କ୍ୟାବିନେଟରେ ବଡ଼ ନିଷ୍ପତ୍ତି । କୃଷି କ୍ୟାବିନେଟରେ ଚାଷୀଙ୍କୁ ଋଣ ଦେବା ଉପରେ ଗୁରୁତ୍ୱ, ଐତିହ୍ୟ କ୍ୟାବିନେଟରେ ଓଡିଶୀ ସଙ୍ଗୀତକୁ ଶାସ୍ତ୍ରୀୟ ମାନ୍ୟତାକୁ ସିପାରିଶ ।
କନକ ବ୍ୟୁରୋ: ଓଡିଶୀ ସଙ୍ଗୀତକୁ ଶାସ୍ତ୍ରୀୟ ସଙ୍ଗୀତର ମାନ୍ୟତା ଦେବା ପାଇଁ କେନ୍ଦ୍ରକୁ ପ୍ରସ୍ତାବ ଦିଆଯିବ । ଏନେଇ ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ବସିଥିବା ଐତିହ୍ୟ କ୍ୟାବିନେଟରେ କେନ୍ଦ୍ରଙ୍କ ପ୍ରସ୍ତାବକୁ ମଂଜୁରି ଦିଆଯାଇଛି । ଐତିହ୍ୟ କ୍ୟାବିନେଟରେ ୭ଟି ପ୍ରସ୍ତାବକୁ ମଂଜୁରୀ ମିଳିଛି । ରାଜ୍ୟ ପ୍ରତ୍ନତତ୍ୱ ବିଭାଗର ସୁପରିଚାଳନା ପାଇଁ ସ୍ୱତନ୍ତ୍ର ନିର୍ଦ୍ଦେଶାଳୟ ଓ ନିର୍ଦ୍ଦେଶକ ରହିବେ । ରାଜ୍ୟ ସଂଗ୍ରହାଳୟ ପାଇଁ ସ୍ୱତନ୍ତ୍ର ନିର୍ଦ୍ଦେଶାଳୟ କରାଯିବା ପ୍ରସ୍ତାବକୁ ମଂଜୁରୀ । ଉକ୍ରଳମଣି ଗୋପବନ୍ଧୁଙ୍କ ଜନସ୍ଥଳୀ ସୁଆଣ୍ଡୋର ବିକାଶ ପାଇଁ ସାଢେ ୧୧ କୋଟି ଟଙ୍କା ବ୍ୟୟ କରାଯିବ । ସେହିପରି ରାଜ୍ୟ ସଂଗ୍ରହାଳୟ ଓ ଆନନ୍ଦଭବନକୁ ଭର୍ଚୁଆଲ କରିବା ପାଇଁ ନିଷ୍ପତି ନିଆଯାଇଛି
Kanak News is now on WhatsApp
Join and get latest news updates delivered to you via WhatsApp
ସେହିପରି କୃଷି କ୍ୟାବିନେଟ ବୈଠକରେ ଚାଷୀଙ୍କୁ ରୁଣ ଯୋଗାଇବା ଉପରେ ଗୁରୁତ୍ୱ ଦିଆଯାଇଛି । ଧାନ ସହ ଅନ୍ୟ ଫସଲ କରିବା ପାଇଁ ପ୍ରୋତ୍ସାହନ ଯୋଗାଇ ଦେବାକୁ କୃଷି କ୍ୟାବିନେଟ ବୈଠକରେ ନିଷ୍ପତି ହୋଇଛି । ଚାଷୀଙ୍କ ୟୁରିଆ ସାର ଯୋଗାଇ ଦିଆଯିବ । ବର୍ତମାନ ସୁଦ୍ଧା ୬.୧୫ ମେଟିକ ଟନ ୟୁରିଆ ସାର ଆସିଥିବା ସୂଚନା ଦେଇଛନ୍ତି କୃଷି ସଚିବ । ଏହାଛଡା କୃଷି ସଂପର୍କିତ ପରାମର୍ଶ ଦେବା ପାଇଁ ଏକ ଟୋଲଫ୍ରି ନଂବର ଜାରି କରାଯାଇଥିବା ସୂଚନା ଦେଇଛନ୍ତି କୃଷି ସଚିବ ।