଡିଛି । ପ୍ରଥମେ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ମୃତ ଚାଷୀଙ୍କ ପରିବାରକୁ ଭେଟିବାକୁ ଯାଉଥିବା ବେଳେ ରାସ୍ତାରେ ତାଙ୍କୁ ପୋଲିସ ଗିରଫ୍ କରିଥିଲା । ଏହାପରେ ଛତିଶଗଡ ମୁଖ୍ୟମନ୍ତ୍ରୀ ଭୂପେଷ ବଘେଲ ଲକ୍ଷ୍ମୀପୁର ଯିବାକୁ ଚାହୁଁଥିବା ବେଳେ ତାଙ୍କ ଫ୍ଲାଇଟକୁ ଲ୍ୟାଣ୍ଡ କରିବାକୁ ୟୁପି ସରକାର ଅନୁମତି ଦେଇନଥିଲେ । ଏହାପରେ ବଘେଲ ସିଧା ବିମାନ ବନ୍ଦର ଭିତରେ ଧାରଣାରେ ବସିଥିଲେ । ସେପଟେ ରାଜସ୍ଥାନ କଂଗ୍ରେସର ଯୁବନେତା ତଥା ମନ୍ତ୍ରୀ ସଚିନ ପାଇଲଟଙ୍କୁ ବି ଗାଜିପୁର ସୀମାରେ ଅଟକାଇଥିଲା ପୋଲିସ । ହେଲେ ରାହୁଲ ଗାନ୍ଧୀ, ଚରଣଜିତସିଂ ଚନ୍ନୀ ଜିଦ ଧରିଥିଲେ କି ସେମାନେ ଲକ୍ଷ୍ମୀପୁର ଯିବେ । ଯଦି ଯୋଗୀ ସରକାରଙ୍କ ସାହସ ଅଛି ତେବେ ତାଙ୍କୁ ରାସ୍ତାରେ ପଟନ୍ତୁ ବୋଲି ରାହୁଲ ଯୋଗୀଙ୍କୁ ଚ୍ୟାଲେଞ୍ଜ କରିଥିଲେ । ଏବେ ସେ ଲକ୍ଷ୍ନୌ ଗସ୍ତରେ ବାହାରିଥିବା ବେଳେ ଯୋଗୀ ସରକାରଙ୍କ ଗୃହ ବିଭାଗ ସେମାନଙ୍କୁ ଲକ୍ଷ୍ମୀପୁର ଯିବାକୁ ଅନୁମତି ଦେଇଛି ।
State government has given permission to Congress leaders Rahul Gandhi, Priyanka Gandhi and three other people to visit Lakhimpur Kheri: Home Department, UP Government pic.twitter.com/sXOquXOkvJ
— ANI UP (@ANINewsUP) October 6, 2021
କହିରଖୁ କି ଲକ୍ଷ୍ମୀପୁର ମାମଲାରେ କେନ୍ଦ୍ର ବିଜେପି ଯୋଗୀଙ୍କ ହାତ ଛାଡୁଥିବା ନଜର ଆସିଛି । ଗୋଟେପଟେ ଏହି ମାମଲାର ମୁଖ୍ୟ ଅଭିଯୁକ୍ତ କୁହାଯାଉଥିବା ଅଜୟ ମିଶ୍ରାଙ୍କୁ କେନ୍ଦ୍ର ବିଜେପି ଆଜି ଦିଲ୍ଲୀ ଡାକିଥିବା ବେଳେ, ବିଜେପି ସାଂସଦ ବରୁଣ ଗାନ୍ଧୀ ବାରମ୍ବାର କୃଷକଙ୍କ ପକ୍ଷରେ ଟ୍ୱିଟ୍ କରି ବିଜେପିକୁ ଟାର୍ଗେଟ କରୁଛନ୍ତି ।